വ്യാപാര സമുച്ചയവും മിനി ഓഡിറ്റോറിയവും ഉദ്​ഘാടനം നാളെ

കാഞ്ഞിരപ്പള്ളി: കൂവപ്പള്ളി ബാങ്ക് പുതുതായി നിർമിച്ച വ്യാപാര സമുച്ചയവും മിനി ഓഡിറ്റോറിയവും ശനിയാഴ്ച വൈകീട്ട്​ അഞ്ചിന് മന്ത്രി വി.എൻ. വാസവൻ ഉദ്​ഘാടനം ചെയ്യുമെന്ന് സെബാസ്റ്റ്യൻ കുളത്തുങ്കൽ എം.എൽ.എ വാർത്തസമ്മേളനത്തിൽ അറിയിച്ചു. ഗവ. ചീഫ് വിപ്പ് ഡോ. എൻ. ജയരാജ് മുഖ്യപ്രഭാഷണം നടത്തും. എം.പിമാരായ ജോസ് കെ. മാണി, ആന്‍റോ ആന്‍റണി, ജില്ല പഞ്ചായത്ത്​ പ്രസിഡന്‍റ്​ നിർമല ജിമ്മി, സഹകരണ ജോയന്‍റ്​ രജിസ്​ട്രാർ എൻ. അജിത് കുമാർ എന്നിവർ പ്രമുഖരെ ആദരിക്കും. ഷിജോ കെ. തോമസ് കൊല്ലംപറമ്പിൽ (ഓക്സിജൻ സി.ഇ.ഒ ), സണ്ണി ജേക്കബ് ഇടക്കാട്ട് ( സൻെറ്റ് മേരീസ് റബേഴ്സ്), ഡി.എം. മാത്യു തെക്കേ വയലിൽ (റോയൽ ലാറ്റക്സ് ) എന്നിവരെയും ബാങ്കിന്റെ ആദ്യസഹകാരികളെയുമാണ് ആദരിക്കുക. ജോസ് കൊള്ളി കുളവിൽ, ടോമി ജോസഫ് പന്തലാനിക്കൽ, ആൻസി ജോസഫ്, ബീന ബെന്നി പന്തലാനിക്കൽ, ജോളി ഡൊമിനിക്​, ടി.ഡി. കുട്ടപ്പൻ തടത്തിൽ, ബാങ്ക് സെക്രട്ടറി ജോസ് മനോജ് പാറടിയിൽ എന്നിവരും വാർത്തസമ്മേളനത്തിൽ പങ്കെടുത്തു.