പട്ടിത്താനത്ത് മൂടിയില്ലാത്ത ഓടകള്‍ അപകടക്കെണിയാകുന്നു

ഏറ്റുമാനൂര്‍: കുറവിലങ്ങാട്-ഏറ്റുമാനൂര്‍ എം.സി റോഡില്‍ പട്ടിത്താനം കവലക്ക്​ സമീപം മൂടിയില്ലാത്ത ഓടകള്‍ അപകടക്കെണിയാകുന്നു. റോഡ് നിര്‍മാണവും ഓട നിര്‍മാണവും കഴിഞ്ഞ് വര്‍ഷങ്ങള്‍ പിന്നിട്ടിട്ടും ഓടകള്‍ മൂടാന്‍ അധികൃതര്‍ തയാറായിട്ടില്ല. ഈ ഭാഗത്ത് വഴിവിളക്കുകളുടെ അഭാവം മൂലം രാത്രിയായാല്‍ റോഡും ഓടയും തിരിച്ചറിയാനാവാത്ത അവസ്ഥയിലാണ്. അമിതവേഗത്തിലെത്തുന്ന വാഹനങ്ങളില്‍നിന്ന്​ രക്ഷനേടാന്‍ റോഡ് അരികിലേക്കുനീങ്ങി നില്‍ക്കുന്ന വഴിയാത്രക്കാര്‍ പലരും ഓടയില്‍ വീഴുന്നത് പതിവായി. നിരവധി ഇരുചക്രവാഹനങ്ങളും ഈ ഭാഗത്ത് ഓടയില്‍വീണ് അപകടത്തില്‍പെട്ടിട്ടുണ്ടെന്ന് പ്രദേശവാസികള്‍ പറയുന്നു. ഓടകള്‍ മൂടാത്തതിനാല്‍ വര്‍ഷകാലത്ത് ഓട നിറഞ്ഞൊഴുകി റോഡില്‍ വെള്ളക്കെട്ടിനും കാരണമാകുന്നുണ്ട്. KTL OODA- കുറവിലങ്ങാട്- ഏറ്റുമാനൂര്‍ എം.സി റോഡില്‍ പട്ടിത്താനം കവലക്കുസമീപം മൂടിയില്ലാത്ത ഓട