കഞ്ചാവുമായി പിടിയിൽ
text_fieldsസൽമാനുൽ ഫാരിസ്, സെയ്ദുൽ മോണ്ടൽ
മണർകാട്: കഞ്ചാവുമായി യുവാവിനെ അറസ്റ്റ് ചെയ്തു. മണർകാട് വെളിയിൽ പടിഞ്ഞാറെത്തറ വീട്ടിൽ പി.എ. സൽമാനുൽ ഫാരിസിനെയാണ് (23) മണർകാട് പൊലീസ് അറസ്റ്റ് ചെയ്തത്. ചെറിയാൻ ആശ്രമം ഭാഗത്ത് പട്രോളിങ് നടത്തുന്നതിനിടെ സംശയാസ്പദമായ രീതിയിൽ യുവാവിനെ കണ്ടതിനെത്തുടർന്ന് പൊലീസ് നടത്തിയ പരിശോധനയിൽ ഇയാളുടെ പക്കൽനിന്ന് വിൽപനക്ക് സൂക്ഷിച്ചിരുന്ന 27 ഗ്രാം കഞ്ചാവ് പിടികൂടുകയായിരുന്നു. മണർകാട് എസ്.ഐ അഖിൽദേവ്, ഗോപകുമാർ.എസ്, സി.പി.ഒമാരായ തോമസ് രാജു, ജിജോ തോമസ്, ശ്രീകുമാർ എ.എസ് എന്നിവർ ചേർന്നാണ് ഇയാളെ പിടികൂടിയത്.
ഈരാറ്റുപേട്ട: കഞ്ചാവുമായി ബംഗാൾ സ്വദേശിയായ യുവാവിനെ പിടികൂടി. വെസ്റ്റ് ബംഗാൾ സ്വദേശിയായ സെയ്ദുൽ മോണ്ടൽ (29) എന്നയാളെയാണ് ഈരാറ്റുപേട്ട പൊലീസ് അറസ്റ്റ് ചെയ്തത്. ഈരാറ്റുപേട്ട പൊലീസ് പട്രോളിങ് നടത്തുന്നതിനിടെ തെക്കേക്കര ഭാഗത്ത് എ വൺ ലോഡ്ജിന് സമീപത്ത് കണ്ട ഇയാളെ പരിശോധിച്ചപ്പോഴാണ് കഞ്ചാവ് കണ്ടെടുത്തത്. ഈരാറ്റുപേട്ട എസ്.ഐ വിഷ്ണു വി.വി, സി.പി.ഒമാരായ പ്രദീപ് എം. ഗോപാൽ, രഞ്ജിത് കുമാർ.ബി എന്നിവർ ചേർന്നാണ് ഇയാളെ അറസ്റ്റ് ചെയ്തത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.