വർഗീയ ഛിദ്രശക്തികളെ ഒറ്റപ്പെടുത്തണം

ചങ്ങനാശ്ശേരി: മതസൗഹാർദത്തിനും സഹോദര്യത്തിനും സഹവർത്തിത്വത്തിനും കേൾവികേട്ട കേരളത്തിന്റെ പാരമ്പര്യം ഇല്ലാതാക്കുന്ന വർഗീയ ഛിദ്രശക്തികളെ കേരളീയ സമൂഹം ഒറ്റപ്പെടുത്തണമെന്ന് സമസ്ത കേരള ജംഇയ്യതുൽ ഉലമ ജില്ല പ്രസിഡന്റ് കെ.എസ്.എം. റഫീഖ് അഹമദ് സഖാഫി. പൊട്ടശ്ശേരി മർകസുൽ ഹുദാ ഇസ്ലാമിക് കോംപ്ലക്​സിൽ നടന്ന ഈദ് മീറ്റ് ഉദ്​ഘാടനം ചെയ്യുകയായിരുന്നു അദ്ദേഹം. എത്രതന്നെ പ്രകോപനം ഉണ്ടായാലും ഇസ്ലാമിക ആദർശത്തിനും രാജ്യത്തിന്റെ അഖണ്ഡതക്കും വിരുദ്ധമായ പ്രവർത്തനങ്ങൾ മുസ്​ലിംകളുടെ ഭാഗത്ത് ഉണ്ടാകരുത്. റമദാൻ നൽകുന്ന സന്ദേശം അതാണെന്നും അദ്ദേഹം പറഞ്ഞു. ഇമാം അബ്ദുൽ സലാം ബാഖവി അധ്യക്ഷത വഹിച്ചു. യൂസുഫ് സഖാഫി, ഹുസൈൻ അമാനി, താഹ മുസ്​ലിയാർ, ഷൗക്കത്ത് മുസ്​ലിയാർ, അബ്ദുൽ ഖാദർ ലബ്ബ, നിയാസ് പൊട്ടശ്ശേരി എന്നിവർ സംസാരിച്ചു.