പേ​രൂ​ർ​ത്തോ​ട്-​മു​പ്പ​ത്ത​ഞ്ച് റോഡ് തകർന്നു; ബസ് സർവിസുകൾ നിർത്തുന്നു

എ​രു​മേ​ലി: റോ​ഡി​ന്‍റെ ത​ക​ർ​ച്ച​യെ തു​ട​ർ​ന്ന് എ​രു​മേ​ലി-​തു​മ​രം​പാ​റ-​എ​ലി​വാ​ലി​ക്ക​ര റൂ​ട്ടി​ൽ ബ​സു​ക​ൾ അ​നി​ശ്ചി​ത​കാ​ല​ത്തേ​ക്ക് സ​ർ​വി​സ് നി​ർ​ത്തു​ന്നു. എ​രു​മേ​ലി-​മു​ണ്ട​ക്ക​യം റോ​ഡി​ൽ​നി​ന്ന്​ പ​മ്പാ പാ​ത​യി​ലേ​ക്ക് വേ​ഗ​ത്തി​ൽ എ​ത്താ​നാ​കു​ന്ന സ​മാ​ന്ത​ര​പാ​ത​യാ​യ പേ​രൂ​ർ​ത്തോ​ട്-​മു​പ്പ​ത്ത​ഞ്ച് റോ​ഡാ​ണ് പൊ​ട്ടി​പ്പൊ​ളി​ഞ്ഞ് യാ​ത്ര ദു​ഷ്ക​ര​മാ​യ​ത്. റോ​ഡി​ന്‍റെ ച​പ്പാ​ത്ത് മു​ത​ൽ 35-ാം മൈ​ൽ വ​രെ​യു​ള്ള ര​ണ്ട് കി​ലോ​മീ​റ്റ​റാ​ണ്​ ത​ക​ർ​ന്നി​രി​ക്കു​ന്ന​ത്. ആ​യി​ര​ക്ക​ണ​ക്കി​ന്​ പ്ര​ദേ​ശ​വാ​സി​ക​ളും തീ​ർ​ഥാ​ട​ക​രു​മാ​ണ് ഈ ​റോ​ഡി​നെ ആ​ശ്ര​യി​ക്കു​ന്ന​ത്. സ്കൂ​ൾ ബ​സു​ക​ളും ഇ​തു​വ​ഴി ക​ട​ന്നു​വ​രാ​ൻ മ​ടി​ക്കു​ന്ന​താ​യി പ്ര​ദേ​വാ​സി​ക​ൾ പ​റ​യു​ന്നു. ജ​ല​വി​ത​ര​ണ കു​ഴ​ലു​ക​ൾ സ്ഥാ​പി​ക്കാ​ൻ വൈ​കു​ന്ന​താ​ണ് റോ​ഡ് ന​വീ​ക​ര​ണ​ത്തി​നു​ള്ള കാ​ര​ണ​മാ​യി പ​റ​ഞ്ഞി​രു​ന്ന​ത്. എ​ന്നാ​ൽ, പൈ​പ്പു​ക​ൾ സ്ഥാ​പി​ച്ചി​ട്ടും പൊ​തു​മ​രാ​മ​ത്ത് വ​കു​പ്പ് റോ​ഡ് ന​വീ​ക​ര​ണം ന​ട​ത്തു​ന്നി​ല്ലെ​ന്നാ​ണ് ആ​ക്ഷേ​പം.

മ​ന്ത്രി മു​ഹ​മ്മ​ദ് റി​യാ​സി​ന്‍റെ ഓ​ഫി​സി​ലേ​ക്കും ടോ​ൾ​ഫ്രീ ന​മ്പ​റി​ലേ​ക്കും വി​ളി​ച്ച് ജ​ന​ങ്ങ​ൾ പ​രാ​തി​പ്പെ​ട്ടി​രു​ന്നു. ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കു​മെ​ന്ന് മ​ന്ത്രി​യു​ടെ ഓ​ഫി​സി​ൽ​നി​ന്നും മ​റു​പ​ടി ല​ഭി​ച്ചി​രു​ന്ന​താ​യും എ​ന്നാ​ൽ, ദി​വ​സ​ങ്ങ​ൾ ക​ഴി​ഞ്ഞും ഉ​ദ്യോ​ഗ​സ്ഥ​ർ ആ​രും​ത​ന്നെ ബ​സ​പ്പെ​ട്ടി​ല്ലെ​ന്നും പ്ര​ദേ​ശ​വാ​സി​ക​ൾ ആ​രോ​പി​ച്ചു. റോ​ഡ്​ ന​വീ​ക​ര​ണ​ത്തി​നാ​യി യാ​തൊ​രു ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്ന് ആ​രോ​പി​ച്ച് കോ​ൺ​ഗ്ര​സ് ഐ ​എ​ലി​വാ​ലി​ക്ക​ര, തു​മ​രം​പാ​റ, ഇ​രു​മ്പൂ​ന്നി​ക്ക​ര വാ​ർ​ഡ് ക​മ്മി​റ്റി​ക​ളു​ടെ ആ​ഭി​മു​ഖ്യ​ത്തി​ൽ ഞാ​യ​റാ​ഴ്ച സം​യു​ക്ത പ്ര​തി​ഷേ​ധ പ​രി​പാ​ടി​ക​ൾ സം​ഘ​ടി​പ്പി​ക്കു​മെ​ന്ന് ഭാ​ര​വാ​ഹി​ക​ൾ അ​റി​യി​ച്ചു. റോ​ഡി​ൽ അ​പ​ക​ട​ങ്ങ​ൾ സം​ഭ​വി​ക്കു​ന്ന​തും പ​തി​വാ​ണ്.