ഈരാറ്റുപേട്ട നഗരസഭ കൗൺസിലിൽ ഉന്തും തള്ളും

ഈ​രാ​റ്റു​പേ​ട്ട: ന​ഗ​ര​സ​ഭ​യി​ലെ പൊ​ട്ടി​പ്പൊ​ളി​ഞ്ഞ റോ​ഡു​ക​ൾ​ക്ക് കൂ​ടു​ത​ൽ ഫ​ണ്ട് അ​നു​വ​ദി​ച്ച​തി​നെ​ച്ചൊ​ല്ലി ന​ഗ​ര​സ​ഭ കൗ​ൺ​സി​ലി​ൽ ഉ​ന്തും ത​ള്ളും. സം​ഭ​വ​ത്തെ​തു​ട​ർ​ന്ന്​ മൂ​ന്ന്​ കൗ​ൺ​സി​ല​ർ​മാ​രെ ആ​ശു​പ​ത്രി​യി​ൽ ​പ്ര​വേ​ശി​പ്പി​ച്ചു. ബു​ധ​നാ​ഴ്ച രാ​വി​ലെ പ​തി​നൊ​ന്നി​നാ​ണ് സം​ഭ​വം. ക​ഴി​ഞ്ഞ കൗ​ൺ​സി​ലി​ൽ തീ​രു​മാ​ന​മാ​യ വി​ഷ​യ​മാ​ണ് അ​ജ​ണ്ട​യി​ൽ ഇ​ല്ലാ​ഞ്ഞി​ട്ടും പ്ര​തി​പ​ക്ഷം ച​ർ​ച്ച​ക്ക് ​െകാ​ണ്ടു​വ​ന്ന് പ്ര​ശ്​​ന​ങ്ങ​ൾ സൃ​ഷ്​​ടി​ച്ച​തെ​ന്ന് ചെ​യ​ർ​പേ​ഴ്സ​ൻ സു​ഹ്റ ഖാ​ദ​ർ പ​റ​ഞ്ഞു. സെൻറ​ർ ഫി​നാ​ൻ​സ് ഗ്രാ​ൻ​റി​ൽ​നി​ന്നും ന​ഗ​ര​സ​ഭ​ക്ക്​ 80 ല​ക്ഷം രൂ​പ ല​ഭി​ച്ചി​രു​ന്നു. അ​തി​ൽ 44 ല​ക്ഷം രൂ​പ നാ​ളു​ക​ളാ​യി പൊ​ട്ടി​പ്പൊ​ളി​ഞ്ഞ്​ കി​ട​ക്കു​ന്ന കൊ​ട്ടു​കാ​പ്പ​ള്ളി, കാ​ര​ക്കാ​ട്, ഈ​ല​ക്ക​യം, ഇ​ട​ക​ള​മ​റ്റം, മു​രു​ക്കോ​ലി വാ​ഴ​മ​റ്റം, വാ​ക്കാ​പ​റ​മ്പ് എ​ന്നീ റോ​ഡു​ക​ൾ​ക്ക് ന​ൽ​കാ​മെ​ന്ന് ധാ​ര​ണ​യാ​വു​ക​യും ബാ​ക്കി തു​ക എ​ല്ലാ കൗ​ൺ​സി​ല​ർ​മാ​ർ​ക്കും തു​ല്യ​മാ​യി വീ​തി​ച്ചു​ന​ൽ​കു​ക​യും ചെ​യ്തു. എ​ന്നാ​ൽ, കൂ​ടു​ത​ൽ ഫ​ണ്ട് അ​നു​വ​ദി​ച്ച​തി​നെ​തി​രെ എ​ൽ.​ഡി.​എ​ഫ് കൗ​ൺ​സി​ല​ർ​ന്മാ​ർ ബ​ഹ​ള​മു​ണ്ടാ​ക്കു​ക​യും ന​ഗ​ര​സ​ഭ ജീ​വ​ന​ക്കാ​ര​നെ കൈ​യേ​റ്റം ചെ​യ്യു​ക​യും ചെ​യ്ത​താ​യി ചെ​യ​ർ​പേ​ഴ്സ​ൻ പ​റ​യു​ന്നു.

ന​ടു​ത്ത​ള​ത്തി​ലി​റ​ങ്ങി പ്ര​തി​ഷേ​ധി​ച്ച പ്ര​തി​പ​ക്ഷം ചെ​യ​ര്‍പേ​ഴ്‌​സ​െൻറ ഡ​യ​സി​ല്‍ ക​യ​റി​യ​തോ​ടെ ഭ​ര​ണ​പ​ക്ഷം പ്ര​തി​രോ​ധ​വു​മാ​യി രം​ഗ​ത്തെ​ത്തി. മു​ദ്രാ​വാ​ക്യം വി​ളി​ക​ളും ബ​ഹ​ള​വും വ​ര്‍ധി​ച്ച​തി​നി​ടെ ഉ​ന്തും​ത​ള്ളു​മു​ണ്ടാ​യി. ഇ​തി​നി​ടെ​യാ​ണ്​ മൂ​ന്ന്​ കൗ​ൺ​സി​ല​ർ​മാ​ർ​ക്ക് പ​രി​ക്കു​പ​റ്റി​യ​ത്. യു.​ഡി.​എ​ഫി​ലെ അ​ന്‍സ​ര്‍ പു​ള്ളോ​ലി​ൽ, റി​യാ​സ് പ്ലാ​മൂ​ട്ടി​ൽ എ​ന്നി​വ​ര്‍ക്കും എ​ൽ.​ഡി.​എ​ഫി​ലെ സ​ജീ​ർ ഇ​സ്മാ​യി​ലി​നു​മാ​ണ്​ പ​രി​ക്ക്. 32 അ​ജ​ണ്ട​ക​ൾ ച​ർ​ച്ച ചെ​യ്യാ​നു​ള്ള യോ​ഗ​മാ​ണ് അ​തോ​ടെ അ​ല​സി​പ്പി​രി​ഞ്ഞ​ത്. ​േയാ​ഗം പൂ​ർ​ത്തി​യാ​കാ​തെ വ​ന്ന​തോ​ടെ എ​ല്ലാ അ​ജ​ണ്ട​ക​ളും പാ​സാ​ക്കി​യ​താ​യി ചെ​യ​ർ​മാ​ൻ അ​റി​യി​ച്ചു.

സം​ഘ​ര്‍ഷ​ത്തി​നി​ടെ ഹാ​ളി​ലു​ണ്ടാ​യി​രു​ന്ന പ്രൊ​ജ​ക്ട​ര്‍ സ്‌​ക്രീ​ന്‍ കീ​റി ന​ശി​പ്പി​ച്ചു. ചെ​യ​ര്‍പേ​ഴ്‌​സ​െൻറ മൈ​ക്കും ന​ശി​പ്പി​ക്ക​പ്പെ​ട്ടു. ചെ​യ​ര്‍പേ​ഴ്‌​സ​നെ ആ​ക്ര​മി​ക്കാ​ന്‍ ശ്ര​മി​ച്ച​തി​നും പൊ​തു​മു​ത​ല്‍ ന​ശി​പ്പി​ച്ച​തി​നും എ​ൽ.​ഡി.​എ​ഫ് കൗ​ൺ​സി​ല​ർ​മാ​ർ​െ​ക്ക​തി​രെ ന​ഗ​ര​സ​ഭ പൊ​ലീ​സി​ല്‍ പ​രാ​തി ന​ൽ​കി. ഈ​രാ​റ്റു​പേ​ട്ട പൊ​ലീ​സ് സ്ഥ​ല​ത്തെ​ത്തി​യാ​ണ് ഇ​രു​വി​ഭാ​ഗ​ത്തെ​യും നി​യ​ന്ത്രി​ച്ച​ത്.

അ​തി​നി​ടെ, ന​ഗ​ര​സ​ഭ​യു​ടെ മൂ​ന്ന്​ റോ​ഡു​ക​ൾ​ക്ക് കൂ​ടു​ത​ൽ ഫ​ണ്ട് അ​നു​വ​ദി​ച്ച​തി​ൽ അ​പാ​ക​ത​ക​ളു​ണ്ടെ​ന്ന് എ​സ്.​ഡി.​പി.​ഐ​യും ആ​രോ​പി​ച്ചു. പ്ര​തി​പ​ക്ഷ മ​ര്യാ​ദ​ക​ൾ പാ​ലി​ക്കാ​തെ​യാ​ണ് കാ​ര്യ​ങ്ങ​ൾ പോ​കു​ന്ന​തെ​ന്നും പ്ര​തി​ഷേ​ധി​ക്കു​ക എ​ന്ന പ്ര​തി​പ​ക്ഷ​ത്തി​െൻറ ചു​മ​ത​ല​യാ​ണ് നി​ർ​വ​ഹി​ച്ച​തെ​ന്നും പ്ര​തി​പ​ക്ഷ നേ​താ​വ് അ​ന​സ് പാ​റ​യി​ൽ പ​റ​ഞ്ഞു.