ബസും ബൈക്കും കൂട്ടിയിടിച്ച്​ യുവാവിന് പരിക്ക്

പാമ്പാടി: കെ.എസ്​.ആർ.ടി.സി ബസും ബൈക്കും കൂട്ടിയിടിച്ച്​ ബൈക്ക്​ യാത്രികന്​ പരിക്ക്. കാഞ്ഞിരപ്പള്ളി തമ്പലക്കാട് സ്വദേശി ജിബിനാണ് (25) പരിക്കേറ്റത്. ബുധനാഴ്ച വൈകീട്ട് 6.45ഓടെ പുളിക്കൽ കവല ജങ്​ഷന് സമീപം പൊൻകുന്നം റൂട്ടിലെ വളവിലാണ് അപകടം നടന്നത്​. കാഞ്ഞിരപ്പള്ളി ഭാഗത്തേക്ക്​ സഞ്ചരിച്ച ബൈക്ക്​ എതിരെയെത്തിയ ബസുമായി കൂട്ടിയിടിക്കുകയായിരുന്നു. ജിബിനെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പള്ളിക്കത്തോട് പൊലീസ് മേൽനടപടി സ്വീകരിച്ചു.