സൂപ്പർ മാർക്കറ്റിൽ മോഷണം; 10,000 രൂപയും കുരുമുളകും ഏലക്കയും നഷ്ടപ്പെട്ടു
text_fieldsചങ്ങനാശ്ശേരി: കവലയിലെ കമ്മത്ത് സൂപ്പർ മാർക്കറ്റിൽ മോഷണം. 10,000 രൂപയും 30 കിലോ കുരുമുളകും 15 കിലോ ഏലക്കയും നഷ്ടപ്പെട്ടു.
കഴിഞ്ഞ ചൊവ്വാഴ്ച പുലർച്ചയും ബുധനാഴ്ച രാത്രിയുമായാണ് മോഷണം നടന്നത്. ചൊവ്വാഴ്ച പുലർച്ച കടയുടെ ഗ്ലാസ് മറ തകർത്ത് അകത്തുകയറി മേശയിൽ ഉണ്ടായിരുന്ന 7000 രൂപയും സേവാഭാരതിയുടെ സംഭാവന പെട്ടി തകർത്ത് 3000 രൂപയും മോഷ്ടിച്ചു.
വിഷുദിനത്തിൽ രാത്രി കടയുടെ പിൻവശത്തെ ആസ്ബസ്റ്റോസ് മേൽക്കൂര തകർത്ത് 30 കിലോ കുരുമുളകും 15 കിലോ ഏലക്കയും മോഷ്ടിച്ചു. സമീപത്തെ മൊബൈൽ കട, ചെരിപ്പുകട എന്നിവിടങ്ങളിലും ഓടുപൊളിച്ച് മോഷണശ്രമം നടത്തിയിട്ടുണ്ട്. പൊലീസിൽ പരാതി നൽകി. സി.സി ടി.വി ദൃശ്യങ്ങൾ ശേഖരിച്ച് അന്വേഷണം തുടങ്ങിയതായി പൊലീസ് പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.