നിരോധനത്തിന് പുല്ലുവില;പ്ലാസ്റ്റിക് കവറുകൾ സുലഭം

ഈ​രാ​റ്റു​പേ​ട്ട: നി​രോ​ധ​ന​ങ്ങ​ൾ​ക്ക് പു​ല്ലു​വി​ല ന​ൽ​കി ന​ഗ​ര​സ​ഭ​യി​ലും പ​രി​സ​ര പ​ഞ്ചാ​യ​ത്തു​ക​ളി​ലും നി​രോ​ധി​ത പ്ലാ​സ്റ്റി​ക് ഉ​ൽ​പ​ന്ന​ങ്ങ​ളു​ടെ ല​ഭ്യ​ത സു​ല​ഭം. പ്ലാ​സ്റ്റി​ക് നി​രോ​ധ​ന നി​യ​മ​ത്തി​ന് നി​ർ​മാ​താ​ക്ക​ളും ക​ച്ച​വ​ട​ക്കാ​രും ഉ​പ​ഭോ​ക്താ​ക്ക​ളും ഒ​രു​വി​ല​യും ക​ൽ​പി​ക്കു​ന്നി​ല്ല. അ​ധി​കൃ​ത​രു​ടെ ഭാ​ഗ​ത്തു​നി​ന്നാ​ക​ട്ടെ തി​ക​ഞ്ഞ മൗ​ന​വും. ഇ​തോ​ടെ വ​ഴി​​യോ​ര ക​ച്ച​വ​ട​ക്കാ​രും മ​റ്റ്​ ക​ട​ക്കാ​രും പ്ലാ​സ്റ്റി​​ക് ക​വ​റു​ക​ൾ തോ​ന്നി​യ​ത്​ പോ​ലെ ഉ​പ​യോ​ഗി​​ക്കു​ന്ന സ്ഥി​​തി​​യി​​ലാ​യി. മാ​ർ​ക്ക​റ്റു​ക​ളി​ല​ട​ക്കം വി​വി​ധ നി​റ​ങ്ങ​ളി​ലു​ള്ള നി​രോ​ധി​ത ക്യാ​രി ബാ​ഗു​ക​ൾ പ​ര​സ്യ​മാ​യി തൂ​ക്കി​യി​ടാ​ൻ തു​ട​ങ്ങി​യി​ട്ടു​ണ്ട്. വ്യാ​പാ​ര​സ്ഥാ​പ​ന​ങ്ങ​ളി​ൽ​നി​ന്നാ​ണ് ക്യാ​രി ബാ​ഗ് രൂ​പ​ത്തി​ൽ പ്ലാ​സ്റ്റി​ക് കൂ​ടു​ത​ലാ​യി ജ​ന​ങ്ങ​ളി​ലേ​ക്ക് എ​ത്തു​ന്ന​ത്. ഉ​പ​യോ​ഗം ക​ഴി​ഞ്ഞ പ്ലാ​സ്റ്റി​ക് ക​വ​റു​ക​ൾ ഈ​രാ​റ്റു​പേ​ട്ട​യി​ൽ മീ​ന​ച്ചി​ലാ​റ്റി​ലും തോ​ടു​ക​ളി​ലും റോ​ഡു​ക​ളി​ലു​മാ​ണ് വ​ലി​ച്ചെ​റി​യു​ന്ന​ത്.

മൂ​ന്ന് ദി​വ​സ​മാ​യി ഈ​രാ​റ്റു​പേ​ട്ട​യി​ൽ വേ​ന​ൽ​മ​ഴ പെ​യ്യു​ന്നു. ആ​റ്റി​ലും തോ​ട്ടി​ലും വെ​ള്ള​മാ​യ​തോ​ടെ പ്ലാ​സ്റ്റി​ക് ക​വ​റു​ക​ൾ ജ​ല​ത്തി​ലൂ​ടെ ഒ​ഴു​കി ന​ട​ക്കു​ക​യാ​ണ്. ഇ​ത് ആ​രോ​ഗ്യ​പ്ര​ശ്ന​ങ്ങ​ൾ ഇ​ട​വ​രു​ത്തും. ന​ഗ​ര​സ​ഭ​യി​ലെ ഗ്രാ​മ​പ​ഞ്ചാ​യ​ത്തു​ക​ളി​ലെ​യും ഹ​രി​ത​ക​ർ​മ സേ​ന അം​ഗ​ങ്ങ​ൾ വീ​ടു​ക​ൾ ക​യ​റി കൃ​ത്യ​മാ​യി പ്ലാ​സ്റ്റി​ക്കു​ക​ൾ ശേ​ഖ​രി​ക്കു​ന്നു​ണ്ടെ​ന്ന​ല്ലാ​തെ പ്ലാ​സ്റ്റി​ക് ഉ​പ​യോ​ഗ​ത്തി​ൽ ജ​ന​ങ്ങ​ൾ ഒ​രു​കു​റ​വും വ​രു​ത്തി​യി​ട്ടി​ല്ല. 2020 ജ​നു​വ​രി ഒ​ന്ന് മു​ത​ൽ സം​സ്ഥാ​ന​ത്ത് പ്ലാ​സ്റ്റി​ക് നി​രോ​ധ​നം പ്രാ​വ​ർ​ത്തി​ക​മാ​യെ​ങ്കി​ലും വ​ർ​ഷ​ങ്ങ​ൾ ക​ഴി​ഞ്ഞി​ട്ടും നി​രോ​ധ​നം പൂ​ർ​ണ​മാ​യും ന​ട​പ്പി​ൽ വ​രു​ത്താ​ൻ സാ​ധി​ച്ചി​ട്ടി​ല്ല. നി​ര​ന്ത​ര​വും ക​ർ​ശ​ന​വു​മാ​യ പ​രി​ശോ​ധ​ന ഇ​ല്ലാ​ത്ത​താ​ണ് പ്ലാ​സ്റ്റി​ക് ഉ​പ​യോ​ഗം കൂ​ടാ​ൻ കാ​ര​ണ​മെ​ന്ന് നാ​ട്ടു​കാ​ർ പ​റ​യു​ന്നു.