സാ​മ്പ​ത്തി​ക​ബു​ദ്ധി​മു​ട്ടി​ന്‍റെ പേ​രി​ൽ പ​ദ്ധ​തി​ക​ൾ ​വെ​ട്ടി​ക്കു​റ​ച്ചു: കൂ​ടൊഴിഞ്ഞ്​ പശുക്കൾ; പിടിച്ചുനിൽക്കാനാവാതെ ക്ഷീരകർഷകർ

കോ​ട്ട​യം: ചെ​ല​വേ​റി​യ​തി​ന​നു​സ​രി​ച്ച്​ വ​രു​മാ​ന​മി​ല്ലാ​താ​യ​തോ​ടെ ചെ​റു​കി​ട ക​ർ​ഷ​ക​ർ പ​ശു​വ​ള​ർ​ത്ത​ൽ ഉ​പേ​ക്ഷി​ക്കു​ന്നു. ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യാ​ണ്​ ക്ഷീ​ര​ക​ർ​ഷ​ക​രെ ഈ ​മേ​ഖ​ല ഉ​പേ​ക്ഷി​ക്കാ​ൻ നി​ർ​ബ​ന്ധി​ത​രാ​ക്കു​ന്ന​ത്. മു​ൻ​കാ​ല​ങ്ങ​ളി​ൽ ക്ഷീ​ര​മേ​ഖ​ല​യെ പ്രോ​ത്​​സാ​ഹി​പ്പി​ക്കാ​ൻ സ​ർ​ക്കാ​ർ നി​ര​വ​ധി പ​ദ്ധ​തി​ക​ൾ ന​ട​പ്പാ​ക്കി​യി​രു​ന്നു. ഇ​ന്ന്​ സാ​മ്പ​ത്തി​ക​ബു​ദ്ധി​മു​ട്ടി​ന്‍റെ പേ​രി​ൽ പ​കു​തി​യോ​ളം പ​ദ്ധ​തി​ക​ൾ ​വെ​ട്ടി​ക്കു​റ​ച്ച​ത്​ ക​ർ​ഷ​ക​ർ​ക്ക്​ തി​രി​ച്ച​ടി​യാ​യി. ത​ദ്ദേ​ശ​വ​കു​പ്പു​ക​ളോ​ട്​ പ​ദ്ധ​തി​യി​ലു​ൾ​പ്പെ​ടു​ത്തി ന​ൽ​കാ​നാ​ണ്​ നി​ർ​ദേ​ശ​മെ​ങ്കി​ലും ന​ട​പ്പാ​കാ​റി​ല്ല.

ക്ഷീ​ര​ക​ർ​ഷ​ക​ർ​ക്ക്​ പ​ശു​വി​നെ വാ​ങ്ങാ​ൻ സ​ബ്​​സി​ഡി ന​ൽ​കു​ന്ന മി​ൽ​ക്ക്ഷെ​ഡ് വി​ക​സ​ന പ​ദ്ധ​തി ആ​ദ്യ​കാ​ല​ത്ത്​ ഗു​ണ​ക​ര​മാ​യി​രു​ന്നു. ത​മി​ഴ്​​നാ​ട്ടി​ൽ​നി​ന്ന്​ മൃ​ഗ​സം​ര​ക്ഷ​ണ​വ​കു​പ്പി​ലെ ഉ​ദ്യോ​ഗ​സ്ഥ​ർ നേ​രി​ട്ടു​ചെ​ന്നാ​ണ്​ പ​ശു​ക്ക​ളെ തെ​ര​ഞ്ഞെ​ടു​ത്തി​രു​ന്ന​ത്. പാ​ൽ ഉ​ൽ​പാ​ദ​നം വ​ർ​ധി​പ്പി​ക്കു​ക​യാ​യി​രു​ന്നു പ​ദ്ധ​തി​യു​ടെ ല​ക്ഷ്യം. എ​ന്നാ​ൽ പി​ന്നീ​ട്​ കാ​ര്യ​ക്ഷ​മ​മാ​യ ഇ​ട​പെ​ട​ൽ ഉ​ദ്യോ​ഗ​സ്ഥ​രി​ൽ നി​ന്നു​ണ്ടാ​യി​ല്ല.​ ത​മി​ഴ്​​നാ​ട്ടി​ൽ​നി​ന്ന്​ ഗു​ണ​നി​ല​വാ​രം കു​റ​ഞ്ഞ പ​ശു​ക്ക​ൾ എ​ത്തി​യ​തോ​ടെ കേ​ര​ള​ത്തി​ന്‍റെ ത​ന​ത്​ ക​ന്നു​കാ​ലി സ​മ്പ​ത്ത്​ ന​ഷ്​​ട​മാ​യി. പ​ശു​ക്ക​ൾ​ക്ക്​ വ്യാ​പ​ക​മാ​യി രോ​ഗം വ​രാ​നും തു​ട​ങ്ങി.

അ​സു​ഖം വ​ന്ന പ​ശു​ക്ക​ളെ ചി​കി​ത്സി​ക്കാ​ൻ ഡോ​ക്ട​ർ​മാ​രി​ല്ലാ​ത്ത അ​വ​സ്ഥ​യാ​ണ്. മൃ​ഗാ​ശു​പ​ത്രി​ക​ളി​ൽ ഓ​മ​ന മൃ​ഗ​ങ്ങ​ൾ നി​ര​വ​ധി എ​ത്തു​ന്ന​തി​നാ​ൽ പ​ശു​ക്ക​ളെ നോ​ക്കാ​ൻ അ​വ​ർ​ക്ക്​ സ​മ​യ​മി​ല്ലെ​ന്ന്​ ക​ർ​ഷ​ക​ർ കു​റ്റ​പ്പെ​ടു​ത്തു​ന്നു. രോ​ഗം ബാ​ധി​ച്ച പ​ശു​ക്ക​ളു​മാ​യി ക​ർ​ഷ​ക​ർ​ക്ക്​ ആ​ശു​പ​ത്രി​യി​ൽ വ​രാ​നൊ​ക്കു​ന്നു​മി​ല്ല. സൗ​ജ​ന്യ​മ​രു​ന്നു​ക​ളും യ​ഥാ​സ​മ​യം ല​ഭ്യ​മാ​കു​ന്നി​ല്ല. നേ​ര​ത്തെ സൗ​ജ​ന്യ​മാ​യാ​ണ്​ ലൈ​വ്​ സ്​​റ്റോ​ക്ക്​ ഇ​ൻ​സ്​​പെ​ക്​​ട​ർ​മാ​ർ ബീ​ജം കു​ത്തി​വെ​ച്ചി​രു​ന്ന​ത്. ഇ​പ്പോ​ൾ സ​ർ​ക്കാ​ർ ഫീ​സ്​ 25 രൂ​പ​യാ​ക്കി. എ​ങ്കി​ലും 500 രൂ​പ ചോ​ദി​ച്ചു​വാ​ങ്ങു​ന്ന ലൈ​വ്​ സ്​​റ്റോ​ക്ക്​ ഇ​ൻ​സ്​​പെ​ക്​​ട​ർ​മാ​രും ഉ​ണ്ടെ​ന്ന്​ ക​ർ​ഷ​ക​ർ പ​റ​യു​ന്നു. കെ.​എ​സ്. കാ​ലി​ത്തീ​റ്റ​ക്ക്​ 50 കി​ലോ​യു​ടെ ചാ​ക്കി​ന്​ 1650 രൂ​പ​യാ​ണ്​ വി​ല. പി​ണ്ണാ​ക്ക്, ഗോ​ത​മ്പ്​ ഉ​മി എ​ന്നി​വ​ക്കും വി​ല കൂ​ടി.

ഒ​രു കെ​ട്ട്​ വൈ​ക്കോ​ലി​ന്​ 400 രൂ​പ കൊ​ടു​ക്ക​ണം. 25 കി​ലോ​യി​ൽ താ​ഴെ​യേ തൂ​ക്കം ഉ​ണ്ടാ​വൂ. പ​ണ്ട്​ 50 കി​ലോ വ​രു​ന്ന ഒ​രു കെ​ട്ടി​ന്​ 30 രൂ​പ ന​ൽ​കി​യാ​ൽ മ​തി​യാ​യി​രു​ന്നു. തീ​റ്റ കു​റ​ഞ്ഞാ​ൽ പാ​ൽ കു​റ​യും. ഈ ​വി​ല​വ​ർ​ധ​ന​വി​ന്​ ആ​നു​പാ​തി​ക​മാ​യി സ​ർ​ക്കാ​ർ സ​ഹാ​യം ല​ഭി​ക്കു​ന്നി​ല്ല. പാ​ലി​നാ​വ​ട്ടെ 40-43 രൂ​പ വ​രെ​യേ സൊ​​സൈ​റ്റി​യി​ൽ കി​ട്ടൂ.​ രോ​ഗം വ​ന്ന് ഒ​രു പ​ശു ച​ത്താ​ൽ ത​ന്നെ ധ​ന​ന​ഷ്ടം വ​ലു​താ​ണ്. കോ​വി​ഡ്​ കാ​ല​ത്ത്​ ചെ​റു​കി​ട ഫാം ​തു​ട​ങ്ങി​യ പ​ല​രും പി​ടി​ച്ചു​നി​ൽ​ക്കാ​നാ​വാ​തെ പി​ൻ​വാ​ങ്ങി​ക്ക​ഴി​ഞ്ഞു. ജി​ല്ല​യി​ലെ ഏ​റ്റ​വും വ​ലി​യ മാ​ർ​ക്ക​റ്റാ​യ മോ​നി​പ്പ​ള്ളി​യി​ലെ​ത്തി​യാ​ൽ കാ​ണു​ന്ന കാ​ഴ്ച പ​ശു​ക്ക​ളെ ത​മി​ഴ്​​നാ​ട്ടി​ലേ​ക്ക്​ വി​റ്റൊ​ഴി​യു​ന്ന​താ​ണ്.

പ​ശു​ക്ക​ളെ വി​റ്റൊ​ഴി​ച്ച്​​ ക്ഷീ​ര​ക​ർ​ഷ​ക​ൻ

13 വ​യ​സ്സ്​ ​മു​ത​ൽ പ​ശു വ​ള​ർ​ത്ത​ൽ ജീ​വി​ത​മാ​ർ​ഗ​മാ​ക്കി​യ ക്ഷീ​ര​ക​ർ​ഷ​ക​ൻ ക​ഴി​ഞ്ഞ ദി​വ​സ​മാ​ണ്​ ത​ന്‍റെ പ​ശു​ക്ക​ളെ വി​റ്റൊ​ഴി​യു​ന്ന​താ​യി പ​ര​സ്യം ന​ൽ​കി​യ​ത്. ഇ​ന്നു​വ​രെ പ്ര​ത്യേ​കി​ച്ച്​ ലാ​ഭ​മു​ണ്ടാ​യി​ട്ടി​ല്ല. അ​ന്നാ​ന്ന​ത്തെ കാ​ര്യ​ങ്ങ​ൾ അ​ല്ല​ലി​ല്ലാ​തെ മു​ന്നോ​ട്ടു​പോ​യെ​ന്നു മാ​ത്രം. ര​ണ്ടു മ​ക്ക​ളു​ടെ വി​വാ​ഹം ന​ട​ത്തി​യ​ത്​ വാ​യ്​​പ എ​ടു​ത്താ​ണ്. 13 വ​ർ​ഷ​മാ​യി ഇ​രു​പ​തോ​ളം പ​ശു​ക്ക​ളു​ള്ള ഫാം ​ന​ട​ത്തി​വ​രു​ന്നു. ഇ​നി വ​യ്യെ​ന്നാ​ണ്​ 61 കാ​ര​നാ​യ അ​ദ്ദേ​ഹം പ​റ​യു​ന്ന​ത്. വെ​റു​തെ ക​ഷ്ട​പ്പെ​ടു​ന്ന​ത്​ മാ​ത്രം മി​ച്ചം. നാ​ലു​പ​ശു​ക്ക​ൾ രോ​ഗം​വ​ന്നു ച​ത്തു. പാ​ലി​നു സൊ​​സൈ​റ്റി​യി​ൽ കി​ട്ടു​ന്ന​ത്​ 40 രൂ​പ​യാ​ണ്. വീ​ടു​ക​ളി​ൽ ​​കൊ​ണ്ടു​പോ​യി കൊ​ടു​ത്താ​ൽ 60 രൂ​പ വ​രെ കി​ട്ടും. അ​തി​ന്​ വേ​റെ ആ​ളെ വെ​ക്ക​ണം. ഫാ​മി​ൽ പ​ശു​വി​നെ നോ​ക്കാ​ൻ ഒ​രാ​ളു​ണ്ട്. ആ​ൾ​ക്ക്​ മാ​സം 25000 രൂ​പ ന​ൽ​ക​ണം. 1650 രൂ​പ​ക്ക്​ ഒ​രു​ചാ​ക്ക്​ കാ​ലി​ത്തീ​റ്റ വാ​ങ്ങി​യാ​ൽ നാ​ലു​ദി​വ​സ​ത്തേ​ക്കു തി​ക​യി​ല്ല. ആ​ഘോ​ഷ​മോ മ​ര​ണ​മോ എ​ന്തോ ആ​യി​ക്കോ​ട്ടെ പ​ശു​ക്ക​ൾ ഉ​ള്ള​തു​​​കൊ​ണ്ട്​ വീ​ടു​വി​ട്ട്​ പോ​വാ​നും ക​ഴി​യി​ല്ല. ഇ​ത്ര​കാ​ലം മെ​ന​ക്കെ​ട്ടി​ട്ടും​ പ്ര​യോ​ജ​ന​മു​ണ്ടാ​യി​ല്ല. തീ​റ്റ​യും ക​റ​ന്‍റ്​ ചാ​ർ​ജും അ​ട​ക്കം ഒ​രു​മാ​സം ഒ​രു​ല​ക്ഷ​ത്തി​ല​ധി​കം രൂ​പ ചെ​ല​വു​ണ്ട്. ഇ​ങ്ങ​നെ മു​ത​ലാ​വി​ല്ലെ​ന്ന​തു​കൊ​ണ്ട്​ വി​ൽ​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു- ​അ​ദ്ദേ​ഹം പ​റ​യു​ന്നു.

‘സ്വ​​കാ​​ര്യ​​ക​​മ്പ​​നി​​ക​​ളെ ആ​​ന​​യി​​ക്കാ​​ൻ ശ്ര​​മം’ -എ​​ബി ഐ​​പ്പ് (ക​​ർ​​ഷ​​ക കോ​​ൺ​​​ഗ്ര​​സ്​ ജി​​ല്ല സെ​​ക്ര​​ട്ട​​റി)

ക്ഷീ​​ര​​മേ​​ഖ​​ല​​യി​​ലേ​​ക്ക്​ സ്വ​​കാ​​ര്യ​​ക​​മ്പ​​നി​​ക​​ളെ ആ​​ന​​യി​​ക്കാ​​നു​​ള്ള ശ്ര​​മ​​മാ​​ണ്​ സ​​ർ​​ക്കാ​​റി​​ന്‍റെ ഭാ​​ഗ​​ത്തു​​നി​​ന്നു​​ണ്ടാ​​വു​​ന്ന​​ത്. കേ​​ര​​ള​​ത്തി​​ന്‍റെ പാ​​ൽ വി​​പ​​ണ​​ന​​മേ​​ഖ​​ല​​യി​​ൽ ക​​ണ്ണു​​ന​​ട്ടാ​​ണ്​ ചി​​ല ക​​മ്പ​​നി​​ക​​ൾ രം​​ഗ​​ത്തെ​​ത്തി​​യി​​ട്ടു​​ള്ള​​ത്.​​ഇ​​വ​​ർ​​ക്കു​​വേ​​ണ്ടി ചെ​​റു​​കി​​ട ക്ഷീ​​ര​​മേ​​ഖ​​ല​​യെ ഇ​​ല്ലാ​​താ​​ക്കു​​ക​​യാ​​ണ്​ സ​​ർ​​ക്കാ​​ർ. അ​​തേ​​സ​​മ​​യം, ക​​ർ​​ഷ​​ക​​ർ​​ക്ക്​ സ​​ഹാ​​യ​​ക​​ര​​മാ​​യ യാ​​തൊ​​ന്നും സ​​ർ​​ക്കാ​​ർ ചെ​​യ്യു​​ന്നി​​ല്ല. മൃ​​ഗ​​സം​​ര​​ക്ഷ​​ണ മ​​ന്ത്രി പ​​റ​​ഞ്ഞ​​തൊ​​ന്നും ഈ ​​മേ​​ഖ​​ല​​യി​​ൽ ന​​ട​​പ്പാ​​യി​​ട്ടി​​ല്ല. ദി​​നം​​പ്ര​​തി നി​​ര​​വ​​ധി​​പേ​​രാ​​ണ്​ പ​​ശു​​വ​​ള​​ർ​​ത്ത​​ൽ ഉ​​പേ​​ക്ഷി​​ക്കു​​ന്ന​​ത്.