ആദർശിന് കണ്ണീരിൽ കുതിർന്ന യാത്രാമൊഴി; അഭിനവിന്‍റെ സംസ്കാരം ഇന്ന്

ച​ങ്ങ​നാ​ശ്ശേ​രി: ചെ​മ്പും​പു​റം പാ​റ​ക്കു​ള​ത്തി​ൽ ശ​നി​യാ​ഴ്ച മു​ങ്ങി മ​രി​ച്ച ആ​ദ​ർ​ശി​ന് നാ​ടി​ന്‍റെ ക​ണ്ണീ​രി​ൽ കു​തി​ർ​ന്ന യാ​ത്രാ​മൊ​ഴി. പോ​സ്റ്റ്മോ​ർ​ട്ട​ത്തി​നു​ശേ​ഷം ശ​നി​യാ​ഴ്ച വൈ​കീ​ട്ട്​ അ​ഴ​കാ​ത്തു​പ​ടി​യി​ലെ വീ​ട്ടി​ൽ ആ​ദ​ർ​ശി​ന്‍റെ മൃ​ത​ദേ​ഹം പൊ​തു​ദ​ർ​ശ​ന​ത്തി​ന് എ​ത്തി​ച്ചി​രു​ന്നു. ആ​ദ​ർ​ശി​ന്‍റെ പി​താ​വ് അ​നീ​ഷ് മൂ​ന്നു​വ​ർ​ഷം മു​മ്പ് കാ​ൻ​സ​ർ ബാ​ധി​ത​നാ​യി മ​ര​ണ​മ​ട​ഞ്ഞി​രു​ന്നു. ആ​ദ​ർ​ശ്​ വ​ല്യ​ച്ഛ​ന്‍റെ​യും വ​ല്യ​മ്മ​യു​ടെ​യും സം​ര​ക്ഷ​ണ​യി​ലാ​യി​രു​ന്നു അ​ഴ​കാ​ത്തു​പ​ടി​യി​ലെ വീ​ട്ടി​ൽ ക​ഴി​ഞ്ഞി​രു​ന്ന​ത്. കു​റു​മ്പ​നാ​ടു സെൻറ് പീ​റ്റേ​ഴ്‌​സ് ഹ​യ​ർ​സെ​ക്ക​ൻ​ഡ​റി സ്‌​കൂ​ൾ പ​ത്താം ക്ലാ​സ് വി​ദ്യാ​ർ​ഥി​യാ​യ ആ​ദ​ർ​ശി​ന് സു​ഹൃ​ത്തു​ക്ക​ളും അ​ധ്യാ​പ​ക​രും വീ​ട്ടി​ലെ​ത്തി അ​ന്തി​മോ​പ​ചാ​രം അ​ർ​പ്പി​ച്ചു. ഞാ​യ​റാ​ഴ്ച വൈ​കീ​ട്ട്​ മൂ​​ന്നോ​ടെ വീ​ട്ടു​വ​ള​പ്പി​ൽ ആ​ദ​ർ​ശി​ന്‍റെ സം​സ്‌​കാ​രം ന​ട​ന്നു. കേ​ന്ദ്ര സ​ഹ​മ​ന്ത്രി ജോ​ർ​ജ് കു​ര്യ​ൻ വീ​ട്ടി​ലെ​ത്തി ആ​ദ​ർ​ശി​ന് അ​ന്തി​മോ​പ​ചാ​രം അ​ർ​പ്പി​ച്ചു.

ആ​ദ​ർ​ശി​നൊ​പ്പം മ​രി​ച്ച അ​ഭി​ന​വി​ന്‍റെ സം​സ്‌​കാ​രം തി​ങ്ക​ളാ​ഴ്ച മാ​ങ്ങാ​ന​ത്ത് ന​ട​ക്കും. മ​ന്ദി​രം ആ​ശു​പ​ത്രി മോ​ർ​ച്ച​റി സൂ​ക്ഷി​ച്ചി​രി​ക്കു​ന്ന അ​ഭി​ന​വി​ന്‍റെ മൃ​ത​ദേ​ഹം ഞാ​യ​റാ​ഴ്ച വൈ​കീ​ട്ടോ​ടെ മാ​ങ്ങാ​ന​ത്തെ വീ​ട്ടി​ലെ​ത്തി​ച്ചു. സം​സ്‌​കാ​രം തി​ങ്ക​ളാ​ഴ്ച വൈ​കു​ന്നേ​രം മൂ​ന്നി​ന് സെ​ന്റ് പീ​റ്റേ​ഴ്‌​സ് ആം​ഗ്ലി​ക്ക​ൻ ച​ർ​ച്ച് സെ​മി​ത്തേ​രി​യി​ൽ ന​ട​ക്കും.