ഈരാറ്റുപേട്ട -വാഗമൺ റോഡ് ഉദ്ഘാടനം ഏഴിന്

ഈ​രാ​റ്റു​പേ​ട്ട: ന​വീ​ക​രി​ച്ച ഈ​രാ​റ്റു​പേ​ട്ട -വാ​ഗ​മ​ൺ റോ​ഡ്​ ഏ​ഴി​ന് വൈ​കീ​ട്ട്​ നാ​ലി​ന്​ മ​ന്ത്രി പി.​എ. മു​ഹ​മ്മ​ദ് റി​യാ​സ് ഉ​ദ്ഘാ​ട​നം ചെ​യ്യും. ഈ​രാ​റ്റു​പേ​ട്ട സെ​ൻ​ട്ര​ൽ ജ​ങ്​​ഷ​നി​ൽ ന​ട​ക്കു​ന്ന ച​ട​ങ്ങി​ൽ മ​ന്ത്രി വി.​എ​ൻ. വാ​സ​വ​ൻ അ​ധ്യ​ക്ഷ​ത വ​ഹി​ക്കും. ബി.​എം ആ​ൻ​ഡ് ബി.​സി നി​ല​വാ​ര​ത്തി​ൽ റീ ​ടാ​റി​ങ് ചെ​യ്ത്​ സൈ​ഡ് കോ​ൺ​ക്രീ​റ്റി​ങ്, ഓ​ട നി​ർ​മാ​ണം, ക​ലു​ങ്ക് നി​ർ​മാ​ണം, സം​ര​ക്ഷ​ണ​ഭി​ത്തി​ക​ൾ തു​ട​ങ്ങി​യ​വ പൂ​ർ​ത്തീ​ക​രി​ച്ചാ​ണ് റോ​ഡ്​ ആ​ധു​നി​ക നി​ല​വാ​ര​ത്തി​ലേ​ക്ക് ഉ​യ​ർ​ത്തി​യ​ത്. ഇ​തി​ന്​ 20 കോ​ടി രൂ​പ അ​നു​വ​ദി​ച്ചി​രു​ന്നു. കൂ​ടു​ത​ൽ സ്ഥ​ലം ഏ​റ്റെ​ടു​ത്ത് വീ​തി കൂ​ട്ടി, റീ ​ടാ​ർ ചെ​യ്യാ​ൻ 64 കോ​ടി കി​ഫ്ബി മു​ഖേ​ന​യും അ​നു​വ​ദി​ച്ചി​ട്ടു​ണ്ട്. ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്ട് സൊ​സൈ​റ്റി​ക്കാ​യി​രു​ന്നു നി​ർ​മാ​ണ ചു​മ​ത​ല. 2021 ഫെ​ബ്രു​വ​രി​യി​ൽ പ​ണി തു​ട​ങ്ങി​യെ​ങ്കി​ലും ആ​ദ്യം ക​രാ​ർ ഏ​റ്റെ​ടു​ത്ത ക​മ്പ​നി സ​മ​യ​ബ​ന്ധി​ത​മാ​യി പ്ര​വൃ​ത്തി പൂ​ർ​ത്തീ​ക​രി​ക്കു​ന്ന​തി​ൽ വീ​ഴ്ച വ​രു​ത്തി​യ​തി​നാ​ൽ അ​വ​രെ ഒ​ഴി​വാ​ക്കി. തു​ട​ർ​ന്നാ​ണ് ടെ​ൻ​ഡ​റി​ൽ മു​ന്നി​ലെ​ത്തി​യ ഊ​രാ​ളു​ങ്ക​ലി​ന് പ്ര​വൃ​ത്തി കൈ​മാ​റി​യ​ത്. ആ​ദ്യ​ഘ​ട്ട​മാ​യി തീ​ക്കോ​യി -വാ​ഗ​മ​ൺ ഭാ​ഗം യു​ദ്ധ​കാ​ലാ​ടി​സ്ഥാ​ന​ത്തി​ൽ പു​ന​ർ​നി​ർ​മി​ച്ചു. വാ​ഗ​മ​ൺ വ​രെ ശേ​ഷി​ക്കു​ന്ന ഭാ​ഗ​ത്ത് ഒ​ന്നാം​ഘ​ട്ട ബി.​എം ടാ​റി​ങ്ങും തു​ട​ർ​ന്ന് ര​ണ്ടാം​ഘ​ട്ട ഉ​പ​രി​ത​ല ടാ​റി​ങ്ങും വേ​ഗ​ത്തി​ൽ പൂ​ർ​ത്തീ​ക​രി​ച്ചു. വീ​തി കു​റ​ഞ്ഞ​തും മ​ഴ വെ​ള്ള​പ്പാ​ച്ചി​ലി​ൽ ത​ക​രാ​ൻ സാ​ധ്യ​ത​യു​ള്ള​തു​മാ​യ ഇ​ട​ങ്ങ​ളി​ൽ റോ​ഡി​ന് ഇ​രു​വ​ശ​ങ്ങ​ളി​ലും മ​റ്റി​ട​ങ്ങ​ളി​ൽ ഒ​രു വ​ശ​ത്തും ഉ​പ​രി​ത​ല ഓ​ട​ക​ൾ നി​ർ​മി​ച്ചു. ആ​വ​ശ്യ​മാ​യ സ്ഥ​ല​ങ്ങ​ളി​ൽ സം​ര​ക്ഷ​ണ ഭി​ത്തി​യു​ടെ പു​ന​ർ​നി​ർ​മാ​ണം, തെ​ർ​മോ പ്ലാ​സ്റ്റി​ക് റോ​ഡ് മാ​ർ​ക്കി​ങ്, റോ​ഡ് സ്റ്റ​ഡ്സ്, ദി​ശാ​ബോ​ർ​ഡു​ക​ൾ, വി​വി​ധ ത​ര​ത്തി​ലു​ള്ള സു​ര​ക്ഷ മു​ന്ന​റി​യി​പ്പ് ബോ​ർ​ഡു​ക​ൾ എ​ന്നി​വ​യും ഒ​രു​ക്കി​യി​ട്ടു​ണ്ട്.