ആന്‍റോ ആന്‍ണി എം.പിയെ ആദരിച്ചു

പാറത്തോട്: ഇരുപത്താറാംമൈല്‍-വണ്ടന്‍പാറ റോഡ്, പൊടിമറ്റം-പൊന്മല-ആനക്കല്ല് റോഡ് എന്നിവ കേന്ദ്ര പദ്ധതിയിൽ ഉള്‍പ്പെടുത്തി പുനര്‍നിര്‍മിക്കുന്നതിന് ഫണ്ട് അനുവദിപ്പിച്ച ആന്‍റോ ആന്‍റണി എം.പിയെ പാറത്തോട് പഞ്ചായത്ത് ഭരണസമിതി ആദരിച്ചു. പഞ്ചായത്ത് ജനകീയാസൂത്രണ പദ്ധതിയുടെ 25മത് വാര്‍ഷികാഘോഷത്തി‍ൻെറ ഭാഗമായി ചേർന്ന യോഗത്തിലാണ് ആദരം. ​പഞ്ചായത്ത് പ്രസിഡന്‍റ്​ ജോണിക്കുട്ടി എബ്രാഹം മഠത്തിനകത്ത്​ അധ്യക്ഷതവഹിച്ചു. പൊടിമറ്റം സെന്‍റ് ജോസഫ് ഇടവക വികാരി തോമസ് പഴവകാട്ടില്‍, വിവിധ തലങ്ങളില്‍ മികവ് തെളിയിച്ച പ്രതിഭകള്‍, സ്വരുമ പാലിയേറ്റിവ് കാഞ്ഞിരപ്പള്ളി, എസ്.എച്ച് പ്രൊവിന്‍ഷ്യല്‍ പൊടിമറ്റം എന്നിവരെയും പുരസ്കാരം നല്‍കി ആദരിച്ചു. പഞ്ചായത്ത് വൈസ്​ പ്രസിഡന്‍റ് സിന്ധു മോഹനന്‍, സ്ഥിരം സമിതി അധ്യക്ഷൻമാരായ ഡയസ് കോക്കാട്ട്, വിജയമ്മ വിജയലാല്‍, അന്നമ്മ വര്‍ഗീസ്, മുന്‍ പഞ്ചായത്ത് വൈസ്​ പ്രസിഡന്‍റ് ടി.എം. ഹനീഫ, മെംബര്‍മാരായ സോഫി ജോസഫ്, കെ.പി സുജീലന്‍, ഷാലിമ്മ ജയിംസ്, ജോളി തോമസ്, കെ.കെ. ശശികുമാര്‍, ടി. രാജന്‍, ബിജോജി തോമസ്, ഏലിയാമ്മ ജോസഫ്, കെ.എ.സിയാദ് , ബീന ജോസഫ് എന്നിവര്‍ സംസാരിച്ചു. KTL WBL Parathod Panchayath ഫോട്ടോയുടെ അടിക്കുറിപ്പ് ജനകീയാസൂത്രണം 25ആം വാര്‍ഷികാഘോഷത്തോട്​ അനുബന്ധിച്ച് മുന്‍ ജനപ്രതിനിധി മാര്‍ട്ടിന്‍ തോമസിന് ആന്‍റോ ആന്‍റണി എം.പി മൊമന്‍റോ നല്‍കുന്നു