ക്രി​സ്മ​സി​ന്​ 10 നാ​ൾ; സപ്ലൈകോ കാലി തന്നെ

കോ​ട്ട​യം: ക്രി​സ്മ​സി​ന്​ 10 നാ​ൾ അ​വ​ശേ​ഷി​ക്കെ സ​പ്ലൈ​കോ ഔ​ട്ട്​​ലെ​റ്റു​ക​ൾ കാ​ലി​യാ​യി തു​ട​രു​ന്നു. സ​ബ്​​സി​ഡി സാ​ധ​ന​ങ്ങ​ളു​ടെ ല​ഭ്യ​ത​ക്കു​റ​വും വി​ല​വ​ർ​ധ​ന​യും സാ​ധാ​ര​ണ​ക്കാ​ര​ന്‍റെ നി​ത്യ​ജീ​വി​ത​ത്തി​നെ അ​വ​താ​ള​ത്തി​ലാ​ക്കി​യി​ട്ടു​ണ്ട്. അ​വ​ശ്യ​സാ​ധ​ന​ങ്ങ​ളു​ടെ ല​ഭ്യ​ത​ക്കു​റ​വ്​ മൂ​ലം ലാ​ഭം കൊ​യ്യു​ന്ന​ത്​ വ​ൻ​കി​ട സ്വ​കാ​ര്യ ക​ച്ച​വ​ട​ക്കാ​രും പൂ​ഴ്ത്തി​വെ​പ്പു​കാ​രു​മാ​ണ്.

ന​ഗ​ര​ഹൃ​ദ​യ​ത്തി​ലെ സ​പ്ലൈ​കോ ഔ​ട്ട്​​ലെ​റ്റി​ലെ റാ​ക്കു​ക​ൾ ഏ​റെ​യും നി​ല​വി​ൽ കാ​ലി​യാ​ണ്. വെ​ളി​ച്ചെ​ണ്ണ എ​ത്തി​യി​ട്ട്​ മൂ​ന്ന്​ മാ​സ​മാ​യി. അ​ടു​ത്തി​ടെ സ​ബ്​​സി​ഡി സാ​ധ​ന​ങ്ങ​ളു​ടെ വി​ല​വ​ർ​ധി​പ്പി​ച്ച​തും ഉ​പ​ഭോ​ക്താ​ക്ക​ൾ​ക്ക്​ ഇ​രു​ട്ട​ടി​യാ​യി. പ​ഞ്ച​സാ​ര, അ​രി, പ​രി​പ്പ്​ തു​ട​ങ്ങി​യ ചു​രു​ക്കം ആ​വ​ശ്യ​വ​സ്തു​ക്ക​ൾ മാ​ത്ര​മാ​ണ്​ ഇ​വി​ടെ എ​ത്തി​യി​രി​ക്കു​ന്ന​ത്. എ​ന്നി​രു​നാ​ലും സ​പ്ലൈ​കോ​യി​ൽ​നി​ന്ന്​ ല​ഭി​ക്കു​ന്ന​ത്​ ര​ണ്ടാം​ത​രം ഉ​ൽ​​പ​ന്ന​ങ്ങ​ളാ​ണെ​ന്നും ആ​ക്ഷേ​പ​മു​ണ്ട്. വീ​ട്ട​മ്മ​മാ​ർ ഒ​ഴി​ഞ്ഞ സ​ഞ്ചി​ക​ളു​മാ​യാ​ണ്​ സ​പ്ലൈ​കോ​യി​ൽ​നി​ന്ന്​ മ​ട​ങ്ങു​ന്ന​ത്.

ജീ​വ​ന​ക്കാ​രും യാ​ത​ന​യി​ൽ

കോ​വി​ഡി​ന്​ മു​മ്പ്​ മാ​സ​ത്തി​ൽ 75 ല​ക്ഷം വ​രെ ല​ഭി​ച്ചി​രു​ന്ന ന​ഗ​ര​ത്തി​ലെ ഔ​ട്ട്​​ലെ​റ്റ്​ പ​രി​താ​വ​സ്ഥ​യി​ലാ​ണ്. ന​വം​ബ​റി​ൽ 36 ല​ക്ഷ​മാ​ണ്​ നേ​ടാ​നാ​യ​ത്. ഇ​തി​നി​ടെ, ദി​വ​സ​വേ​ത​ന​ക്കാ​രു​ടെ യൂ​നി​​ഫോം പോ​ലും സ്വ​ന്തം ചെ​ല​വി​ൽ ത​യ്​​പ്പി​ക്കേ​ണ്ട അ​വ​സ്ഥ​യി​ലാ​ണ്​. 1000 രൂ​പ​യോ​ളം​വ​രും ഇ​തി​ന്‍റെ ചെ​ല​വ്. ഒ​രു ജോ​ടി സ്​​പോ​ൺ​സ​ർ വ്യ​വ​സ്ഥ​യി​ൽ ല​ഭി​ച്ചി​രു​ന്നു. യൂ​നി​ഫോം ഉ​പ​യോ​ഗി​ക്കാ​ത്ത ജീ​വ​ന​ക്കാ​ർ​ക്ക്​ 500 രൂ​പ​വ​രെ​യാ​ണ്​ സ​പ്ലൈ​കോ പി​ഴ ഈ​ടാ​ക്കു​ന്ന​ത്.

ശ​മ്പ​ള​പ്ര​തി​സ​ന്ധി​യെ തു​ട​ർ​ന്ന്​ മൂ​ന്ന്​ ജീ​വ​ന​ക്കാ​രെ പി​രി​ച്ചു​വി​ട്ട ന​ഗ​ര​ത്തി​ലെ സ​പ്ലൈ​കോ ഔ​ട്ട്​​ലെ​റ്റി​ൽ അ​ഞ്ച്​ ജീ​വ​ന​ക്കാ​രാ​ണ്​ ഇ​പ്പോ​ൾ ജോ​ലി​ചെ​യ്യു​ന്ന​ത്. ഓ​രോ​മാ​സ​വും ഇ​വ​രു​ടെ ശ​മ്പ​ളം വീ​തം​വെ​ച്ച്​ ന​ൽ​കേ​ണ്ട അ​വ​സ്ഥ​യി​ലാ​ണ്. ജീ​വ​ന​ക്കാ​ർ​ക്ക്​ മി​ക്ക​പ്പോ​ഴം ല​ഭി​ക്കു​ന്ന​ത്​ ശ​മ്പ​ള​ത്തി​ന്‍റെ പ​കു​തി​യി​ൽ താ​ഴെ മാ​ത്ര​മാ​ണ്. സ​ർ​ക്കാ​റി​ൽ​നി​ന്ന്​ 3000 കോ​ടി​യോ​ള​മാ​ണ്​ സ​പ്ലൈ​കോ​ക്ക്​​ കി​ട്ടാ​നു​ള്ള​ത്. കോ​വി​ഡ്​ കാ​ല കി​റ്റി​ന്‍റെ ചെ​ല​വ്​ തു​ക ഉ​ൾ​പ്പെ​ടെ സ​പ്ലൈ​കോ​ക്ക്​ സ​ർ​ക്കാ​ർ കൊ​ടു​ക്കാ​നു​ണ്ട്.

പൂട്ടുവീണ്​ മെഡിക്കൽ സ്റ്റോർ

സ​പ്ലൈ​കോ മെ​ഡി​ക്ക​ൽ സ്റ്റോ​റി​ന്​ പൂ​ട്ടു​വീ​ണി​ട്ട്​ ര​ണ്ടു​വ​ർ​ഷം ക​ട​ക്കു​ന്നു. ഹൈ​പ​ർ മാ​ർ​ക്ക​റ്റി​നു​ള്ളി​ൽ പ്ര​വ​ർ​ത്തി​ച്ചി​രു​ന്ന മെ​ഡി​ക്ക​ൽ സ്റ്റോ​ർ ഫാ​ർ​മ​സി​സ്റ്റ്​ ഇ​ല്ലെ​ന്ന കാ​ര​ണ​ത്താ​ലാ​ണ്​ അ​ട​ച്ചു​പൂ​ട്ടി​യ​ത്. വീ​ണ്ടും തു​റ​ക്കു​മോ​യെ​ന്ന ചോ​ദ്യ​ത്തി​ന്​ മൗ​നം​മാ​ത്ര​മാ​ണ്​ അ​ധി​കൃ​ത​രു​ടെ ഉ​ത്ത​രം. ഇ​ൻ​സു​ലി​ന്​ 20 മു​ത​ൽ 24 ശ​ത​മാ​നം വ​രെ വി​ല​ക്കു​റ​വും ബി.​പി.​എ​ൽ കാ​ർ​ഡ്​ ഉ​ട​മ​ക​ൾ​ക്ക്​ 25 ശ​ത​മാ​നം വി​ല​ക്കു​റ​വും മെ​ഡി​ക്ക​ൽ സ്റ്റോ​റി​ൽ​നി​ന്ന്​ ല​ഭി​ച്ചി​രു​ന്നു.