എരുമേലി സാമൂഹിക ആരോഗ്യകേന്ദ്രത്തിൽ കിടത്തിച്ചികിത്സയില്ല; ഉടൻ ആരംഭിക്കുമെന്ന് അധികൃതർ

എ​രു​മേ​ലി: എ​രു​മേ​ലി സാ​മൂ​ഹി​ക ആ​രോ​ഗ്യ കേ​ന്ദ്ര​ത്തി​ൽ സ്ഥി​ര​മാ​യി കി​ട​ത്തി​ച്ചി​കി​ത്സ വേ​ണ​മെ​ന്ന് ആ​വ​ശ്യം. ക​ഴി​ഞ്ഞ ദി​വ​സം എ​രു​മേ​ലി ഗ്രാ​മ​പ​ഞ്ചാ​യ​ത്ത് ഹാ​ളി​ൽ ചേ​ർ​ന്ന അ​വ​ലോ​ക​ന യോ​ഗ​ത്തി​ലാ​ണ് ആ​വ​ശ്യം ഉ​യ​ർ​ന്ന​ത്. തീ​ർ​ഥാ​ട​ക​രു​ടെ​യും സാ​ധാ​ര​ണ​ക്കാ​രു​ടെ​യും ഏ​ക ആ​ശ്ര​യ​മാ​യ എ​രു​മേ​ലി സ​ർ​ക്കാ​ർ ആ​ശു​പ​ത്രി​യി​ൽ രാ​ത്രി ചി​കി​ത്സ​യും കി​ട​ത്തി​ച്ചി​കി​ത്സ​യും വേ​ണ​മെ​ന്നും ആ​വ​ശ്യ​ത്തി​ന് ഡോ​ക്ട​ർ​മാ​രു​ടെ സേ​വ​നം ല​ഭ്യ​മാ​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു.

എ​ന്നാ​ൽ കി​ട​ത്തി​ച്ചി​കി​ത്സ ഉ​ട​ൻ ആ​രം​ഭി​ക്കു​മെ​ന്ന് ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ്​ ടി.​എ​സ്. കൃ​ഷ്ണ​കു​മാ​ർ അ​റി​യി​ച്ചു. ഒ.​പി വി​ഭാ​ഗ​ത്തി​ൽ മാ​ത്രം മു​ന്നൂ​റി​ല​ധി​കം രോ​ഗി​ക​ൾ ദി​നം​പ്ര​തി എ​ത്തു​ന്നു​ണ്ട്. രാ​വി​ലെ ഒ​മ്പ​ത് മു​ത​ൽ ഉ​ച്ച​ക്ക്​ ര​ണ്ടു​വ​രെ ഒ.​പി പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും പ​ല​പ്പോ​ഴും ഡോ​ക്ട​ർ​മാ​രു​ടെ കു​റ​വ് രോ​ഗി​ക​ളെ ബു​ദ്ധി​മു​ട്ടി​ലാ​ക്കാ​റു​ണ്ട്. ഉ​ച്ച​യ്ക്ക് ര​ണ്ടു മു​ത​ൽ വൈ​കി​ട്ട് ആ​റു വ​രെ അ​ത്യാ​ഹി​ത വി​ഭാ​ഗ​ത്തി​ൽ ഒ​രു ഡോ​ക്ട​റി​ന്റെ സേ​വ​ന​വും ല​ഭ്യ​മാ​ണ്. എ​ന്നാ​ൽ, വൈ​കു​ന്നേ​ര​ത്തോ​ടെ ആ​ശു​പ​ത്രി അ​ട​ച്ചു​പൂ​ട്ടി​യി​ടു​ന്ന അ​വ​സ്ഥ​യാ​ണ് നി​ല​വി​ലു​ള്ള​ത്.

23 വാ​ർ​ഡു​ക​ളു​ള്ള എ​രു​മേ​ലി ഗ്രാ​മ​പ​ഞ്ചാ​യ​ത്തി​ന്റെ വി​വി​ധ പ്ര​ദേ​ശ​ങ്ങ​ളി​ലെ​യും സ​മീ​പ പ​ഞ്ചാ​യ​ത്തു​ക​ളി​ലെ​യും രോ​ഗി​ക​ൾ ആ​ശ്ര​യി​ക്കു​ന്ന സ​ർ​ക്കാ​ർ ആ​ശു​പ​ത്രി​യി​ൽ കി​ട​ത്തി ചി​കി​ത്സ നി​ർ​ത്തി​വെ​ച്ച​തോ​ടെ സ്വ​കാ​ര്യ ആ​ശു​പ​ത്രി​യെ​യും കി​ലോ​മീ​റ്റ​ർ അ​ക​ലെ​യു​ള്ള കാ​ഞ്ഞി​ര​പ്പ​ള്ളി ജ​ന​റ​ൽ ആ​ശു​പ​ത്രി​യെ​യും ആ​ശ്ര​യി​ക്ക​ണം. ഒ​രു അ​പ​ക​ടം ഉ​ണ്ടാ​യാ​ൽ പോ​ലും രോ​ഗി​ക​ളു​മാ​യി കി​ലോ​മീ​റ്റ​ർ ഓ​ടേ​ണ്ട അ​വ​സ്ഥ​യാ​ണ് നാ​ട്ടു​കാ​ർ​ക്ക്. എ​രു​മേ​ലി സാ​മൂ​ഹി​ക ആ​രോ​ഗ്യ​കേ​ന്ദ്ര​ത്തി​ൽ ആ​ധു​നി​ക സ​ജ്ജീ​ക​ര​ണം ഒ​രു​ക്കി ആ​വ​ശ്യ​ത്തി​ന് ഡോ​ക്ട​ർ​മാ​രെ​യും മ​റ്റ് ജീ​വ​ന​ക്കാ​രെ​യും നി​യ​മി​ച്ച് ആ​ശു​പ​ത്രി 24 മ​ണി​ക്കൂ​റും പ്ര​വ​ർ​ത്തി​പ്പി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യം.