പിതാവി‍ന്റെ മരണം: മകൻ അറസ്റ്റിൽ

എരുമേലി: പിതാവ് മരിച്ച കേസിൽ മകൻ അറസ്റ്റിൽ. എരുമേലി കണമല ഭാഗത്ത് വള്ളിമല വീട്ടിൽ രതീഷാണ് (39) അറസ്റ്റിലായത്. പിതാവ് പൊന്നപ്പൻ ശാരീരിക അസ്വസ്ഥതയെത്തുടർന്ന് ആശുപത്രിയിൽ എത്തിക്കുമ്പോഴേക്കും മരിക്കുകയായിരുന്നു. സംഭവത്തിനുമുമ്പ് മുമ്പ് മകനും പിതാവും തമ്മിൽ വഴക്കും പിടിവലിയും ഉണ്ടായിരുന്നു. ഇതേതുടർന്നാണ് ഇയാൾക്ക് ശാരീരിക അസ്വസ്ഥത അനുഭവപ്പെട്ടത്. ബന്ധുവി‍െൻറ പരാതിയിലാണ് കേസ് രജിസ്റ്റർ ചെയ്തത്.

എസ്.എച്ച്.ഒ അനിൽകുമാർ, എസ്.ഐമാരായ ശാന്തി, അസീസ്, സുരേഷ് കെ. ബാബു, എ.എസ്.ഐമാരായ രാജേഷ്, റിയാസുദ്ദീൻ, സി.പി.ഒ സിജി കുട്ടപ്പൻ എന്നിവർ ചേർന്നാണ് ഇയാളെ അറസ്റ്റ് ചെയ്തത്.