റോഡ് ഉദ്ഘാടനം നിർവഹിച്ചു

പൊൻകുന്നം: പുനലൂർ-പൊൻകുന്നം പാതയിൽ കിഴക്കേക്കവലയിൽനിന്ന് കിഴക്കയിൽ ശ്രീദുർഗാ ഭഗവതിക്ഷേത്രത്തിലേക്ക് നിർമിച്ച റോഡി‍ൻെറ ഉദ്ഘാടനം പഞ്ചായത്ത് പ്രസിഡന്‍റ്​ സി.ആർ. ശ്രീകുമാർ നിർവഹിച്ചു. വാർഡ്​ അംഗം സിന്ധുദേവി അധ്യക്ഷതവഹിച്ചു. ജില്ല പഞ്ചായത്ത്​ അംഗം ടി.എൻ. ഗിരീഷ്‌കുമാർ, ബ്ലോക്ക് പഞ്ചായത്ത്​ അംഗം ഷാജി പാമ്പൂരി, പ്രമോദ് വടക്കേമുറി, സോമശേഖരൻ നായർ കൂനമ്പാൽ, ഹരീഷ്‌കുമാർ പാലേക്കുഴിയിൽ എന്നിവർ സംസാരിച്ചു. കാലങ്ങളായി ഇടുങ്ങിയ നിലയിലായിരുന്ന റോഡ് പഞ്ചായത്തി‍ൻെറ ആസ്തി രജിസ്റ്ററിലുള്ളതായിരുന്നു. ഹരീഷ്‌കുമാർ പാലേക്കുഴിയിൽ റവന്യൂ അധികൃതർക്ക് നൽകിയ നിവേദനത്തെതുടർന്ന് വഴി അളന്നുതിട്ടപ്പെടുത്തി പൂർവസ്ഥിതിയിലാക്കിയതാണ്. കെ.എസ്.ടി.പി ഏറ്റെടുത്ത സ്ഥലത്ത് പൊളിച്ചുനീക്കാതിരുന്ന കെട്ടിടം പൊതുമരാമത്ത് മന്ത്രിക്ക് നിവേദനം നൽകിയതിനെ തുടർന്ന് പൊളിച്ചതോടെയാണ് ക്ഷേത്രം റോഡി‍ൻെറ കവാടത്തിന് വീതി ലഭിച്ചത്. ക്ഷേത്രകമ്മിറ്റി സെക്രട്ടറി സോമശേഖരൻ നായർ, പ്രമോദ് വടക്കേമുറി എന്നിവരുടെ നേതൃത്വത്തിലായിരുന്നു നിർമാണപ്രവർത്തനം. KTL VZR 3 Road Inaguration ചെറുവള്ളി കിഴക്കേക്കവല-കിഴക്കേൽ ക്ഷേത്രം റോഡി‍ൻെറ ഉദ്ഘാടനം പഞ്ചായത്ത് പ്രസിഡന്‍റ്​ സി.ആർ. ശ്രീകുമാർ നിർവഹിക്കുന്നു