എരുമേലി ടൗണിൽ ഓട്ടോ പാർക്കിങ്ങിന് സ്ഥലം നമ്പറിട്ട് നൽകും

എ​രു​മേ​ലി: ടൗ​ണി​ല്‍ ഓ​ട്ടോ സ്റ്റാ​ന്‍ഡ് നി​ശ്ച​യി​ച്ച് വെ​ള്ള വ​ര​ക​ള്‍ വ​ര​ച്ച്​ പാ​ര്‍ക്കി​ങ് ഏ​രി​യ തി​രി​ച്ച് ന​ല്‍കാ​ന്‍ എ​രു​മേ​ലി​യി​ല്‍ ചേ​ര്‍ന്ന യോ​ഗ​ത്തി​ല്‍ തീ​രു​മാ​നം. എ​രു​മേ​ലി​യി​ലെ ഓ​ട്ടോ തൊ​ഴി​ലാ​ളി, വ്യാ​പാ​രി പ്ര​തി​നി​ധി​ക​ളെ ഉ​ള്‍പ്പെ​ടു​ത്തി സെ​ബാ​സ്റ്റ്യ​ന്‍ കു​ള​ത്തു​ങ്ക​ല്‍ എം.​എ​ല്‍.​എ​യു​ടെ നേ​തൃ​ത്വ​ത്തി​ല്‍ ന​ട​ത്തി​യ ച​ര്‍ച്ച​യി​ലാ​ണ് തീ​രു​മാ​നം.

എ​രു​മേ​ലി ടൗ​ണി​ല്‍ ഓ​ട്ടോ പാ​ര്‍ക്കി​ങ്ങു​മാ​യി ബ​ന്ധ​പ്പെ​ട്ട് ഉ​ണ്ടാ​യി​ട്ടു​ള്ള പ്ര​തി​സ​ന്ധി​ക​ള്‍ ച​ര്‍ച്ച ചെ​യ്യാ​നും പ​രി​ഹ​രി​ക്കാ​നു​മാ​ണ് യോ​ഗം വി​ളി​ച്ച​ത്. വീ​തി കു​റ​ഞ്ഞ റോ​ഡി​ന്റെ ഓ​ര​ങ്ങ​ളി​ലാ​ണ് നി​ല​വി​ല്‍ ഓ​ട്ടോ​ക​ള്‍ പാ​ര്‍ക്ക് ചെ​യ്യു​ന്ന​ത്. എ​ന്നാ​ല്‍ ചി​ല വ്യാ​പാ​രി​ക​ള്‍ കോ​ട​തി​യെ സ​മീ​പി​ച്ച് ടൗ​ണി​ലെ കു​റ​ച്ച് ഭാ​ഗ​ങ്ങ​ളി​ലെ ഓ​ട്ടോ പാ​ര്‍ക്കി​ങ് ത​ട​ഞ്ഞി​രു​ന്നു. സ്ഥ​ല പ​രി​മി​തി​യി​ല്‍ ന​ട്ടം​തി​രി​യു​ന്ന എ​രു​മേ​ലി​യി​ല്‍ ഓ​ട്ടോ - ടാ​ക്‌​സി സ്റ്റാ​ന്‍ഡ് വേ​ണ​മെ​ന്ന ആ​വ​ശ്യ​വും ഇ​തോ​ടെ ശ​ക്ത​മാ​യി.

ശ​നി​യാ​ഴ്ച പ​ഞ്ചാ​യ​ത്ത് ഹാ​ളി​ല്‍ ചേ​ര്‍ന്ന യോ​ഗ​ത്തി​ലാ​ണ് ഓ​ട്ടോ പാ​ര്‍ക്കി​ങ്ങി​ന് സ്ഥ​ലം തി​രി​ച്ച് കൊ​ടു​ക്കാ​ന്‍ തീ​രു​മാ​ന​മാ​യ​ത്. പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ല്‍ പൊ​ലീ​സ്, മോ​ട്ടോ​ര്‍ വാ​ഹ​ന വ​കു​പ്പ് എ​ന്നി​വ​രു​ടെ സ​ഹ​ക​ര​ണ​ത്തോ​ടെ മ​റ്റ് വ​കു​പ്പു​ക​ളെ ഉ​ള്‍പ്പെ​ടു​ത്തി വേ​ണം ഇ​ത് ന​ട​പ്പാ​ക്കാ​ന്‍. ഇ​തി​നാ​യി പ​ഞ്ചാ​യ​ത്ത് ക​മ്മി​റ്റി​യി​ല്‍ ച​ര്‍ച്ച ചെ​യ്ത് തീ​രു​മാ​ന​മെ​ടു​ക്കും.

എ​രു​മേ​ലി ടൗ​ണി​ലും സ​മീ​പ​ങ്ങ​ളി​ലു​മാ​യു​ള്ള അ​ഞ്ച് ഓ​ട്ടോ സ്റ്റാ​ന്‍ഡു​ക​ളി​ലും വെ​ള്ള വ​ര​ക​ള്‍ വ​ര​ച്ച് പാ​ര്‍ക്കി​ങ് ഏ​രി​യ കൃ​ത്യ​മാ​യി തി​രി​ച്ച് പ​ഞ്ചാ​യ​ത്ത് വ​ക ഓ​ട്ടോ സ്റ്റാ​ന്‍ഡ് എ​ന്ന ബോ​ര്‍ഡ് വെ​ച്ച് സ്റ്റാ​ന്‍ഡു​ക​ള്‍ക്ക് ന​മ്പ​റി​ട​ണം. ഈ ​സ്റ്റാ​ന്‍ഡി​ല്‍ ഓ​ടു​ന്ന ഓ​ട്ടോ​ക​ൾ​ക്ക് ന​മ്പ​രി​ട്ട് പ​ഞ്ചാ​യ​ത്ത് പെ​ര്‍മി​റ്റ് ന​ല്‍കും. സ്റ്റാ​ന്‍ഡ് പെ​ര്‍മി​റ്റ് ല​ഭി​ച്ച​വ​ര്‍ക്ക് മാ​ത്ര​മേ സ്റ്റാ​ന്‍ഡി​ല്‍ കി​ട​ന്ന് ഓ​ടാ​ന്‍ അ​നു​വാ​ദം ന​ല്‍കാ​ന്‍ പാ​ടു​ള്ളു.

പു​തു​താ​യി എ​ത്തു​ന്ന​വ​ര്‍ പ​ഞ്ചാ​യ​ത്തി​ല്‍ അ​പേ​ക്ഷ സ​മ​ര്‍പ്പി​ച്ച് പെ​ര്‍മി​റ്റ് എ​ടു​ക്ക​ണം. വ്യാ​പാ​രി​ക​ളു​മാ​യി സ​ഹ​ക​രി​ച്ചു വേ​ണം ഇ​ത് ന​ട​പ്പാ​ക്കാ​ന്‍. എം.​എ​ല്‍.​എ​യു​ടെ നേ​തൃ​ത്വ​ത്തി​ല്‍ മ​റ്റ് വ​കു​പ്പ് ഉ​ദ്ദ്യോ​ഗ​സ്ഥ​രും ഓ​ട്ടോ തൊ​ഴി​ലാ​ളി​ക​ളും വ്യാ​പാ​രി​ക​ളും ജ​ന​പ്ര​തി​നി​ധി​ക​ളും സ്ഥ​ല​ങ്ങ​ള്‍ സ​ന്ദ​ര്‍ശി​ച്ച് പ​രി​ശോ​ധ​ന ന​ട​ത്തി അ​ഭി​പ്രാ​യ​ങ്ങ​ള്‍ കേ​ള്‍ക്കും.

പ​ഞ്ചാ​യ​ത്ത് പ്ര​സി​ഡ​ന്റ് ജി​ജി​മോ​ള്‍ സ​ജി, സെ​ക്ര​ട്ട​റി മ​ണി​യ​പ്പ​ന്‍, പ​ഞ്ചാ​യ​ത്തം​ഗ​ങ​ളാ​യ നാ​സ​ര്‍ പ​ന​ച്ചി, ലി​സി സ​ജി, പൊ​ലീ​സ്, മോ​ട്ടോ​ര്‍ വാ​ഹ​ന​വ​കു​പ്പ് ഉ​ദ്യോ​ഗ​സ്ഥ​രും വ്യാ​പാ​രി വ്യ​വ​സാ​യി പ്ര​തി​നി​ധി​ക​ളും പ​ങ്കെ​ടു​ത്തു.