എം.ജി കലോത്സവം: ഫേസ്ബുക്ക്, ഇന്‍സ്റ്റഗ്രാം പേജുകള്‍ പ്രകാശനം ചെയ്തു

പത്തനംതിട്ട: മഹാത്മാ ഗാന്ധി സര്‍വകലാശാല കലോത്സവത്തിന്‍റെ ഔദ്യോഗിക ഫേസ്ബുക്ക്, ഇന്‍സ്റ്റഗ്രാം പേജുകളുടെ പ്രകാശനം കലക്ടറേറ്റില്‍ നടന്ന ചടങ്ങില്‍ കലക്ടര്‍ ഡോ. ദിവ്യ എസ്. അയ്യര്‍ നിര്‍വഹിച്ചു. ഏപ്രില്‍ ഒന്നുമുതല്‍ അഞ്ചുവരെ പത്തനംതിട്ടയില്‍ ഏഴ്​ വേദിയിലായാണ് കലോത്സവം നടക്കുക. കലോത്സവത്തിന്‍റെ എല്ലാ വിവരവും ദൃശ്യങ്ങളും വേക്ക്അപ്കോള്‍ 2022 എന്ന ഫേസ്ബുക്കിലും ഇന്‍സ്റ്റഗ്രാമിലും ലഭ്യമാണ്. ജനറല്‍ കണ്‍വീനര്‍ ശരത് ശശിധരന്‍, യൂനിവേഴ്‌സിറ്റി യൂനിയൻ വൈസ് ചെയര്‍പേഴ്‌സൻ സ്റ്റെനി മേരി എബ്രഹാം, പ്രോഗ്രാം കമ്മിറ്റി കണ്‍വീനര്‍ അമല്‍ എബ്രഹാം എന്നിവര്‍ പങ്കെടുത്തു.