കടുത്തുരുത്തിയിൽ റോഡ് പുനരുദ്ധാരണത്തിന് 7.25 കോടി -മോൻസ് ജോസഫ്

കടുത്തുരുത്തി: പൊതുമരാമത്ത് വകുപ്പി​ൻെറ കീഴിലെ കടുത്തുരുത്തി നിയോജകമണ്ഡലത്തിലെ ശോച്യാവസ്ഥയിലായ വിവിധ റോഡുകളുടെ നവീകരണത്തിനും അടിയന്തര അറ്റകുറ്റപ്പണിക്കുമായി 7.25 കോടി സംസ്ഥാന സർക്കാർ അനുവദിച്ചതായി മോൻസ് ജോസഫ് എം.എൽ.എ അറിയിച്ചു. ജില്ലയിലെ എം.എൽ.എമാരുമായി പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് നടത്തിയ ചർച്ചയുടെ അടിസ്ഥാനത്തിലാണ് അസംബ്ലി മണ്ഡലം അടിസ്ഥാനത്തിൽ സർക്കാർ ഫണ്ട് അനുവദിച്ചിരിക്കുന്നതെന്ന് മോൻസ് ജോസഫ് പറഞ്ഞു.