ബൈക്കുകൾ കൂട്ടിയിടിച്ച് യുവാക്കൾക്ക് പരിക്ക്

എരുമേലി: ബൈക്കുകൾ കൂട്ടിയിടിച്ച് യുവാക്കൾക്ക് പരിക്കേറ്റു. എരുമേലി കൊരട്ടി സ്വദേശി അലൻ കെ. അരുൺ, റാന്നി സ്വദേശികളായ ഷിബിൻ, അജിൻ എന്നിവർക്കാണ് പരിക്കേറ്റത്.

അലനെ കാഞ്ഞിരപ്പള്ളി ജനറൽ ആശുപത്രിയിലും മറ്റുള്ളവരെ എരുമേലിയിലെ സ്വകാര്യ ആശുപത്രിയിലും എത്തിച്ചു. വ്യാഴാഴ്ച വൈകീട്ട് 5.30-ഓടെ എരുമേലി ടൗണിന് സമീപത്തായിരുന്നു അപകടം.

എതിർ ദിശകളിൽ നിന്നെത്തിയ ബൈക്കുകൾ കൂട്ടിയിടിക്കുകയായിരുന്നു. ഓടിയെത്തിയ നാട്ടുകാരാണ് പരിക്കേറ്റവരെ ആശുപത്രിയിലെത്തിച്ചത്.