നാനോ സയന്‍സ് രാജ്യാന്തര സമ്മേളനത്തിന് തുടക്കം

കോ​ട്ട​യം: മ​ഹാ​ത്മാ​ഗാ​ന്ധി സ​ര്‍വ​ക​ലാ​ശാ​ല​യു​ടെ ആ​ഭി​മു​ഖ്യ​ത്തി​ല്‍ സം​ഘ​ടി​പ്പി​ക്കു​ന്ന ത്രി​ദി​ന നാ​നോ സ​യ​ന്‍സ് രാ​ജ്യാ​ന്ത​ര​സ​മ്മേ​ള​നം വൈ​സ് ചാ​ന്‍സ​ല​ര്‍ ഡോ. ​സി.​ടി.​അ​ര​വി​ന്ദ​കു​മാ​ര്‍ ഉ​ദ്ഘാ​ട​നം ചെ​യ്തു.

സ​ര്‍വ​ക​ലാ​ശാ​ല​യി​ലെ ഇ​ന്‍റ​ര്‍നാ​ഷ​ണ​ല്‍ ആ​ൻ​ഡ്​ ഇ​ന്‍റ​ര്‍ യൂ​നി​വേ​ഴ്സി​റ്റി സെ​ന്‍റ​ര്‍ ഫോ​ര്‍ നാ​നോ സ​യ​ന്‍സ് ആ​ൻ​ഡ്​ നാ​നോ ടെ​ക്നോ​ള​ജി​യും (ഐ.​ഐ.​യു.​സി.​എ​ന്‍.​എ​ൻ) സ്കൂ​ള്‍ ഓ​ഫ് എ​ന​ര്‍ജി മെ​റ്റീ​രി​യ​ല്‍സും സം​യു​ക്ത​മാ​യി സം​ഘ​ടി​പ്പി​ക്കു​ന്ന സ​മ്മേ​ള​ന​ത്തി​ല്‍ വി​വി​ധ രാ​ജ്യ​ങ്ങ​ളി​ല്‍നി​ന്നു​ള്ള ശാ​സ്ത്ര​ജ്ഞ​രും ഗ​വേ​ഷ​ക​രും വ്യ​വ​സാ​യ പ്ര​തി​നി​ധി​ക​ളും പ​ങ്കെ​ടു​ക്കു​ന്നു​ണ്ട്.

അ​പ്പോ​ളോ ട​യേ​ഴ്സ് റി​സ​ര്‍ച്ച് ആ​ൻ​ഡ്​ ഡ​വ​ല​പ്മെ​ന്‍റ് വി​ഭാ​ഗം ചീ​ഫ് അ​ഡ്വൈ​സ​ര്‍ പി.​കെ.​മു​ഹ​മ്മ​ദ് മു​ഖ്യ​പ്ര​ഭാ​ഷ​ണം ന​ട​ത്തി. സി​ന്‍ഡി​ക്കേ​റ്റ് അം​ഗം ഡോ. ​ന​ന്ദ​കു​മാ​ര്‍ ക​ള​രി​ക്ക​ല്‍, സ്കൂ​ള്‍ ഓ​ഫ് നാ​നോ​സ​യ​ന്‍സ് ആ​ൻ​ഡ്​ നാ​നോ ടെ​ക്നോ​ള​ജി ഡ​യ​റ​ക്ട​ര്‍ പ്ര​ഫ. സാ​ബു തോ​മ​സ്, ജോ​യ​ന്‍റ് ഡ​യ​റ​ക്ട​ര്‍ ഡോ. ​എം.​എ​സ്.​ശ്രീ​ക​ല തു​ട​ങ്ങി​യ​വ​ര്‍ പ​ങ്കെ​ടു​ത്തു. നാ​നോ മെ​റ്റീ​രി​യ​ലു​ക​ള്‍, നാ​നോ ഇ​ല​ക്ട്രോ​ണി​ക്സ്, നാ​നോ മെ​ഡി​സി​ന്‍, നാ​നോ ഫോ​ണോ​നി​ക്സ് തു​ട​ങ്ങി​യ മേ​ഖ​ല​ക​ളു​മാ​യി ബ​ന്ധ​പ്പെ​ട്ട പ്ര​ഭാ​ഷ​ണ​ങ്ങ​ളും പാ​ന​ല്‍ച​ര്‍ച്ച​ക​ളും അ​വ​ത​ര​ണ​ങ്ങ​ളു​മാ​ണ് സ​മ്മേ​ള​ന​ത്തി​ലു​ണ്ടാ​വു​ക​യെ​ന്ന് പ്ര​ഫ. സാ​ബു തോ​മ​സ് പ​റ​ഞ്ഞു.

പ​രി​സ്ഥി​തി​ക്ക് ദോ​ഷ​ക​ര​മ​ല്ലാ​ത്ത രീ​തി​യി​ല്‍ പു​തി​യ ആ​ശ​യ​ങ്ങ​ളും ഗ​വേ​ഷ​ണ​ഫ​ല​ങ്ങ​ളും സാ​ധ്യ​ത​ക​ളും പ്ര​യോ​ജ​ന​പ്പെ​ടു​ത്തു​ന്ന​തി​നു​ള്ള മാ​ര്‍ഗ​ങ്ങ​ള്‍ ക​ണ്ടെ​ത്തേ​ണ്ട​ത് കാ​ല​ഘ​ട്ട​ത്തി​ന്‍റെ ആ​വ​ശ്യ​മാ​ണെ​ന്ന് അ​ദ്ദേ​ഹം ചൂ​ണ്ടി​ക്കാ​ട്ടി.

ഈ ​മേ​ഖ​ല​ക​ളി​ല്‍ അ​ക്കാ​ദ​മി​ക്, വ്യ​വ​സാ​യ മേ​ഖ​ല​ക​ള്‍ ത​മ്മി​ലു​ള്ള സ​ഹ​ക​ര​ണ​ത്തി​ന്‍റെ സാ​ധ്യ​ത​ക​ളും പ​രി​ശോ​ധി​ക്കു​ന്ന സ​മ്മേ​ള​നം ഞാ​യ​റാ​ഴ്ച സ​മാ​പി​ക്കും.