പി.സി.​ ജോർജിനെ എ.​ഐ.വൈ.എഫ്​ കരി​ങ്കൊടി കാട്ടി

'കാസ' നേതൃത്വത്തിൽ സ്വീകരണം നൽകി കോട്ടയം: സംഘ്​പരിവാർ അനുകൂല ക്രൈസ്തവ സംഘടനയായ 'കാസ' നൽകിയ സ്വീകരണത്തിൽ പ​​​ങ്കെടുക്കാനെത്തിയ പി.സി. ജോർജിനെതിരെ എ.​ഐ.വൈ.എഫ്​ പ്രതിഷേധം. വാഹനത്തിന് ​മുന്നിലേക്ക്​ ചാടിയ​ പ്രവർത്തകർ അദ്ദേഹത്തെ കരി​ങ്കൊടി കാട്ടി. പ്രതിഷേധം കണക്കിലെടുത്ത്​ ചടങ്ങ്​ സംഘടിപ്പിച്ച കോട്ടയം ദർശന ഓഡി​റ്റോറിയത്തിനു മുന്നിൽ വൻ പൊലീസ്​ സന്നാഹം നിലയുറപ്പിച്ചിരുന്നു. പ്രതിഷേധക്കാർക്കെതി​രെ ബി.ജെ.പി, കാസ പ്രവർത്തകർ മുദ്രാവാക്യം മുഴക്കിയെത്തിയതോടെ സംഘർഷാവസ്ഥ ഉടലെടുത്തെങ്കിലും പൊലീസ്​ ഇടപെട്ട്​ ഇരുപക്ഷത്തെയും ​നീക്കി. ഇതിനു പിന്നാലെ സമ്മേളനനഗറിലേക്കുള്ള ഗേറ്റ്​ പൂട്ടാൻ പൊലീസ്​ ശ്രമിച്ചതിനെതിരെ ബി.ജെ.പി പ്രവർത്തകർ രംഗത്തെത്തിയത്​ വീണ്ടും നേരിയ സംഘർഷത്തിനും ഇടയാക്കി. ചില ക്രൈസ്തവ മതമൗലികവാദികളാണ്​ പി.സി. ജോർജിന്​ സ്വീകരണമൊരുക്കിയതെന്നും ഇത്തരം ശ്രമങ്ങ​ളെ കേരളം തള്ളിക്കളയുമെന്നും എ.ഐ.വൈ.എഫ്​ കോട്ടയം ജില്ല പ്രസിഡന്റ് റെനീഷ് കാരിമറ്റം പറഞ്ഞു. എ.​ഐ.വൈ.എഫ്​ ജില്ല കമ്മിറ്റി അംഗങ്ങളായ രഞ്ജിത് കുമാർ, ഷാജോ കുടമാളൂർ, നന്ദു ജോസഫ്, നജീബ്, ദീപു, രാഗേഷ്, സുനീഷ്, സന്തോഷ് കൃഷ്ണൻ, ബിന്ദു ജോസ്, എ.ഐ.എസ്​.എഫ്​ ജില്ല സെക്രട്ടറി നിഖിൽ ബാബു, ജില്ല വൈസ്​ പ്രസിഡന്റ് കെ.യു. അഖിൽ എന്നിവർ പ്രതിഷേധത്തിന്​ നേതൃത്വം നൽകി. തുടർന്ന്​ വൻ പൊലീസ്​ സന്നാഹങ്ങൾക്കിടെ സ്വീകരണം ചടങ്ങ്​ കത്തോലിക്ക കോൺഗ്രസ് ചങ്ങനാശ്ശേരി അതിരൂപത പ്രസിഡന്‍റ്​ അഡ്വ. പി.പി. ജോസഫ് ഉദ്​ഘാടനം ചെയ്തു. പി.സി. ജോർജ് മുഖ്യപ്രഭാഷണം നടത്തി. തിരുവനന്തപുരത്ത്​ പറഞ്ഞ എല്ലാ കാര്യങ്ങളിലും ഉറച്ചുനിൽക്കുന്നു. ഈ വിഷയത്തിൽ കേരളം മുഴുവൻ ആശയപ്രചാരണം നടത്താനാണ്​ തീരുമാനം. ആരെയും ഭയമില്ലെന്നും രാജ്യത്തെ ഒറ്റുകൊടുക്കുന്നവർക്ക്​ പിണറായി വിജയനും യു.ഡി.എഫും പിന്തുണ നൽകുകയാണെന്നും ജോർജ്​ പറഞ്ഞു. കാസ പ്രസിഡന്‍റ്​ കെവിൻ പീറ്റർ, ഹിന്ദു ഐക്യവേദി സംസ്ഥാന ജനറൽ സെക്രട്ടറി ആർ.വി. ബാബു, ഫാ. ലൂക്ക്​ പൂതൃക്കയിൽ, ജോസ്​ വള്ളനാട്​, ക്രോസ്​ ജനറൽ സെക്രട്ടറി ജോജി ജോർജ്​, ബി.ജെ.പി സംസ്ഥാന വക്താവ്​ അഡ്വ. നാരായണൻ നമ്പൂതിരി, മൈനോറിറ്റി മോർച്ച നേതാവ്​ മാഗി ​ഡൊമിനിക്​, ​ഡോ. ജോർജ്​ വർഗീസ്​ എന്നിവർ പ​​​​ങ്കെടുത്തു. പടം dp