തിരുനക്കര ബസ് സ്റ്റാൻഡിൽനിന്ന്​ മണ്ണ്​ കടത്താൻ ശ്രമം; പ്രതിഷേധവുമായി കൗൺസിലർമാർ

കോ​ട്ട​യം: തി​രു​ന​ക്ക​ര ബ​സ് സ്റ്റാ​ൻ​ഡ്‌ കെ​ട്ടി​ടം പൊ​ളി​ച്ചു​നീ​ക്കി​യ സ്ഥ​ല​ത്തു​നി​ന്ന്​ മ​ണ്ണ്​ ക​ട​ത്താ​ൻ ക​രാ​റു​കാ​ര​ന്‍റെ ശ്ര​മം. ന​ഗ​ര​സ​ഭ കൗ​ൺ​സി​ല​ർ​മാ​രു​ടെ പ്ര​തി​ഷേ​ധ​ത്തെ തു​ട​ർ​ന്ന്​ മ​ണ്ണെ​ടു​പ്പ്​ നി​ർ​ത്തി​വെ​ച്ചു. ന​വ​കേ​ര​ള സ​ദ​സ്സി​നാ​യി ബ​സ്​ സ്റ്റാ​ൻ​ഡ്​ മ​ണ്ണി​ട്ടു നി​ക​ത്തി​യി​രു​ന്നു.

ഈ ​മ​ണ്ണാ​ണ്​ കെ​ട്ടി​ടം പൊ​ളി​ക്കു​ന്ന ക​രാ​റു​കാ​ര​ൻ നീ​ക്കി​യ​ത്. മ​ണ്ണെ​ടു​ത്ത്​ മി​നി​ലോ​റി​യി​ലാ​ക്കി​ കൊ​ണ്ടു​പോ​കു​ക​യാ​യി​രു​ന്നു. ആ​ര്യ ഭ​വ​ൻ ഹോ​ട്ട​ലി​നോ​ടു ചേ​ർ​ന്ന് 15 അ​ടി വീ​തി​യി​ലും ഒ​രു മീ​റ്റ​ർ താ​ഴ്ച​യി​ലും ക​രാ​റു​കാ​ര​ൻ മ​ണ്ണെ​ടു​ത്തി​രു​ന്നു. ക​ഴി​ഞ്ഞ ദി​വ​സം ക​ൽ​പ​ക സൂ​പ്പ​ർ​മാ​ർ​ക്ക​റ്റി​നു സ​മീ​പ​ത്ത്​ മ​ണ്ണെ​ടു​ക്കാ​ൻ തു​ട​ങ്ങി​യ​പ്പോ​ൾ​ ഭ​ര​ണ-​പ്ര​തി​പ​ക്ഷ കൗ​ൺ​സി​ല​ർ​മാ​ർ ഒ​ന്നി​ച്ച്​ പ്ര​തി​ഷേ​ധ​വു​മാ​യി എ​ത്തി. എ​ടു​ത്ത മ​ണ്ണ്​ തി​രി​ച്ചി​ട​ണ​മെ​ന്നാ​വ​ശ്യ​പ്പെ​ട്ട്​​ ക​രാ​റു​കാ​ര​നെ​തി​രെ പൊ​ലീ​സി​ൽ പ​രാ​തി ന​ൽ​കി​യെ​ന്ന്​ പ്ര​തി​പ​ക്ഷ നേ​താ​വ്​ അ​ഡ്വ. ഷീ​ജ അ​നി​ൽ അ​റി​യി​ച്ചു. ബ​സ് സ്റ്റാ​ൻ​ഡ്‌ കെ​ട്ടി​ടം പൊ​ളി​ച്ചു​നീ​ക്ക​ൽ പൂ​ർ​ത്തി​യാ​യി​ട്ടി​ല്ല. 15 ദി​വ​സ​ത്തെ പ​ണി​കൂ​ടി ബാ​ക്കി​യു​ണ്ട്. ഇ​തി​നി​ട​യി​ലാ​ണ്​ ന​വ​കേ​ര​ള സ​ദ​സ്സ്​ വ​ന്ന​ത്. പ​രി​പാ​ടി​ക്കാ​യി പ​ണി നി​ർ​ത്തി സ്റ്റാ​ൻ​ഡ്​ വി​ട്ടു​കൊ​ടു​ത്തി​രു​ന്നു. സ്റ്റാ​ൻ​ഡ്​ മ​ണ്ണി​ട്ടു​നി​ക​ത്തി​യാ​ണ്​ ന​വ​കേ​ര​ള സ​ദ​സ്സ് ന​ട​ത്തി​യ​ത്. കെ​ട്ടി​ടം പൊ​ളി​ച്ച്​ അ​വ​ശി​ഷ്ട​ങ്ങ​ൾ നീ​ക്കി സ്റ്റാ​ൻ​ഡ്​ റോ​ഡി​ന്‍റെ നി​ര​പ്പി​ലാ​ക്കി ന​ൽ​ക​ണ​മെ​ന്നാ​ണ്​ ക​രാ​ർ. ഇ​തി​ന്‍റെ മ​റ​വി​ലാ​ണ്​ ക​രാ​റു​കാ​ര​ൻ മ​ണ്ണെ​ടു​ക്കു​ന്ന​ത്.