വിനോദസഞ്ചാര കേന്ദ്രമായ ചിറക്കുളം കാടുകയറി നശിക്കുന്നു

കാ​ണ​ക്കാ​രി: പ​ഞ്ചാ​യ​ത്തി​ലെ മ​ധു​രം പൂ​ങ്കാ​വ​നം പ​ദ്ധ​തി​യി​ൽ ഉ​ള്‍പ്പെ​ടു​ത്തി​യ വി​നോ​ദ​സ​ഞ്ചാ​ര കേ​ന്ദ്ര​മാ​യ ചി​റ​ക്കു​ളം കാ​ടു​ക​യ​റി ന​ശി​ക്കു​ന്നു. ഇ​ഴ​ജ​ന്തു​ക്ക​ളു​ടെ​യും തെ​രു​വു​നാ​യ്ക്ക​ളു​ടെ​യും വി​ഹാ​ര കേ​ന്ദ്ര​മാ​യ ഇ​വി​ടം, സ​ന്ധ്യ​ക​ഴി​ഞ്ഞാ​ൽ മ​ദ്യ​പ​ന്മാ​ൻ കൈ​യ​ട​ക്കും.

ര​ണ്ട​ര ഏ​ക്ക​റി​ൽ പ​ര​ന്നു​കി​ട​ക്കു​ന്ന കു​ള​വും ര​ണ്ട്​ ഏ​ക്ക​റോ​ളം പ്ര​ദേ​ശ​വും പൂ​ന്തോ​ട്ട​വു​മാ​ണ്​ ആ​ക​ർ​ഷ​ണം. ചി​റ​ക്കു​ള​ത്തി​ന് 10 മു​ത​ൽ 20 അ​ടി വ​രെ താ​ഴ്ച​യു​ണ്ട്. പാ​യ​ലും പോ​ള​യും നി​റ​ഞ്ഞ കു​ള​ത്തി​ന്റെ സം​ര​ക്ഷ​ണ​ഭി​ത്തി​യും പ​ട​വു​ക​ളും ഇ​ടി​ഞ്ഞു വീ​ഴാ​റാ​യി.

പാ​ര്‍ക്കി​ലേ​ക്ക്​ വ​രു​ന്ന കു​ട്ടി​ക​ളും കാ​ടു​ക​യ​റി​യ ന​ട​പ്പാ​ത താ​ണ്ട​ണം. ചി​റ​ക്കു​ള​ത്തി​ന്റെ ശോ​ച്യാ​വ​സ്ഥ പ​രി​ഹ​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് നി​ര​വ​ധി ത​വ​ണ പ​ഞ്ചാ​യ​ത്തി​ൽ പ​രാ​തി ന​ല്‍കി​യെ​ങ്കി​ലും അ​ധി​കൃ​ത​ര്‍ തി​രി​ഞ്ഞു​നോ​ക്കി​യി​ല്ല. മ​ധു​രം പൂ​ങ്കാ​വ​നം പ​ദ്ധ​തി വ​രു​മ്പോ​ൾ എ​ല്ലാം ശ​രി​യാ​കും എ​ന്നാ​ണ് പ​ഞ്ചാ​യ​ത്ത് അ​ധി​കൃ​ത​രു​ടെ നി​ല​പാ​ട്. പ​ദ്ധ​തി ഇ​തു​വ​രെ ന​ട​പ്പാ​യി​ട്ടു​മി​ല്ല. മ​ധു​രം പൂ​ങ്കാ​വ​നം പ​ദ്ധ​തി പ്ര​കാ​രം 98.83 ല​ക്ഷം രൂ​പ​യാ​ണ് അ​നു​വ​ദി​ച്ച​ത്.

പ​ദ്ധ​തി​യു​ടെ 60 ശ​ത​മാ​നം തു​ക വി​നോ​ദ​സ​ഞ്ചാ​ര വ​കു​പ്പ് ന​ല്‍കും. ബാ​ക്കി ത​ദ്ദേ​ശ വ​കു​പ്പ് ക​ണ്ടെ​ത്ത​ണം. കു​ട്ടി​ക​ളെ നീ​ന്ത​ൽ പ​ഠി​പ്പി​ക്കാ​നു​ള്ള സം​വി​ധാ​നം, പെ​ഡ​ൽ ബോ​ട്ട്, സ്വീ​പ് സൈ​ക്കി​ൾ റോ​പ് വേ, ​പാ​ര്‍ക്ക്, സോ​ളാ​ർ ലൈ​റ്റു​ക​ൾ, മാ​ലി​ന്യ സം​സ്‌​ക​ര​ണം, കു​ട്ടി​ക​ള്‍ക്കു​ള്ള വി​നോ​ദ ഉ​പ​ക​ര​ണ​ങ്ങ​ൾ, വ​നി​ത ജിം​നേ​ഷ്യം, ടി​ക്ക​റ്റ് കൗ​ണ്ട​ർ, ഇ​ന്‍ഫ​ര്‍മേ​ഷ​ൻ കൗ​ണ്ട​ർ, വി​ശ്ര​മ​മു​റി തു​ട​ങ്ങി​യ​വ ഉ​ള്‍പ്പെ​ടു​ന്ന​താ​ണ് പ​ദ്ധ​തി.

പ​ദ്ധ​തി ന​ട​പ്പാ​ക്കു​ന്ന​തു​വ​രെ​യെ​ങ്കി​ലും ചി​റ​ക്കു​ളം സം​ര​ക്ഷി​ക്ക​ണം എ​ന്നാ​ണ് നാ​ട്ടു​കാ​രു​ടെ ആ​വ​ശ്യം.