കോട്ടയം ജില്ല ജനറൽ ആ​ശുപത്രിയിൽ ഉദ്യോഗസ്ഥ ഭരണം

കോ​ട്ട​യം: ജി​ല്ല ജ​ന​റ​ൽ ആ​ശു​പ​ത്രി​യി​ലെ കെ​ട്ടി​ട​ങ്ങ​ളി​ലെ അ​പ​ക​ടാ​വ​സ്ഥ​ക്ക്​ കാ​ര​ണം ഉ​ദ്യോ​ഗ​സ്ഥ​രു​​ടെ കെ​ടു​കാ​ര്യ​സ്ഥ​ത​യും വീ​ഴ്ച​യും. യ​ഥാ​സ​മ​യം കെ​ട്ടി​ട​ത്തി​ൽ അ​റ്റ​കു​റ്റ​പ്പ​ണി ന​ട​ത്താ​ത്ത​താ​ണ്​ പ്ര​ശ്നം. കെ​ട്ടി​ട​ങ്ങ​ൾ അ​പ​ക​ടാ​വ​സ്ഥ പ​റ​ഞ്ഞ്​​ പൂ​ട്ടി​യി​ടാ​നും ആ​ശു​പ​ത്രി​യി​ൽ ഒ.​പി മാ​ത്ര​മാ​ക്കാ​നു​മാ​ണ്​ ഉ​ദ്യോ​ഗ​സ്ഥ​ർ​ക്ക്​ താ​ൽ​പ​ര്യ​മെ​ന്നും​ ആ​ക്ഷേ​പ​മു​ണ്ട്. അ​ത​തു വാ​ർ​ഡു​ക​ളു​ടെ ചു​മ​ത​ല​യു​ള്ള​വ​ർ കൃ​ത്യ​മാ​യി കെ​ട്ടി​ട​ങ്ങ​ളു​ടെ പോ​രാ​യ്​​മ​ക​ളും അ​പാ​ക​ത​ക​ളും ചൂ​ണ്ടി​ക്കാ​ട്ടി റി​പ്പോ​ർ​ട്ട്​ ന​ൽ​കു​ന്നു​ണ്ട്. ഇ​ത്ത​ര​ത്തി​ൽ നി​ര​വ​ധി റി​​പ്പോ​ർ​ട്ട്​ ഉ​ദ്യോ​ഗ​സ്ഥ​രു​ടെ കൈ​ക​ളി​ലെ​ത്തി​യി​ട്ടു​ണ്ടെ​ങ്കി​ലും ഒ​ന്നി​നും ന​ട​പ​ടി​യെ​ടു​ത്തി​ല്ല.

പ്ര​സ​വ വാ​ർ​ഡി​ൽ കോ​ൺ​ക്രീ​റ്റ്​ ഇ​ള​കി നി​ൽ​ക്കു​ന്ന​താ​യി നാ​ലു​മാ​സം മു​മ്പ്​ എ​ഴു​തി ന​ൽ​കി​യ​താ​ണ്. ഇ​താ​ണ്​ ക​ഴി​ഞ്ഞ ദി​വ​സം ഇ​ള​കി വീ​ണ​ത്. പൊ​ളി​ഞ്ഞു​വീ​ണ ശേ​ഷം അ​റ്റ​കു​റ്റ​പ്പ​ണി ന​ട​ത്താ​ൻ തീ​രു​മാ​ന​മാ​യി. കെ​ട്ടി​ട​ങ്ങ​ൾ​ക്കു മു​ക​ളി​ൽ പ​ല​യി​ട​ത്തും ആ​ൽ വ​ള​ർ​ന്നു. ഇ​ത്​ കൃ​ത്യ​മാ​യി നീ​ക്കു​ന്നി​ല്ല. അ​ടു​ത്തെ​ങ്ങും വാ​ർ​ഷി​ക അ​റ്റ​കു​റ്റ​പ്പ​ണി ന​ട​ന്നി​ട്ടി​ല്ല. ക​ഴി​ഞ്ഞ ദി​വ​സം ആ​ശു​പ​ത്രി​യി​ൽ ചേ​ർ​ന്ന യോ​ഗ​ത്തി​ൽ തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ ആ​രാ​ഞ്ഞ​പ്പോ​ഴാ​ണ്​ ഇ​ക്കാ​ര്യം വെ​ളി​പ്പെ​ട്ട​ത്. പൂ​ട്ടി​ക്കി​ട​ക്കു​ന്ന അ​ഞ്ചാം വാ​ർ​ഡ്​ അ​റ്റ​കു​റ്റ​പ്പ​ണി​ക്ക്​ പ​ണം കൈ​മാ​റി​യി​ട്ട്​ ര​ണ്ടു മാ​സ​മാ​യി​രു​ന്നു.

അ​ടി​യ​ന്ത​ര​മാ​യി 10 ദി​വ​സ​ത്തി​ന​കം പ​ണി ആ​രം​ഭി​ക്കാ​ൻ എം.​എ​ൽ.​എ ക​ർ​ശ​ന നി​ർ​ദേ​ശം ന​ൽ​കി​യി​രി​ക്കു​ക​യാ​ണ്. ആ​ശു​പ​ത്രി വി​ക​സ​ന​സ​മി​തി തീ​രു​മാ​ന​ങ്ങ​ൾ കൃ​ത്യ​മാ​യി ന​ട​പ്പാ​ക്കാ​റി​ല്ല. നേ​ത്ര​രോ​ഗ വി​ഭാ​ഗം പൂ​ട്ടും മു​മ്പ്​ ബ​ദ​ൽ സൗ​ക​ര്യം ഒ​രു​ക്ക​ണ​മെ​ന്ന്​ വി​ക​സ​ന സ​മി​തി​യി​ൽ തീ​രു​മാ​ന​മെ​ടു​ത്തി​രു​ന്നു. അ​ത്​ മ​റി​ക​ട​ന്നാ​ണ്​ പൊ​ളി​ച്ചു​മാ​റ്റി​യ​ത്. ഇ​ക്കാ​ര്യം സ​മി​തി​യെ അ​റി​യി​ച്ചു​മി​ല്ല. ഇ​പ്പോ​ൾ ശ​സ്ത്ര​ക്രി​യ​ക്ക്​ പാ​മ്പാ​ടി താ​ലൂ​ക്ക്​ ആ​ശു​പ​ത്രി​യി​ലെ​ത്ത​ണം.