പ്രളയം: കോടികളുടെ നഷ്​ടം; കണ്ണീരായി കുട്ടനാട്​–അപ്പർകുട്ടനാട്​

കോ​ട്ട​യം: പ്ര​ള​യ​ക്കെ​ടു​തി​യി​ൽ വ​ല​ഞ്ഞ്​​ കു​ട്ട​നാ​ട്, അ​പ്പ​ർ കു​ട്ട​നാ​ട്​ മേ​ഖ​ല​യി​ലെ ആ​യി​ര​ക്ക​ണ​ക്കി​ന്​ കു​ടും​ബ​ങ്ങ​ൾ. ഇ​തി​ൽ ബ​ഹു​ഭൂ​രി​പ​ക്ഷ​വും ക​ർ​ഷ​ക​ർ. ഓ​രോ പ്ര​ള​യ​വും അ​വ​ർ​ക്ക്​ ക​ണ്ണീ​ർ​ക്കാ​ല​മാ​ണ്. ഓ​രോ പ്ര​ള​യ​വും സൃ​ഷ്​​ടി​ക്കു​ന്ന ദു​രി​ത​ങ്ങ​ളെ എ​ങ്ങ​നെ അ​തി​ജീ​വി​ക്ക​ണ​മെ​ന്നു​പോ​ലും അ​റി​യാ​ത്ത അ​വ​സ്ഥ​യി​ലാ​ണ്​​ കു​ട്ട​നാ​ട്ടു​കാ​ർ.

ഇ​ത്ത​വ​ണ​യും പ്ര​ള​യം ആ​യി​ര​ങ്ങ​ളെ ക​ണ്ണീ​രി​ലാ​ക്കി. കി​ഴ​ക്ക​ൻ മേ​ഖ​ല​ക​ളി​ൽ മ​ഴ പെ​യ്​​താ​ൽ, അ​ത്​ ഒ​ന്നോ ര​ണ്ടോ ദി​വ​സം നീ​ണ്ടാ​ൽ പി​ന്നെ പ​ലാ​യ​ന​ത്തി​നൊ​രു​ങ്ങു​ക​യാ​ണ്​ ഇൗ ​മേ​ഖ​ല​യി​ലു​ള്ള​വ​ർ. വീ​ടും വീ​ട്ടു​സാ​മ​ഗ്രി​ക​ളും വ​സ്​​ത്ര​ങ്ങ​ളും പാ​ഠ​പു​സ്​​ത​ക​ങ്ങ​ളും കൃ​ഷി​യും വ​ള​ർ​ത്തു​മൃ​ഗ​ങ്ങ​ളും എ​ല്ലാം ഉ​പേ​ക്ഷി​ച്ചാ​ണ്​ പ​ലാ​യ​നം. അ​ത്​ ദി​വ​സ​ങ്ങ​ൾ നീ​േ​ണ്ട​ക്കാം. മ​ട​ക്കം വെ​റും​കൈ​യോ​ടെ​യും. വ​ള​ര്‍ത്തു​മൃ​ഗ​ങ്ങ​ളെ കെ​ട്ട​ഴി​ച്ചു വി​ട്ട​ശേ​ഷം ജീ​വ​നു​മാ​യി വീ​ടൊ​ഴി​യു​ന്ന​വ​രു​ടെ പെ​ടാ​പ്പാ​ടും ഈ ​ദി​വ​സ​ങ്ങ​ളി​ലെ സ​ങ്ക​ട​ക്കാ​ഴ്​​ച​യാ​ണ്.

നൂ​റു​ക​ണ​ക്കി​ന്​ വ​ള​ർ​ത്തു​മൃ​ഗ​ങ്ങ​ൾ മ​ല​വെ​ള്ള​ത്തി​ൽ ച​ത്തൊ​ടു​ങ്ങി. കോ​ട്ട​യം, പ​ത്ത​നം​തി​ട്ട, ആ​ല​പ്പു​ഴ ജി​ല്ല​ക​ള്‍ അ​തി​രി​ടു​ന്ന കു​ട്ട​നാ​ട്​-​അ​പ്പ​ർ കു​ട്ട​നാ​ട്​ മേ​ഖ​ല​യി​ൽ 90 ശ​ത​മാ​നം വീ​ടു​ക​ളും വെ​ള്ള​ത്തി​ലാ​ണ്. നാ​ലു​ദി​വ​സം നീ​ണ്ട മ​ഴ​യും വെ​ള്ള​പ്പൊ​ക്ക​വും മു​ന്നൂ​റി​ല​ധി​കം പാ​ട​ശേ​ഖ​ര​ങ്ങ​ളെ​യാ​ണ്​ ഇ​ല്ലാ​താ​ക്കി​യ​ത്. കി​ഴ​ക്ക​ൻ ​േ​മ​ഖ​ല​യി​ൽ​നി​ന്നു​ള്ള മ​ല​വെ​ള്ളം പാ​ട​ശേ​ഖ​ര​ങ്ങ​ളെ മു​ക്കി​ക്ക​ള​യും. കു​ത്തൊ​ഴു​ക്കി​ൽ മ​ട​വീ​ഴ്ച​യും പ​തി​വാ​ണ്. ഇ​ത്ത​വ​ണ മാ​ത്രം 12,000 ഏ​ക്ക​ര്‍ വി​രി​പ്പു​കൃ​ഷി മു​ങ്ങി​ന​ശി​ച്ചു.

ഉ​രു​ൾ​പൊ​ട്ടി​യെ​ത്തു​ന്ന​ത​ട​ക്കം ക​ല്ലും മ​ണ്ണും മാ​ലി​ന്യ​ങ്ങ​ളും അ​ടി​യു​ന്ന​തും ഈ ​പാ​ട​ശേ​ഖ​ര​ങ്ങ​ളി​ലാ​ണ്. ക​ഴി​ഞ്ഞ വി​ള​വെ​ടു​പ്പി​ൽ ല​ഭി​ച്ച നേ​രി​യ വ​രു​മാ​ന​മെ​ല്ലാം കു​ത്തൊ​ഴു​ക്കി​ൽ ഒ​ലി​ച്ചു​പോ​യി. നെ​ല്ലു​വി​റ്റ വ​ക​യി​ൽ പ​ല​ർ​ക്കും വ​ൻ​തു​ക കി​ട്ടാ​നു​ണ്ട്. സ​പ്ലൈ​കോ​യു​ടെ നെ​ല്ല്​ സം​ഭ​ര​ണ​ത്തി​ലും ക​ർ​ഷ​ക​ർ​ക്ക്​ അ​തൃ​പ്​​തി​യു​ണ്ട്.

ല​ക്ഷ​ക്ക​ണ​ക്കി​ന്​ രൂ​പ ഇ​നി​യും ഈ ​വ​ക​യി​ൽ ക​ർ​ഷ​ക​ർ​ക്ക്​ ല​ഭി​ക്ക​ണം. കൃ​ഷി​ക്കാ​ർ ക​ടം ക​യ​റി മു​ടി​ഞ്ഞ​തോ​ടെ തൊ​ഴി​ലാ​ളി​ക​ളും പ​ട്ടി​ണി​യി​ലാ​യി. ഇ​ത്ത​വ​ണ മീ​ന്‍പാ​ട​ങ്ങ​ളി​ലും കു​ള​ങ്ങ​ളി​ലും ഇ​റ​ക്കി​യ ല​ക്ഷ​ക്ക​ണ​ക്കി​ന്​ മ​ത്സ്യ​ങ്ങ​ളും ഒ​ഴു​കി​പ്പോ​യി. ഇ​തും ല​ക്ഷ​ങ്ങ​ളു​ടെ ന​ഷ്​​ടം വ​രു​ത്തി.

വൈ​ക്കം, മ​​ങ്കൊ​മ്പ്, കൈ​ന​ടി, കൈ​ന​ക​രി, രാ​മ​ങ്ക​രി, കി​ട​ങ്ങ​റ, കു​മ​ര​കം, ആ​ര്‍പ്പൂ​ക്ക​ര, അ​യ്മ​നം പ്ര​ദേ​ശ​ങ്ങ​ളി​ല്‍ നൂ​റു​ക​ണ​ക്കി​ന്​ പാ​ട​ശേ​ഖ​ര​ങ്ങ​ളി​ല്‍ മ​ത്സ്യ​കൃ​ഷി ന​ട​ത്തി​യി​രു​ന്നു.

നെ​ൽ​കൃ​ഷി ഉ​പേ​ക്ഷി​ച്ച്​ മ​ത്സ്യ​കൃ​ഷി തു​ട​ങ്ങി​യ​വ​ര്‍ ഏ​റെ​യാ​ണ്. ച​ളി​മ​ണ്ണ് കോ​രി ന​ട്ടു​വ​ള​ര്‍ത്തി​യ തെ​ങ്ങി​ൻ​തൈ​ക​ളും ഫ​ല വൃ​ക്ഷ​ങ്ങ​ളും വെ​ള്ള​ക്കെ​ട്ടി​ല്‍ മു​ങ്ങി ചീ​യു​ക​യാ​ണ്. തെ​ങ്ങു​ക​ള്‍ക്ക് മ​ഞ്ഞ​ളി​പ്പു​രോ​ഗ​വും ക​ർ​ഷ​ക​ർ​ക്ക്​ തി​രി​ച്ച​ടി​യാ​യി. ഓ​ണ​വി​പ​ണി മു​ന്നി​ല്‍ക്ക​ണ്ട് വാ​ഴ​യും ക​പ്പ​യും പ​ച്ച​ക്ക​റി​യും കൃ​ഷി ചെ​യ്​​ത​വ​രും പ്ര​തി​സ​ന്ധി നേ​രി​ടു​ക​യാ​ണ്. ക​ഴി​ഞ്ഞ പ്ര​ള​യ​ത്തി​ൽ എ​ല്ലാം ന​ഷ്​​ട​പ്പെ​ട്ട​വ​ർ​ക്ക്​ ഇ​നി​യും കാ​ര്യ​മാ​യ സ​ഹാ​യ​മൊ​ന്നും സ​ർ​ക്കാ​റി​ൽ​നി​ന്ന്​ ല​ഭി​ച്ചി​രു​ന്നി​ല്ല.

വീ​ടും കി​ട​പ്പാ​ട​വും പ്ര​ള​യ​ത്തി​ല്‍ അ​ന്യ​മാ​യ​വ​ർ ഇ​പ്പോ​ൾ ക്യാ​മ്പു​ക​ളി​ലാ​ണ്. ബോ​ട്ടു​ക​ളി​ലും ടി​പ്പ​റി​ലും സു​ര​ക്ഷാ കേ​ന്ദ്ര​ങ്ങ​ളി​ലേ​ക്കു​ള്ള പ്ര​യാ​ണ​ത്തി​ലാ​ണ് ഇ​പ്പോ​ൾ കു​ട്ട​നാ​ട്ടു​കാ​ർ. ച​ങ്ങ​നാ​ശ്ശേ​രി​യി​ൽ മാ​ത്രം എ​ത്തി​യ​ത്​ ആ​യി​ര​ങ്ങ​ളാ​ണ്. മ​ട​ങ്ങി​യെ​ത്തു​മ്പോ​ള്‍ സ്വ​ന്തം എ​ന്നു​പ​റ​യാ​ന്‍ ഒ​ന്നു​മി​ല്ലാ​ത്ത ജീ​വി​ത​മാ​കും പ്ര​ള​യ​ങ്ങ​ളു​ടെ നീ​ക്കി​യി​രി​പ്പ്.

കു​ട്ട​നാ​ട്ടി​ലെ വീ​ടു​ക​ളി​ൽ​നി​ന്ന്​ ച​ങ്ങ​നാ​ശ്ശേ​രി​യി​ലെ ബ​ന്ധു​വീ​ടു​ക​ളി​ൽ താ​ൽ​ക്കാ​ലി​ക താ​മ​സ​ത്തി​നെ​ത്തു​ന്ന​വ​രെ വെ​ള്ള​ക്കെ​ട്ടാ​യ ആ​ല​പ്പു​ഴ-​ച​ങ്ങ​നാ​ശ്ശേ​രി റോ​ഡി​ലൂ​ടെ ടി​പ്പ​റി​ൽ ക​യ​റ്റി കൊണ്ടുപോകുന്നു