പദ്ധതികൾ പലത്; മറയാതെ മാലിന്യം

ഈ​രാ​റ്റു​പേ​ട്ട: പ്ര​ഖ്യാ​പ​ന​ങ്ങ​ൾ തു​ട​രു​മ്പോ​ഴും ഈ​രാ​റ്റു​പേ​ട്ട ന​ഗ​ര​സ​ഭ​യി​ലെ മാ​ലി​ന്യ സം​സ്ക​ര​ണ പ​ദ്ധ​തി​ക​ൾ പാ​തി​വ​ഴി​യി​ൽ. മാ​റി​മാ​റി വ​ന്ന ജ​ന​പ്ര​തി​നി​ധി​ക​ൾ മാ​ലി​ന്യ സം​സ്ക​ര​ണ​ത്തി​നാ​യി പ​ല പ​ദ്ധ​തി​ക​ൾ ആ​വി​ഷ്ക​രി​ച്ചെ​ങ്കി​ലും അ​തൊ​ന്നും ഫ​ല​പ്രാ​പ്തി​യി​ൽ എ​ത്തി​ക്കാ​ൻ ക​ഴി​ഞ്ഞി​ട്ടി​ല്ല.

ലോ​ക ബാ​ങ്കി​ന്‍റെ സ​ഹാ​യ​ത്തോ​ടെ 80 ല​ക്ഷം രൂ​പ മു​ട​ക്കി അ​ത്യാ​ധു​നി​ക സം​വി​ധാ​ന​ങ്ങ​ൾ ഉ​പ​യോ​ഗി​ച്ച് ന​ട​പ്പാ​ക്കി​യ തു​മ്പൂ​ർ​മു​ഴി പ​ദ്ധ​തി​യും വേ​ണ്ട രീ​തി​യി​ൽ ഫ​ലം ക​ണ്ടി​ല്ല.

ജൈ​വ മാ​ലി​ന്യ​ങ്ങ​ളെ രാ​സ​പ്ര​വ​ർ​ത്ത​ന​ങ്ങ​ളി​ലൂ​ടെ വ​ള​മാ​ക്കി​മാ​റ്റു​ന്ന​തി​നാ​യി 25 യൂ​നി​റ്റു​ക​ളാ​ണ് സ്ഥാ​പി​ച്ച​ത്. എ​ന്നാ​ൽ സം​സ്ക​രി​ച്ചെ​ടു​ത്ത ജൈ​വ​വ​ള​ങ്ങ​ൾ​ക്ക് വേ​ണ്ട ഗു​ണ​മേ​ൻ​മ ഇ​ല്ലാ​തി​രു​ന്ന​തും സ​മ​യ​ബ​ന്ധി​ത​മാ​യി വി​റ്റ​ഴി​ക്കാ​തെ വ​ന്ന​തും പ്ര​തി​സ​ന്ധി സൃ​ഷ്ടി​ച്ചു. 2020 ജ​നു​വ​രി ആ​ദ്യ​ത്തി​ല്‍ ‘പു​തി​യ വ​ര്‍ഷം പു​തി​യ പേ​ട്ട’ എ​ന്ന ല​ക്ഷ്യ​വു​മാ​യി സ​മ്പൂ​ര്‍ണ മാ​ലി​ന്യ നി​ര്‍മ്മാ​ര്‍ജ്ജ​ന പ്ര​വ​ര്‍ത്ത​ന​ങ്ങ​ള്‍ക്ക് തു​ട​ക്കം കു​റി​ച്ചെ​ങ്കി​ലും പാ​തി വ​ഴി​യി​ൽ നി​ല​ച്ചു. അ​തി​നി​ട​യി​ലാ​ണ് പൊ​തു​നി​ര​ത്തി​ൽ മാ​ലി​ന്യം നി​ക്ഷേ​പി​ച്ച​തി​ന് ഗ്രീ​ൻ ട്രൈ​ബ്യൂ​ണ​ൽ ന​ഗ​ര​സ​ഭ​ക്ക് 23 ല​ക്ഷം രൂ​പ പി​ഴ​യി​ട്ട​ത്.

ഉ​റ​വി​ട​മാ​ലി​ന്യ സം​സ്ക​ര​ണം പ്രോ​ത്സാ​ഹി​പ്പി​ക്ക​ണം, വീ​ടു​ക​ളി​ൽ നി​ന്ന്​ ത​രം​തി​രി​ച്ച് മാ​ലി​ന്യം ശേ​ഖ​രി​ക്ക​ണം, പ്ലാ​സ്റ്റി​ക് ശേ​ഖ​രി​ക്കു​ന്ന​തി​ന് എ​ല്ലാ പ്ര​ധാ​ന​കേ​ന്ദ്ര​ങ്ങ​ളി​ലും സം​ഭ​ര​ണ കേ​ന്ദ്ര​ങ്ങ​ൾ തു​ട​ങ്ങ​ണം, മാ​ലി​ന്യ സം​സ്ക​ര​ണ​ത്തി​നാ​യി റി​ങ് ക​മ്പോ​സ്റ്റ് സം​വി​ധാ​നം ഏ​ർ​പ്പെ​ടു​ത്ത​ണം തു​ട​ങ്ങി​യ നി​ർ​ദേ​ശ​ങ്ങ​ളാ​ണ് ഗ്രീ​ൻ ട്രൈ​ബ്യൂ​ണ​ൽ അ​ന്ന് ന​ൽ​കി​യ​ത്.

‘എ​ന്റെ മാ​ലി​ന്യം എ​ന്റെ ഉ​ത്ത​ര​വാ​ദി​ത്വം’ എ​ന്ന ല​ക്ഷ്യ​പൂ​ർ​ത്തീ​ക​ര​ണ​ത്തി​നാ​യി മാ​ലി​ന്യ നി​ർ​മാ​ജ​ന​ത്തി​ന്​ ശാ​ശ്വ​ത പ​രി​ഹാ​ര​മാ​യി സ​ർ​ക്കാ​ർ കൊ​ണ്ട് വ​ന്ന ഹ​രി​ത​മി​ത്രം പ​ദ്ധ​തി​യും പ്ര​തീ​ക്ഷ​യാ​യി​രു​ന്നു. ന​ഗ​ര​സ​ഭ​യി​ൽ 6.73 ല​ക്ഷം രൂ​പ മു​ട​ക്കി ആ​പ്പ് ഇ​ൻ​സ്റ്റാ​ൾ ചെ​യ്ത് ന​ട​പ്പാ​ക്കി​യ പ​ദ്ധ​തി​യാ​യി​രു​ന്നു ഹ​രി​ത​മി​ത്രം പ​ദ്ധ​തി. വീ​ടു​ക​ളി​ലും സ്ഥാ​പ​ന​ങ്ങ​ളി​ലും പ്ര​ത്യേ​ക​മാ​യി പ​തി​ക്കു​ന്ന ക്യൂ ​ആ​ർ കോ​ഡി​ന്‍റെ സ​ഹ​ക​ര​ണ​ത്തോ​ടെ

ന​ഗ​ര​സ​ഭ​യി​യി​ലി​രു​ന്ന് മാ​ലി​ന്യ​നി​ർ​മാ​ർ​ജ​നം നി​രീ​ക്ഷി​ക്കാ​നു​ള്ള സം​വി​ധാ​ന​വും വ​ന്ന​താ​ണ്. നി​രീ​ക്ഷ​ണ​ത്തി​ലും ന​ട​ത്തി​പ്പി​ലും ആ​വ​ശ്യ​മാ​യ പ​രി​ച​യ​മി​ല്ലാ​ത്ത​ത് കൊ​ണ്ട് തു​ട​ങ്ങി​യ​യി​ട​ത്ത് ത​ന്നെ നി​ൽ​ക്കു​ക​യാ​ണ് ഹ​രി​ത​മി​ത്രം പ​ദ്ധ​തി​യും.

ശു​ചി​ത്വ​മി​ഷ​ൻ ഫ​ണ്ട് ഉ​പ​യാ​ഗി​ച്ച് 60 ല​ക്ഷം രൂ​പ ചി​ല​വ​ഴി​ച്ച് ഏ​റ്റ​വും നൂ​ത​ന​മാ​യ ബ​യോ​ബി​ന്നു​ക​ളാ​ണ്​ വി​ത​ര​ണം ചെ​യ്തി​രു​ന്ന​ത്. ഇ​തി​ന്‍റെ ഉ​പ​യോ​ഗ​ക്ര​മം തു​ട​ർ​നി​രീ​ക്ഷ​ണം ന​ട​ത്തി വ്യ​വ​സ്ഥാ​പി​ത​മാ​ക്കാ​ൻ ക​ഴി​യു​ന്നി​ല്ലെ​ന്ന പ​രാ​തി​യും നി​ല​നി​ൽ​ക്കു​ന്നു​ണ്ട്.

പൊ​തു​നി​ര​ത്തി​ൽ മാ​ലി​ന്യം വ​ലി​ച്ചെ​റി​യു​ന്ന​വ​രെ ക​ണ്ടെ​ത്താ​ൻ മു​ന്ന​യി​പ്പ് ബോ​ർ​ഡു​ക​ളും നി​രീ​ക്ഷ​ണ കാ​മ​റ​ക​ളും സ്ഥാ​പി​ച്ചി​ട്ടും മാ​ലി​ന്യം വ​ലി​ച്ചെ​റി​യു​ന്ന​വ​രു​ടെ എ​ണ്ണം കൂ​ടി വ​രി​ക​യാ​ണ്.

പു​തു​മ​ഴ​യി​ൽ ഒ​ഴു​കി മീ​ന​ച്ചി​ലാ​റ്റി​ലേ​ക്ക് എ​ത്തു​ന്ന മാ​ലി​ന്യ​ക്കെ​ട്ടു​ക​ളി​ല​ധി​ക​വും കൈ​ത്തോ​ടു​ക​ളി​ൽ നി​ന്നു​ള്ള​താ​ണ്.ഓ​ട​ക​ളെ​യും ചെ​റു​തോ​ടു​ക​ളെ​യും പ്ര​ത്യേ​ക മേ​ഖ​ല​ക​ളാ​ക്കി മാ​റ്റി സം​ര​ക്ഷി​ക്കേ​ണ്ട​തും അ​നി​വാ​ര്യ​മാ​ണ്.

പ​രി​ഹാ​ര​മു​ണ്ട്, പ​രി​ശ്ര​മി​ക്ക​ണം

• ‘എ​ന്റെ മാ​ലി​ന്യം എ​ന്റെ ഉ​ത്ത​ര​വാ​ദി​ത്തം’ എ​ന്ന സ​ർ​ക്കാ​ർ പോ​ളി​സി​യി​ലേ​ക്ക് ജ​ന​ങ്ങ​ളെ മാ​റ്റിയെടു​ക്ക​ണം
• ദേ​ശീ​യ ഹ​രി​ത ട്രൈ​ബ്യൂ​ണ​ൽ നി​ർ​ദേ​ശ​പ്ര​കാ​രം ജൈ​വ​മാ​ലി​ന്യ​ങ്ങ​ൾ (ഫു​ഡ് വേ​സ്റ്റു​ക​ൾ) സ്വ​ന്ത​മാ​യി സം​സ്ക​രി​ക്കു​ക​യും അ​ജൈ​വ മാ​ലി​ന്യ​ങ്ങ​ൾ ത​രം​തി​രി​ച്ച് ഹ​രി​ത ക​ർ​മ​സേ​ന​യെ ഏ​ൽ​പ്പി​ക​യും ചെ​യ്യ​ണം
• ഒരുവി​ധ സാ​നി​ട്ടേ​ഷ​ൻ സം​വി​ധാ​ന​ങ്ങ​ളും ഇ​ല്ലാ​തെ ടൗ​ണി​ലും പു​ഴ​യു​ടെ തീ​ര​ങ്ങ​ളി​ലും പ്ര​വ​ർ​ത്തി​ക്കു​ന്ന വാ​ട​ക​ക്കെ​ട്ടി​ട​ങ്ങ​ളി​ൽ മാ​ലി​ന്യ സം​സ്ക​ര​ണ​ത്തി​നു​ള്ള സം​വി​ധാ​ന​മു​ണ്ടെ​ന്ന് ന​ഗ​ര​സ​ഭ ഉ​റ​പ്പു​വ​രു​ത്ത​ണം
• നാ​പ്കി​ൻ പോ​ലു​ള്ള അ​ജൈ​വ ഉ​ൽ​പ​ന്ന​ങ്ങ​ളു​ടെ ശാ​സ്ത്രീ​യ സം​സ്ക​ര​ണ​ത്തി​ന്​ മാ​ർ​ഗ​നി​ർ​ദേ​ശം ന​ൽ​ക​ണം
• ത​ദ്ദേ​ശ​സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ൽ വ​ലി​ച്ചെ​റി​യ​ൽ സം​സ്കാ​ര​ത്തി​നെ​തി​രെ ബോ​ധ​വ​ത്ക​ര​ണം ന​ട​ത്ത​ണം