ഷൂ​ട്ടി​ങ്ങി​നാ​യി വാടകക്കെടുത്ത വാഹനങ്ങള്‍ പണയപ്പെടുത്തി ലക്ഷങ്ങൾ തട്ടി; യുവതിയടക്കം മൂന്നുപേര്‍ അറസ്​റ്റില്‍

ച​ങ്ങ​നാ​ശ്ശേ​രി (പത്തനംതിട്ട): ഷൂ​ട്ടി​ങ്ങി​നാ​യി വാ​ട​ക​ക്കെ​ടു​ത്ത വാ​ഹ​ന​ങ്ങ​ള്‍ പ​ണ​യ​പ്പെ​ടു​ത്തി പ​ത്തു​ല​ക്ഷം രൂ​പ ത​ട്ടി​യെ​ടു​ത്ത കേ​സി​ൽ മൂന്നു​പേ​ര്‍ പി​ടി​യി​ല്‍. കോ​ട്ട​യം സ്വ​ദേ​ശി ല​ക്ഷ്​​മി (സു​ജാ​ത നാ​യ​ർ -35), കാ​ഞ്ഞി​ര​പ്പ​ള്ളി സ്വ​ദേ​ശി ജി​േ​ൻ​റാ (25), എ​റ​ണാ​കു​ളം സ്വ​ദേ​ശി ബി​ജു​കു​മാ​ർ (35) എ​ന്നി​വ​രെ​യാ​ണ് ച​ങ്ങ​നാ​ശ്ശേ​രി പൊ​ലീ​സ് തൊ​ടു​പു​ഴ​യി​ല്‍നി​ന്ന്​ പി​ടി​കൂ​ടി​യ​ത്. ച​ങ്ങ​നാ​ശ്ശേ​രി സ്വ​ദേ​ശി ഫാ​സി​ല്‍ ബ​ഷീ​റി​െൻറ പ​രാ​തി​യി​ലാ​ണ് അ​റ​സ്​​റ്റ്.

വാ​ഹ​നം ന​ല്‍കി​യി​ട്ട് ആ​ഴ്ച​ക​ള്‍ പി​ന്നി​ട്ടി​ട്ടും വാ​ട​ക​യും വാ​ഹ​ന​വും തി​രി​കെ ല​ഭി​ക്കാ​തെ വ​ന്ന​തോ​ടെ​യാ​ണ് ഉ​ട​മ പ​രാ​തി ന​ല്‍കി​യ​ത്. ച​ങ്ങ​നാ​ശ്ശേ​രി​യി​ലും പ​രി​സ​ര​ത്തു​മാ​യി നി​ര​വ​ധി കാ​റു​ക​ള്‍ വാ​ട​ക​ക്കെ​ടു​ത്ത് പ​ണ​യ​പ്പെ​ടു​ത്തി ല​ക്ഷ​ങ്ങ​ള്‍ ത​ട്ടി​യെ​ടു​ക്കു​ന്ന സം​ഘ​മാ​ണ് ഇ​തി​നു​പി​ന്നി​ലെ​ന്ന് പൊ​ലീ​സ് പ​റ​ഞ്ഞു. ക​ഴി​ഞ്ഞ കു​റെ നാ​ളു​ക​ളാ​യി ജി​ല്ല​യി​ല്‍ പ​ല സ്​​റ്റേ​ഷ​നു​ക​ളി​ലും കേ​സു​ക​ള്‍ റി​പ്പോ​ര്‍ട്ട് ചെ​യ്തി​ട്ടു​ണ്ടാ​യി​രു​ന്നു.

ആ​ദ്യ ദി​വ​സ​ങ്ങ​ളി​ല്‍ മു​ട​ങ്ങാ​തെ വാ​ട​ക ന​ല്‍കി വി​ശ്വാ​സം നേ​ടി​യെ​ടു​ത്ത് വാ​ഹ​ന​ത്തി​െൻറ ആ​ർ.​സി ബു​ക്ക് വാ​ങ്ങി​യെ​ടു​ക്കു​യും പി​ന്നീ​ട് വാ​ട​ക മു​ട​ങ്ങി​യ​തി​നെ തു​ട​ര്‍ന്ന് ബ​ന്ധ​പ്പെ​ടു​മ്പോ​ള്‍ അ​ടു​ത്ത ദി​വ​സം ത​രാ​മെ​ന്ന് പ​റ​ഞ്ഞ് നീ​ട്ടി​ക്കൊ​ണ്ടു പോ​യി മൊ​ബൈ​ല്‍ ഫോ​ണ്‍ സ്വി​ച്ച് ഓ​ഫാ​ക്കി മു​ങ്ങു​ക​യാ​ണ് ഇ​വ​ർ ചെ​യ്യു​ന്ന​ത്.

ഇ​തി​നി​ട​യി​ല്‍ വാ​ഹ​നം മ​റ്റു​ള്ള​വ​ര്‍ക്ക് മ​റി​ച്ച് കൊ​ടു​ക്കും. ജി​ല്ല പൊ​ലീ​സ് മേ​ധാ​വി​യു​ടെ നി​ര്‍ദേ​ശാ​നു​സ​ര​ണം ച​ങ്ങ​നാ​ശേ​രി ഡി​വൈ.​എ​സ്.​പി വി.​ജെ. ജോ​ഫി​യു​ടെ നേ​തൃ​ത്വ​ത്തി​ല്‍ സി.​ഐ പ്ര​ശാ​ന്ത് കു​മാ​റും സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​ക​ളെ റി​മാ​ന്‍ഡ് ചെ​യ്തു.