മോഷ്​ടിച്ച ബൈക്കിൽ കറങ്ങിനടന്ന യുവാവ് പിടിയിൽ

കുമരകം: നിരവധി മോഷണക്കേസുകളിൽ പ്രതിയായി ജയിലിലായിരുന്ന യുവാവിനെ മോഷ്​ടിച്ച ബൈക്ക്​ സഹിതം പൊലീസ് പിടികൂടി.

കവണാറ്റിൻകര ശരണ്യാലയത്തിൽ സച്ചുവിനെയാണ് (21) കവണാറ്റിൻകരയിൽനിന്ന് അറസ്​റ്റ്​ ചെയ്തത്.

പിടിച്ചുപറിയും മോഷണവും തൊഴിലാക്കിയ ഇയാൾ വിയ്യൂർ സെൻട്രൽ ജയിലിലായിരുന്നു. ശിക്ഷ കഴിഞ്ഞ് ജൂണിൽ പുറത്തിറങ്ങി ജയിലിൽ പരിചയപ്പെട്ട സുഹൃത്തിനൊപ്പം തൃശൂരിൽ കഴിയുകയായിരുന്നു.

കഴിഞ്ഞ മാസം 30ന് തുറവൂർ കുത്തിയതോട് പൊലീസ് സ്​റ്റേഷനിൽനിന്ന് മോഷ്​ടിച്ച ബൈക്കുമായി കറങ്ങിനടക്കുകയായിരുന്ന പ്രതി ബന്ധുവി​െൻറ മരണാനന്തരച്ചടങ്ങിൽ സംബന്ധിക്കാൻ കവണാറ്റിൻകരയിൽ എത്തിയപ്പോഴാണ്​ ജില്ല പൊലീസ് മേധാവിയുടെ നിർദേശപ്രകാരം കുമരകം ഇൻസ്​പെക്​ടർ ബാബു സെബാസ്​റ്റ്യൻ, എ.എസ്.ഐ സണ്ണി, സി.പി.ഒമാരായ അരുൺ, വികാസ്, ജോമി, ഹോംഗാർഡ് തോമസ് എന്നിവർ ഉൾപ്പെട്ട സംഘം പിടികൂടിയത്​.