പ്രതിസന്ധി​ പരിഹരിക്കൽ; ട്രാവൻകൂർ സിമന്‍റ്​സ്​ കാക്കനാട്ടെ സ്ഥലം വിൽക്കുന്നു

കോ​ട്ട​യം: ട്രാ​വ​ൻ​കൂ​ർ സി​മ​ൻ​റ്​​സി​ന്‍റെ ഉ​ട​മ​സ്ഥ​ത​യി​ൽ എറ​ണാ​കു​ളം കാ​ക്ക​നാ​ട് വാ​ഴ​ക്കാ​ല​യി​ലു​ള്ള 2.79 ഏ​ക്ക​ർ സ്ഥ​ലം വി​ൽ​ക്കാ​ൻ ആ​ഗോ​ള ടെ​ൻ​ഡ​ർ ക്ഷ​ണി​ച്ചു. ട്രാ​വ​ൻ​കൂ​ർ സി​മ​ന്‍റ്​​സി​ന്‍റെ സാ​മ്പ​ത്തി​ക​പ്ര​തി​സ​ന്ധി​ക്ക്​ പ​രി​ഹാ​രം കാ​ണാ​ൻ ല​ക്ഷ്യ​മി​ട്ടാ​ണ്​ സ്ഥ​ലം വി​ൽ​ക്കാ​നു​ള്ള തീ​രു​മാ​നം.

ഡി​സം​ബ​ർ 15 വ​രെ ടെ​ൻ​ഡ​ർ ന​ൽ​കാം. 18ന് ​ടെ​ൻ​ഡ​ർ ഉ​റ​പ്പി​ക്കും. 40 കോ​ടി​യാ​ണ്​ സ്ഥ​ല​ത്തി​ന്​ ഏ​റ്റ​വും കു​റ​ഞ്ഞ തു​ക​യാ​യി നി​ശ്​​ച​യി​ച്ച​ത്. സി​മ​ന്റ് നി​ർ​മാ​ണ​ത്തി​നു​ള്ള അ​വ​ശ്യ​വ​സ്തു​ക്ക​ൾ വാ​ങ്ങി​യ വ​ക​യി​ൽ ന​ൽ​കാ​നു​ള്ള​ത​ട​ക്കം നി​ല​വി​ൽ 30 കോ​ടി​യോ​ള​മാ​ണ്​ ക​മ്പ​നി​യു​ടെ ബാ​ധ്യ​ത. വി​ര​മി​ച്ച ജീ​വ​ന​ക്കാ​ർ​ക്കു​ള്ള എ​ട്ടു​കോ​ടി രൂ​പ​യു​ടെ കു​ടി​ശ്ശി​ക​യും ഇ​തി​ൽ ഉ​ൾ​പ്പെ​ടും.

ക​മ്പ​നി​യു​ടെ പ്ര​ധാ​ന ഉ​ൽ​പ​ന്ന​മാ​യ വേ​മ്പ​നാ​ട് വൈ​റ്റ് സി​മ​ന്റ് നി​ർ​മാ​ണ​ത്തി​നു​ള്ള അ​സം​സ്കൃ​ത വ​സ്തു​വാ​യ ക്ലി​ങ്ക​ർ ഇ​റ​ക്കു​മ​തി പ്ര​വ​ർ​ത്ത​ന മൂ​ല​ധ​ന​മി​ല്ലാ​ത്ത​തി​നാ​ൽ ന​ട​ക്കു​ന്നി​ല്ല. അ​തി​നാ​ൽ വൈ​റ്റ് സി​മ​ന്റ് ഉ​ൽ​പാ​ദ​നം നി​ല​ച്ചു. ര​ണ്ടാ​മ​ത്തെ ഉ​ൽ​പ​ന്ന​മാ​യ വാ​ൾ​പു​ട്ടി നി​ർ​മാ​ണ​വും പ്ര​തി​സ​ന്ധി​യി​ലാ​ണ്. സ്ഥ​ലം വി​റ്റ്​ ല​ഭി​ക്കു​ന്ന പ​ണ​ത്തി​ലൊ​രു​ഭാ​ഗം ഉ​പ​യോ​ഗി​ച്ച്​ ക്ലി​ങ്ക​ർ ഇ​റ​ക്കു​മ​തി ന​ട​ത്താ​നാ​ണ്​ തീ​രു​മാ​നം. ഇ​തി​നൊ​പ്പം ​കു​ടി​ശ്ശി​ക​ക​ൾ തീ​ർ​ത്ത്​ ക​മ്പ​നി പ്ര​വ​ർ​ത്ത​ന​ങ്ങ​ൾ സ​ജീ​വ​മാ​ക്കാ​നും ധാ​ര​ണ​യാ​യി​ട്ടു​ണ്ട്.

നേ​ര​ത്തെ ആ​നു​കൂ​ല്യ​ങ്ങ​ൾ മു​ട​ങ്ങി​യ​തി​നെ​തു​ട​ർ​ന്ന്​ വി​ര​മി​ച്ച 36 പേ​ർ കോ​ട​തി​യെ സ​മീ​പി​ച്ചി​രു​ന്നു. ഇ​വ​ർ​ക്ക് 1.57 കോ​ടി രൂ​പ ഉ​ട​ൻ ന​ൽ​ക​ണ​മെ​ന്ന് വി​ധി​ച്ചെ​ങ്കി​ലും ന​ൽ​കാ​നാ​യി​ല്ല. ഇ​തോ​ടെ ജ​പ്തി​യി​ലേ​ക്കു പ്ര​ശ്നം നീ​ണ്ടു. തു​ട​ർ​ന്ന്​ സ​ർ​ക്കാ​ർ സ​ഹാ​യ​ത്തി​നു ശ്ര​മി​ച്ചെ​ങ്കി​ലും ല​ഭി​ച്ചി​ല്ല.

ഇ​തോ​ടെ​യാ​ണ്​ കാ​ക്ക​നാ​ട്ട്​ ഉ​പ​യോ​ഗി​ക്കാ​തെ കി​ട​ക്കു​ന്ന സ്ഥ​ലം വി​റ്റ്​ ബാ​ധ്യ​ത​ക​ൾ പൂ​ർ​ണ​മാ​യി തീ​ർ​ക്കാ​നു​ള്ള തീ​രു​മാ​നം. വി​ൽ​പ​ന തു​ക ല​ഭി​ക്കു​ന്ന​തോ​ടെ പൂ​ർ​ണ​തോ​തി​ൽ ക​മ്പ​നി പ്ര​വ​ർ​ത്തി​പ്പി​ക്കാ​ൻ ക​ഴി​യു​മെ​ന്നാ​ണ്​ പ്ര​തീ​ക്ഷി​ക്കു​ന്ന​തെ​ന്നും മാ​നേ​ജ്​​മെ​ന്‍റ്​ പ​റ​ഞ്ഞു.