പുരയിടത്തിന് തീപിടിച്ചു

കടുത്തുരുത്തി: മുട്ടുചിറ നീലക്കൽ വീട്ടിൽ ജോൺ അലക്സിന്‍റെ പുരയിടത്തിന്​​ തീപിടിച്ചു​. ബുധനാഴ്ച രാവിലെ 11.50ഓടുകൂടിയാണ്​ സംഭവം. നാലോളം വേസ്റ്റ് ടാങ്കുകൾക്കും സമീപത്തെ മരങ്ങൾക്കും ചപ്പുചവറുകൾക്കും തീപിടിച്ചു. കടുത്തുരുത്തി അഗ്നിരക്ഷാ സേനയാണ്​ തീയണച്ചത്. സേനയുടെ സമയോചിത ഇടപെടൽ മൂലം സമീപത്തെ വീടുകളിലേക്ക്​ തീപടരാതെ നിയന്ത്രണ വിധേയമാക്കാൻ സാധിച്ചു. രക്ഷാപ്രവർത്തനങ്ങൾക്ക് അസി. സ്റ്റേഷൻ ഓഫിസർ ടി. ഷാജികുമാർ, സീനിയർ ഫയർ ആൻഡ് റെസ്ക്യൂ ഓഫിസർമാരായ വി.കെ. ജയകുമാർ, എസ്. മനോഹർ, എസ്.ആർ. രഞ്ജിത്ത്, ജോബിൻ ജോൺ, മഹേഷ്, പ്രമോദ് കുമാർ, ടോമി എന്നിവർ നേതൃത്വം നൽകി.