ദീപുവി​ന്‍റെ മരണം: നാലുപേരെ കസ്റ്റഡിയിൽ വിട്ടു

കൊച്ചി: കിഴക്കമ്പലത്ത്​ ട്വന്‍റി20 പ്രവർത്തകൻ ദീപു കൊല്ലപ്പെട്ട കേസിൽ നാല്​ പ്രതികളെ പൊലീസ്​ കസ്റ്റഡിയിൽ വിട്ടു. സി.പി.എം പ്രവര്‍ത്തകരായ പാറാട്ടുവീട്ടില്‍ സൈനുദ്ദീന്‍ സലാം, നെടുങ്ങാടന്‍ ബഷീര്‍, വലിയപറമ്പില്‍ അസീസ്, ബീയാട്ട്​ അബ്​ദുറഹ്മാൻ എന്നിവരെയാണ്​ എറണാകുളം പ്രിൻസിപ്പൽ സെഷൻസ്​ കോടതി രണ്ട്​ ദിവസത്തേക്ക്​ പൊലീസ്​ കസ്റ്റഡിയിൽ വിട്ടത്​. ചോദ്യം ചെയ്യലിനും തെളിവെടുപ്പിനും ശേഷം 24 ന്​ വൈകീട്ട്​ നാലിനകം തിരികെ ഹാജരാക്കാനാണ്​ കോടതിയുടെ നിർദേശം. വിളക്കണക്കൽ സമരത്തിനിടെ സി.പി.എം പ്രവർത്തകർ ദീപുവിനെ വീട്ടിൽനിന്ന്​ പിടിച്ചിറക്കി മർദിച്ചെന്നാണ്​ കേസ്​. ആദ്യം പഴങ്ങനാ​ട്ടെ സ്വകാര്യ ആശുപത്രിയിലും തുടർന്ന്​ ആലുവ രാജഗിരി ആശുപത്രിയിലും എത്തിച്ചെങ്കിലും കഴിഞ്ഞ വെള്ളിയാഴ്ച മരണപ്പെട്ടു.