വയനാട് ടു കശ്മീർ... സൈക്കിൾ കാരവൻ മൂന്ന്​ വർഷത്തിന്​ ശേഷം എത്തി

ഈ​രാ​റ്റു​പേ​ട്ട: മി​ഷ​ൻ വ​ൺ റു​പ്പീ​സ് എ​ന്ന സ​ന്ദേ​ശ​വു​മാ​യി സൈ​ക്കി​ൾ കാ​ര​വ​നി​ൽ ഇ​ന്ത്യ ചു​റ്റി​സ​ഞ്ച​രി​ക്കു​ന്ന യു​വാ​ക്ക​ൾ യാ​ത്ര​തു​ട​ങ്ങി മൂ​ന്ന് വ​ർ​ഷ​ത്തി​ന് ശേ​ഷം ഈ​രാ​റ്റു​പേ​ട്ട​യി​ൽ എ​ത്തി. കൗ​തു​ക കാ​ര​വ​ൻ കാ​ണാ​ൻ ത​ടി​ച്ചു​കൂ​ടി​യ ജ​ന​ങ്ങ​ൾ കൈ​നി​റ​യെ സം​ഭാ​വ​ന​യും ന​ൽ​കി. നി​ർ​ധ​ന​രും നി​രാ​ലം​ബ​രു​മാ​യ അ​ഞ്ച് ഭി​ന്ന​ശേ​ഷി​ക്കാ​ർ​ക്ക് സൗ​ജ​ന്യ​മാ​യി സ്ഥ​ല​വും വീ​ടും ന​ൽ​കു​ക എ​ന്ന​താ​ണ് യാ​ത്ര​യു​ടെ ല​ക്ഷ്യം. ഒ​രു​രൂ​പ മു​ത​ലു​ള്ള സം​ഭാ​വ​ന​ക​ളാ​ണ് സ്വീ​ക​രി​ക്കു​ന്ന​ത്.

2021 ഡി​സം​ബ​ർ പ​ത്തി​ന് വ​യ​നാ​ട്ടി​ൽ​നി​ന്നാ​ണ് സു​ഹൃ​ത്തു​ക്ക​ളാ​യ റെ​നീ​ഷ്, നി​ജി​ൽ എ​ന്നീ യു​വാ​ക്ക​ളു​ടെ കൂ​ട്ടാ​യ്മ​യി​ൽ സൈ​ക്കി​ൾ കാ​ര​വ​നി​ൽ യാ​ത്ര തു​ട​ങ്ങി​യ​ത്. ര​ണ്ട് സൈ​ക്കി​ൾ ചേ​ർ​ത്ത് നി​ർ​മി​ച്ച കാ​ര​വ​നി​ൽ കി​ട​ക്കാ​നും ഭ​ക്ഷ​ണം പാ​കം​ചെ​യ്യാ​നും സം​വി​ധാ​ന​ങ്ങ​ളു​ണ്ട്.

ഇ​ത്ത​ര​ത്തി​ലു​ള്ള സൈ​ക്കി​ൾ കാ​ര​വ​ൻ ലോ​ക​ത്തു​ത​ന്നെ ആ​ദ്യ​ത്തേ​തെ​ന്നാ​ണ് യു​വാ​ക്ക​ൾ അ​വ​കാ​ശ​പ്പെ​ടു​ന്നു. യാ​ത്ര​തു​ട​ങ്ങി മൂ​ന്ന​ര വ​ർ​ഷം പി​ന്നി​ട്ട​പ്പോ​ൾ പ​ത്ത് ജി​ല്ല​ക​ളി​ൽ പ​ര്യ​ട​നം ന​ട​ത്തി. ഒ​രു ജി​ല്ല​യി​ലെ പ​ര്യ​ട​ന​ത്തി​ന് മൂ​ന്ന​ര​മാ​സം എ​ങ്കി​ലും എ​ടു​ക്കും. ഇ​ത്ര​യും നാ​ൾ​കൊ​ണ്ട് സ്വ​രൂ​പി​ച്ച പ​ണം​കൊ​ണ്ട് വ​യ​നാ​ട് അ​മ്പ​ല​വ​ള​വി​ൽ 22 സെ​ന്‍റ്​ സ്ഥ​ലം വാ​ങ്ങി വീ​ട് നി​ർ​മാ​ണ​ത്തി​നു​ള്ള ത​റ​പ​ണി പൂ​ർ​ത്തി​യാ​യി. ലി​ജി​ൽ ഹൈ​സ്കൂ​ൾ അ​ധ്യാ​പ​ക​നും റെ​നീ​ഷ് മൊ​ബൈ​ൽ ഷോ​പ് ജീ​വ​ന​ക്കാ​ര​നു​മാ​ണ്. എ​ല്ലാ​യി​ട​ത്തും ന​ല്ല സ്വീ​ക​ര​ണ​മാ​ണ് ല​ഭി​ക്കു​ന്ന​തെ​ന്ന് ഇ​വ​ർ പ​റ​ഞ്ഞു. ജീ​വി​ത​യാ​ത്ര​ക്കി​ട​യി​ൽ എ​ന്തെ​ങ്കി​ലും അ​ട​യാ​ള​പ്പെ​ടു​ത്ത​ലു​ക​ൾ​ക്കാ​ണ് ഈ ​യാ​ത്ര​യെ​ന്ന് ലി​ജി​ലും റെ​നീ​ഷും പ​റ​യു​ന്നു.