കോട്ടയത്ത്​ ‘ആകാശ’പ്പോര്​; ശ​നി​യാ​ഴ്ച ​കോ​ൺ​ഗ്ര​സി​ന്‍റെ ഉ​പ​വാ​സ​വും സി.​പി.​എ​മ്മി​ന്‍റെ മാ​ർ​ച്ചും

കോ​ട്ട​യം: ആ​കാ​ശ​പ്പാ​ത​യെ ചൊ​ല്ലി​യു​ള്ള സി.​പി.​എം-​കോ​ൺ​ഗ്ര​സ്​ പോ​ര്​ ക​ന​ക്കു​ന്നു. ആ​കാ​ശ​പ്പാ​ത പൂ​ർ​ത്തി​യാ​ക്ക​ണ​മെ​ന്നാ​വ​ശ്യ​പ്പെ​ട്ട്​ ശ​നി​യാ​ഴ്ച ​ഉ​പ​വാ​സം ന​ട​ത്തു​മെ​ന്ന്​ കോ​ൺ​ഗ്ര​സ് പ്ര​ഖ്യാ​പി​ച്ചി​രു​ന്നു. ഇ​തി​നു​പി​ന്നാ​ലെ ആ​കാ​ശ​പ്പാ​ത​യി​ലെ ക​മ്പി​ക​ളും തൂ​ണു​ക​ളും ഉ​യ​ർ​ത്തു​ന്ന സു​ര​ക്ഷാ​ഭീ​ഷ​ണി ഒ​ഴി​വാ​ക്ക​ണ​മെ​ന്നാ​വ​ശ്യ​പ്പെ​ട്ട്​ സി.​പി.​എം മാ​ർ​ച്ചും​ പ്ര​ഖ്യാ​പി​ച്ചു.

ശ​നി​യാ​ഴ്ച​യാ​ണ്​ തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ​യു​ടെ നേ​തൃ​ത്വ​ത്തി​ലു​ള്ള കോ​ൺ​ഗ്ര​സ്​ ഉ​പ​വാ​സം. സ​ർ​ക്കാ​ർ ഇ​ട​പെ​ട്ട്​ പ​ദ്ധ​തി മു​ട​ക്കു​ക​യാ​ണെ​ന്നാ​ണ്​ തി​രു​വ​ഞ്ചൂ​രി​ന്‍റെ ആ​രോ​പ​ണം. എ​ന്നാ​ൽ, ന​ട​പ​ടി​ക്ര​മ​ങ്ങ​ൾ പാ​ലി​ക്കാ​തെ​യു​ള്ള അ​ശാ​സ്ത്രീ​യ​മാ​യ ​ നി​ർ​മാ​ണ​മാ​ണ്​ പ​ദ്ധ​തി​ക്ക്​ തി​രി​ച്ച​ടി​യാ​യ​തെ​ന്നാ​ണ്​ സി.​പി.​എം പ​റ​യു​ന്ന​ത്. ഇ​തു​മാ​യി ബ​ന്ധ​പ്പെ​ട്ട്​ ആ​രോ​പ​ണ-​പ്ര​ത്യാ​രോ​പ​ണ​ങ്ങ​ളു​മാ​യി ഇ​രു​നേ​തൃ​ത്വ​ങ്ങ​ളും വാ​ർ​ത്ത​സ​മ്മേ​ള​ന​ങ്ങ​ളും ന​ട​ത്തി​യി​രു​ന്നു. ഇ​തി​ന്‍റെ തു​ട​ർ​ച്ച​യാ​യാ​ണ്​ ശ​നി​യാ​ഴ്ച ആ​കാ​ശ​പ്പാ​ത​ക്ക്​ സ​മീ​പം ഉ​പ​വാ​സം ന​ട​ത്താ​ൻ കോ​ൺ​ഗ്ര​സ്​ തീ​രു​മാ​നി​ച്ച​ത്.

തൊ​ട്ടു​പി​ന്നാ​ലെ​യാ​ണ്​ ഇ​തേ​ദി​വ​സം ത​ന്നെ സി.​പി.​എം സ​മ​രം പ്ര​ഖ്യാ​പി​ച്ച​ത്. ന​ഗ​ര​ത്തി​ൽ സു​ര​ക്ഷാ​ഭീ​ഷ​ണി​യു​യ​ർ​ത്തി നി​ൽ​ക്കു​ന്ന ആ​കാ​ശ​പ്പാ​ത​യു​ടെ അ​സ്ഥി​കൂ​ട​ത്തി​ലേ​ക്ക്‌ ശ​നി​യാ​ഴ്ച ജ​ന​കീ​യ മാ​ർ​ച്ച്‌ ന​ട​ത്തു​മെ​ന്നാ​ണ്​ സി.​പി.​എം കോ​ട്ട​യം ഏ​രി​യ ക​മ്മി​റ്റി​യു​ടെ അ​റി​യി​പ്പ്. ശ​നി​യാ​ഴ്ച വൈ​കീ​ട്ട്‌ അ​ഞ്ചി​ന്‌ ന​ട​ക്കു​ന്ന മാ​ർ​ച്ച്‌ ജി​ല്ല സെ​ക്ര​ട്ട​റി എ.​വി. റ​സ​ൽ ഉ​ദ്‌​ഘാ​ട​നം ചെ​യ്യും.

തി​രു​വ​ഞ്ചൂ​ർ രാ​ധാ​കൃ​ഷ്‌​ണ​ൻ എം.​എ​ൽ.​എ​യു​ടെ പി​ടി​പ്പു​കേ​ടു​മൂ​ലം കോ​ട്ട​യ​ത്തി​ന്‌ നാ​ണ​ക്കേ​ടാ​യി നി​ൽ​ക്കു​ന്ന ഉ​രു​ക്ക്‌ റൗ​ണ്ടു​ക​ൾ ജ​ന​ങ്ങ​ളി​ൽ ഭീ​തി​യു​യ​ർ​ത്തു​ക​യാ​ണ്‌.

വ​ർ​ഷ​ങ്ങ​ളാ​യു​ള്ള പ്ര​ശ്‌​ന​ത്തി​ന്‌ പ​രി​ഹാ​രം കാ​ണാ​ൻ ശ്ര​മി​ക്കാ​തെ, പ​ണി​തീ​രാ​ത്ത​തി​ന്‍റെ കു​റ്റം സി.​പി.​എ​മ്മി​ന്‍റെ ത​ല​യി​ൽ കെ​ട്ടി​വെ​ച്ച്‌ ര​ക്ഷ​പ്പെ​ടാ​നാ​ണ്‌ എം.​എ​ൽ.​എ ശ്ര​മി​ക്കു​ന്ന​തെ​ന്ന്​ സി.​പി.​എം കോ​ട്ട​യം ഏ​രി​യ സെ​ക്ര​ട്ട​റി ബി. ​ശ​ശി​കു​മാ​ർ പ​റ​ഞ്ഞു. സ്ഥ​ലം ഏ​റ്റെ​ടു​ക്കാ​തെ നി​ർ​മാ​ണോ​ദ്‌​ഘാ​ട​നം ന​ട​ത്തി ജ​ന​ങ്ങ​ളെ ക​ബ​ളി​പ്പി​ച്ച​തെ​ന്തി​ന്‌ എ​ന്ന​ത​ട​ക്കം ചോ​ദ്യ​ങ്ങ​ളു​യ​ർ​ത്തി​യാ​ണ്‌ മാ​​ർ​ച്ചെ​ന്നും അ​ദ്ദേ​ഹം പ​റ​ഞ്ഞു.

കോ​ട്ട​യ​ത്തെ ആ​കാ​ശ​പ്പാ​ത​യെ ത​ള്ളി ക​ഴി​ഞ്ഞ​ദി​വ​സം ഗ​താ​ഗ​ത​മ​ന്ത്രി രം​ഗ​ത്തെ​ത്തി​യ​തോ​​ടെ വീ​ണ്ടും ച​ർ​ച്ച​ക​ൾ സ​ജീ​വ​മാ​യ​ത്. ആ​കാ​ശ​പ്പാ​ത നി​ർ​മാ​ണം പൂ​ർ​ത്തി​യാ​ക്ക​ണ​മെ​ന്നാ​വ​ശ്യ​പ്പെ​ട്ട്​ നി​യ​മ​സ​ഭ​യി​ല്‍ തി​രു​വ​ഞ്ചൂ​ര്‍ രാ​ധാ​കൃ​ഷ്ണ​ൻ അ​വ​ത​രി​പ്പി​ച്ച ശ്ര​ദ്ധ​ക്ഷ​ണി​ക്ക​ലി​നു​ള്ള മ​റു​പ​ടി​യി​ലാ​ണ്​ പൊ​ളി​ച്ചു​മാ​റ്റേ​ണ്ടി വ​രു​മെ​ന്ന്​ മ​ന്ത്രി ഗ​ണേ​ഷ്​​കു​മാ​ർ സൂ​ച​ന ന​ൽ​കി​യ​ത്.

ജ​ന​ങ്ങ​ളു​ടെ മു​ന്നി​ൽ നോ​ക്കു​കു​ത്തി​യാ​യി നി​ൽ​ക്കു​ന്ന ആ​കാ​ശ​പ്പാ​ത പൂ​ർ​ത്തി​യാ​ക്കാ​ൻ മു​ഖ്യ​മ​ന്ത്രി ഇ​ട​പെ​ട​ണ​മെ​ന്നാ​യി​രു​ന്നു തി​രു​വ​ഞ്ചൂ​രി​ന്‍റെ ആ​വ​ശ്യം. എ​ന്നാ​ല്‍, കോ​ട്ട​യം ആ​കാ​ശ​പ്പാ​ത​യി​ൽ സ​ർ​ക്കാ​ർ പ​ണം ദു​ർ​വ്യ​യം ചെ​യ്തെ​ന്നാ​യി​രു​ന്നു ഗ​ണേ​ഷി​ന്‍റെ മ​റു​പ​ടി. കോ​ട്ട​യ​ത്തി​ന്‍റെ ഭാ​വി വി​ക​സ​ന​ത്തി​ന്​ പ​ദ്ധ​തി തി​രി​ച്ച​ടി​യാ​ണെ​ന്നും മ​ന്ത്രി പ​റ​ഞ്ഞി​രു​ന്നു.