ഒറ്റക്ക് താമസിച്ചിരുന്ന വയോധികയെ പീഡിപ്പിക്കാൻ ശ്രമം; പ്രതി അറസ്റ്റിൽ
text_fieldsകിടങ്ങൂർ: ഒറ്റക്ക് താമസിച്ചുവന്ന 88 വയസ്സുകാരിയെ വീട്ടിൽ അതിക്രമിച്ചുകയറി പീഡിപ്പിക്കാൻ ശ്രമിച്ച യുവാവ് അറസ്റ്റിൽ. കിടങ്ങൂർ കാഞ്ഞിരക്കാട്ട് പ്രസാദിനെയാണ് (20) കിടങ്ങൂർ പൊലീസ് പിടികൂടിയത്.
മുൻപരിചയംവെച്ച് യുവാവ് വീട്ടിലെത്തുകയും ആരും ഇല്ലെന്ന് മനസ്സിലാക്കി മുറിയിൽ അതിക്രമിച്ചുകടന്ന് പീഡനശ്രമം നടത്തുകയുമായിരുന്നു. ഇവർ എതിർത്തതോടെ യുവാവ് കടന്നുകളഞ്ഞു. പരിക്കേറ്റ ഇവർ ആശുപത്രിയിൽ ചികിത്സ തേടി. സംഭവസ്ഥലത്തുനിന്ന് രക്ഷപ്പെട്ട പ്രസാദിനെ പിന്നീട് പിടികൂടുകയായിരുന്നു.
നേരത്തേ തിരുവഞ്ചൂർ ജുവനൈൽ ഹോമിലെ അന്തേവാസിയായിരുന്ന പ്രതി ഇപ്പോൾ ലഹരിക്കടിമയായി നാട്ടിൽ കറങ്ങിനടക്കുകയായിരുന്നുവെന്ന് പൊലീസ് പറഞ്ഞു. പ്രതിയെ ബുധനാഴ്ച കോടതിയിൽ ഹാജരാക്കും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.