അവസാനലാപ്പില്‍ ഉച്ചഭാഷിണി​ പോരാട്ടം

ചങ്ങനാശ്ശേരി: തദ്ദേശ തെരഞ്ഞെടുപ്പി​െൻറ പ്രചാരണം അവസാന ലാപ്പിലായപ്പോള്‍ ചങ്ങനാശ്ശേരിയിലും പരിസരപ്രദേശങ്ങളിലും അനൗണ്‍സ്‌മെൻറ്​ പോരാട്ടം കൊഴുത്തു. യു.ഡി.എഫ്, എൽ.ഡി.എഫ്, എൻ.ഡി.എ, എസ്.ഡി.പി.ഐ, സ്വതന്ത്ര സ്ഥാനാർഥികളുടെ അനൗണ്‍സ്‌മെൻറുകള്‍ നിരത്തിലെ പോരാട്ടമായി മാറി. പാരഡിപാട്ടുകളുമായാണ്​ പ്രചാരണ പോരാട്ടം. ചങ്ങനാശ്ശേരിയില്‍ രാവിലെ തുടങ്ങിയ വിവിധ മുന്നണികളുടെ അനൗണ്‍സ്‌മെൻറുകള്‍ വൈകീട്ടുവരെ തുടര്‍ന്നു. പൊതുസമ്മേളനങ്ങളിലൂടെ നടത്തിയിരുന്ന പ്രസംഗങ്ങള്‍ക്ക് പകരം സ്ഥാനാര്‍ഥികളുടെ ഫേസ്​ബുക്ക്​ ലൈവിലൂടെയുള്ള വോട്ട്​ അഭ്യർഥനയും അരങ്ങുതകര്‍ത്തു.

അനിമേഷന്‍ പോലെയുള്ള സാങ്കേതികവിദ്യ ഉപയോഗിച്ചുള്ള അനൗണ്‍സ്‌മെൻറ്​, വെര്‍ച്വല്‍ റാലി ഇവയും അവസാനഘട്ടത്തില്‍ സജീവമായി. കുടുംബ കണ്‍വെന്‍ഷനുകളും സ്ഥാനാര്‍ഥികള്‍ക്കുവേണ്ടിയുള്ള ഫോണ്‍ വിളികളും സ്ഥാനാര്‍ഥിയുടെ ശബ്​ദസന്ദേശം അയക്കലും തുടരുകയാണ്​.