കോട്ടയം നഗരസഭയിൽ കോൺഗ്രസ്​–ബി.ജെ.പി ഒത്തുകളിയെന്ന്​ സി.പി.എം

കോട്ടയം: വിദ്യാഭ്യാസ സ്​റ്റാൻഡിങ്​ കമ്മിറ്റി തെരഞ്ഞെടുപ്പിൽ കോൺഗ്രസ്​-ബി.ജെ.പി ഒത്തുകളിയെന്ന്​ എൽ.ഡി.എഫ്​. ബി.ജെ.പിക്ക്​ വിദ്യാഭ്യാസ സ്​റ്റാൻഡിങ്​ കമ്മിറ്റി ചെയർമാൻ സ്​ഥാനം ഉറപ്പാക്കാനായി തെരഞ്ഞെടുപ്പിൽ കോൺഗ്രസ്​ മത്സരിക്കുകയായിരുന്നുവെന്ന്​ സി.പി.എം ആരോപിച്ചു.

കോട്ടയം നഗരസഭ വിദ്യാഭ്യാസ സ്​റ്റാൻഡിങ്​ കമ്മിറ്റിയിലേക്ക്​ ബി.ജെ.പിയുടെ നാല്​ അംഗങ്ങളും എൽ.ഡി.എഫി​െൻറ രണ്ട്​ അംഗങ്ങളും തെരഞ്ഞെടുക്കപ്പെട്ടിരുന്നു. അവശേഷിക്കുന്ന രണ്ട്​ ഒഴിവുകളിലേക്കായിരുന്നു ബുധനാഴ്​ച തെരഞ്ഞെടുപ്പ്​. ഇതി​ൽ എൽ.ഡി.എഫിന്​ രണ്ടംഗങ്ങളെ വിജയിപ്പാനുള്ള വോട്ട്​ ഉണ്ടായിരുന്നു.

ഇവർ തെരഞ്ഞെടുക്കപ്പെട്ടാൽ ബി.ജെ.പിക്കും എൽ.ഡി.എഫിനും തുല്യകക്ഷിനിലയാകുകയും അധ്യക്ഷനെ ടോസിലൂടെ കണ്ടെത്തുകയും ചെയ്യുന്ന സ്​ഥിതിയുണ്ടാകുമായിരുന്നുവെന്ന്​ സി.പി.എം നേതാക്കൾ പറയുന്നു. എന്നാൽ, അപ്രതീക്ഷിതമായി കോൺഗ്രസ്​ ജൂലിയസ്​ ചാക്കോയെ മത്സരിപ്പിച്ചു. ഇതോടെ സി.പി.എമ്മിലെ ഒരാൾ പരാജയപ്പെട്ടു. ബി.ജെ.പി-നാല്​, എൽ.ഡി.എഫ്​-മൂന്ന്​, കോൺഗ്രസ്​- ഒന്ന്​ എന്നിങ്ങനെയായി കക്ഷിനില. ഇതോടെ ബി.ജെ.പി അധ്യക്ഷസ്​ഥാനം ഉറപ്പാക്കി. വൈസ്​ ചെയർമാനാണ്​ ബി.ജെ.പിയുമായുള്ള രഹസ്യധാരണക്ക്​ പിന്നിലെന്നും ഇവർ പറയുന്നു.

മത്സരിക്കാതെ മാറിനിന്നാൽ അധ്യക്ഷസ്ഥാനം ബി.ജെ.പിക്ക്​ ഉറപ്പാകു​ന്ന സാഹചര്യം ഒഴിവാക്കാമെന്നിരിക്കെ, കോൺഗ്രസ്​ മത്സരിച്ചത്​ അവരെ സഹായിക്കാൻ ലക്ഷ്യമിട്ടാണെന്ന്​ സി.പി.എം കൗൺസിലർ ഷീജ അനിൽ ആരോപിച്ചു. ബി.​െജ.പി​- കോൺഗ്രസ് രഹസ്യബന്ധം ഇതിലൂടെ വ്യക്തമായതായും ഇവർ പറഞ്ഞു.

വിട്ടുനിൽക്കണമെന്ന്​ ഒരുവിഭാഗം കൗൺസിലർമാർ ആവശ്യപ്പെ​ട്ടെങ്കിലും വൈസ്​ ചെയർമാനടക്കം താൽപര്യമെടുത്താണ്​ മത്സരിച്ചതെന്ന്​ കോൺഗ്രസ്​​ നേതാക്കളിൽ ചിലർ പറയുന്നു. ഇതിൽ ഇവർ പ്രതിഷേധവും ഉയർത്തുന്നുണ്ട്​.

എന്നാൽ, ഒരുപ്രതിനിധിപോലും ഇല്ലാതാകുന്ന സാഹചര്യം ഒഴിവാക്കാനാണ്​ മത്സരിച്ചതെന്നാണ്​ കോൺഗ്രസ്​ നേതാക്കൾ പറയുന്നു. മത്സരിച്ചില്ലായിരുന്നെങ്കിൽ എട്ടംഗ വിദ്യാഭ്യാസ സ്​റ്റാൻഡിങ്​ കമ്മിറ്റിയിൽ കോൺഗ്രസിന്​ പ്രാതിനിധ്യം ഉണ്ടാകില്ലായിരുന്നു​െവന്നും ഇവർ പറയുന്നു. സ്​റ്റാൻഡിങ്​ കമ്മിറ്റി അധ്യക്ഷസ്ഥാനങ്ങൾ കൂടുതൽ ലഭിക്കാതെ പോയതി​െൻറ നിരാശയിലാണ്​ സി.പി.എം ആരോപണം ഉന്നയിക്കുന്നതെന്നും ഇവർ പറയുന്നു.