നിർമാണം പൂര്‍ത്തീകരിച്ചിട്ട്​ എട്ടുമാസം അംഗൻവാടി ഇതുവരെ തുറന്ന്​ നല്‍കിയില്ല

ച​ങ്ങ​നാ​ശ്ശേ​രി: നി​ർ​മാ​ണം പൂ​ര്‍ത്തീ​ക​രി​ച്ച് എ​ട്ടു​മാ​സം പി​ന്നി​ട്ടി​ട്ടും അം​ഗ​ൻ​വാ​ടി തു​റ​ന്നു ന​ല്‍കി​യി​ല്ല. മാ​ട​പ്പ​ള്ളി ഗ്രാ​മ​പ​ഞ്ചാ​യ​ത്ത് ഏ​ഴാം​വാ​ര്‍ഡ് കാ​ര​ക്കാ​ട്ട് കു​ന്നി​ല്‍ പ്ര​വ​ര്‍ത്തി​ക്കു​ന്ന 21ാം ന​മ്പ​ര്‍ അം​ഗ​ൻ​വാ​ടി​ക്കാ​ണ് ഈ ​ദു​ര​വ​സ്ഥ. കൊ​ടി​ക്കു​ന്നി​ല്‍ സു​രേ​ഷി​ന്‍റെ എം.​പി ഫ​ണ്ടി​ല്‍നി​ന്ന് 10 ല​ക്ഷം രൂ​പ ചെ​ല​വ​ഴി​ച്ച് ഫെ​ബ്രു​വ​രി​യി​ലാ​ണ്​ നി​ർ​മാ​ണം പൂ​ര്‍ത്തീ​ക​രി​ച്ച​ത്.

വ​യ​റി​ങ്ങി​നും പ്ലം​ബി​ങ്ങി​നും മാ​ട​പ്പ​ള്ളി ഗ്രാ​മ​പ​ഞ്ചാ​യ​ത്ത് ത​ന​ത് ഫ​ണ്ടി​ല്‍നി​ന്ന്​ 50,000 രൂ​പ​യും അ​നു​വ​ദി​ച്ചി​രു​ന്നു. ഫെ​ബ്രു​വ​രി 25ന് ​ഉ​ദ്ഘാ​ട​നം ന​ട​ത്തു​മെ​ന്ന് ചൂ​ണ്ടി​ക്കാ​ട്ടി ശി​ലാ​ഫ​ല​ക​വും സ്ഥാ​പി​ച്ചു.

എ​ന്നാ​ല്‍, മാ​സ​ങ്ങ​ള്‍ പി​ന്നി​ട്ടി​ട്ടും അം​ഗ​ൻ​വാ​ടി തു​റ​ന്നു​ന​ല്‍കി​യി​ട്ടി​ല്ല. വാ​ട​ക​ക്കെ​ട്ടി​ട​ത്തി​ല്‍നി​ന്ന് അം​ഗ​ൻ​വാ​ടി​യു​ടെ മാ​റ്റ​ണ​മെ​ന്ന് വാ​ട​ക​ക്കാ​ര​നും ആ​വ​ശ്യ​പ്പെ​ട്ടി​രി​ക്കു​ക​യാ​ണ്.

കാ​ടു​മൂ​ടി ഇ​ഴ​ജ​ന്തു​ക്ക​ളു​ടെ ശ​ല്യ​വു​മു​ള്ള വാ​ട​ക​ക്കെ​ട്ടി​ട​ത്തി​ലാ​ണ് ഇ​പ്പോ​ള്‍ പ്ര​വ​ര്‍ത്തി​ക്കു​ന്ന​ത്. ക​ഴി​ഞ്ഞ​യി​ടെ ഇ​വി​ടെ മൂ​ര്‍ഖ​ന്‍ പാ​മ്പ് ക​യ​റി​യ​താ​യി അ​ധ്യാ​പി​ക​യും പ​റ​യു​ന്നു. ഇ​ഴ​ജ​ന്തു​ക്ക​ളു​ടെ ശ​ല്യം കൂ​ടു​ത​ലാ​യ​തോ​ടെ മാ​താ​പി​താ​ക്ക​ള്‍ കു​ട്ടി​ക​ളെ വി​ടാ​ത്ത സ്ഥി​തി​യി​ലാ​യി. വി​ഷ​യം ചൂ​ണ്ടി​ക്കാ​ട്ടി അ​ധ്യാ​പി​ക​യും സി.​ഡി.​പി.​ഒ​യും സൂ​പ്പ​ര്‍വൈ​സ​റും പ​ഞ്ചാ​യ​ത്ത് അം​ഗ​വും എം.​പി​യു​മാ​യി സം​സാ​രി​ച്ചു.

ഇ​തി​ന്റെ അ​ടി​സ്ഥാ​ന​ത്തി​ല്‍ ബു​ധ​നാ​ഴ്ച ഉ​ദ്ഘാ​ട​നം ന​ട​ത്താ​മെ​ന്ന്​ സ​മ്മ​തി​ച്ചി​രു​ന്ന​താ​യി പ​റ​യു​ന്നു. ഇ​തേ​തു​ട​ര്‍ന്ന് മാ​ട​പ്പ​ള്ളി പ​ഞ്ചാ​യ​ത്ത് ഭ​ര​ണ​സ​മി​തി അ​ടി​യ​ന്തി​ര ക​മ്മി​റ്റി ചേ​ര്‍ന്ന് ബു​ധ​നാ​ഴ്ച ഉ​ദ്ഘാ​ട​നം തീ​രു​മാ​നി​ച്ചു. എ​ന്നാ​ല്‍, എം.​പി​ക്ക് ഡേ​റ്റ് ഇ​ല്ലെ​ന്നും പ​റ​ഞ്ഞ് ബു​ധ​നാ​ഴ്ച ഉ​ദ്ഘാ​ട​നം ന​ട​ന്നി​ല്ല. എ​ട്ടു​മാ​സ​ത്തി​നി​ടെ പ​ല​ത​വ​ണ ഉ​ദ്ഘാ​ട​നം തീ​രു​മാ​നി​ച്ചെ​ങ്കി​ലും എം.​പി​ക്ക് ഡേ​റ്റ് ഇ​ല്ലെ​ന്ന് ത​ട​സ്സ​മാ​യി പ​റ​ഞ്ഞ്​ അം​ഗ​ൻ​വാ​ടി ഉ​ദ്ഘാ​ട​നം ന​ട​ത്താ​ന്‍ സാ​ധി​ക്കു​ന്നി​ല്ലെ​ന്നാ​ണ് പ​ഞ്ചാ​യ​ത്ത് അ​ധി​കൃ​ത​ര്‍ പ​റ​യു​ന്ന​ത്.

മാ​ട​പ്പ​ള്ളി പ​ഞ്ചാ​യ​ത്തി​ന്റെ ഉ​ട​മ​സ്ഥ​ത​യി​ലു​ള്ള സ്ഥ​ല​ത്താ​ണ് അം​ഗ​ൻ​വാ​ടി നി​ർ​മി​ച്ചി​രി​ക്കു​ന്ന​ത്. പ​ഞ്ചാ​യ​ത്തും എം.​പി​യും ത​മ്മി​ലു​ള്ള അ​ഭി​പ്രാ​യ​ഭി​ന്ന​ത​യാ​ണ് ഉ​ദ്ഘാ​ട​നം ന​ട​ത്തു​ന്ന​തി​ന് കാ​ല​താ​മ​സം വ​രു​ന്ന​തെ​ന്ന് വാ​ര്‍ഡ് മെം​ബ​റും ആ​രോ​പി​ക്കു​ന്നു.

‘അം​ഗ​ൻ​വാ​ടി​യു​ടെ നി​ര്‍മാ​ണം പൂ​ര്‍ത്തീ​ക​രി​ച്ചി​ട്ട് എ​ട്ടു​മാ​സ​മാ​യി. ഉ​ദ്ഘാ​ട​നം ചെ​യ്ത്​ തു​റ​ന്നു ന​ല്‍കു​ന്ന​തി​നാ​യി പ​ല​ത​വ​ണ തീ​യ​തി തീ​രു​മാ​നി​ച്ചി​രു​ന്നു. പ​ഞ്ചാ​യ​ത്ത് അ​ടി​യ​ന്ത​ര ക​മ്മി​റ്റി കൂ​ടി ബു​ധ​നാ​ഴ്ച ഉ​ദ്ഘാ​ട​നം ന​ട​ത്താ​നും തീ​രു​മാ​നി​ച്ചി​രു​ന്നു. എ​ന്നാ​ല്‍ എം.​പി​ക്ക് വ​രാ​ന്‍ സാ​ധി​ക്കി​ല്ലെ​ന്ന് അ​റി​യി​ച്ചു. നാ​ലു​മാ​സ​മാ​യി അം​ഗ​ൻ​വാ​ടി ടീ​ച്ച​റും ഹെ​ല്‍പ​റും ചേ​ര്‍ന്നാ​ണ് 4000 രൂ​പ വീ​തം മാ​സ​വാ​ട​ക കൊ​ടു​ക്കു​ന്ന​ത്. മാ​ട​പ്പ​ള്ളി​യി​ലെ കോ​ണ്‍ഗ്ര​സി​നു​ള്ളി​ലെ ഗ്രൂ​പ്പ് പോ​രും ഭി​ന്ന​ത​യും ഉ​ദ്ഘാ​ട​ന​ത്തെ ബാ​ധി​ച്ചി​ട്ടു​ണ്ട്. ഇ​ത് സം​ബ​ന്ധി​ച്ച് പ​ഞ്ചാ​യ​ത്തി​ന്റെ ഭാ​ഗ​ത്തു​നി​ന്നും യാ​തൊ​രു വീ​ഴ്ച ഉ​ണ്ടാ​യി​ട്ടി​ല്ല’ -​പി.​എ. ബി​ന്‍സ​ണ്‍ (വി​ക​സ​ന​കാ​ര്യ സ്ഥി​രം സ​മി​തി അ​ധ്യ​ക്ഷ​ൻ).