കോ​ട്ട​യത്ത് നാല്​​​ സർക്കാർ ഡോക്ടർമാർ സ്വകാര്യ ക്ലിനിക്​ നടത്തുന്നതായി കണ്ടെത്തൽ

കോ​ട്ട​യം: ജി​ല്ല​യി​ലെ സ​ർ​ക്കാ​ർ സ​ർ​വീ​സി​ലു​ള്ള നാ​ല്​​ പ്ര​ധാ​ന​പ്പെ​ട്ട ഡോ​ക്ട​ർ​മാ​ർ സ്വ​കാ​ര്യ ക്ലി​നി​ക്​ ന​ട​ത്തു​ന്ന​താ​യി ക​ണ്ടെ​ത്ത​ൽ. സം​സ്ഥാ​ന വ്യാ​പ​ക​മാ​യി വി​ജി​ല​ൻ​സ്​ ന​ട​ത്തി​യ ‘ഓ​പ​റേ​ഷ​ൻ ​പ്രൈ​വ​റ്റ്​ പ്രാ​ക്ടീ​സ്​’ മി​ന്ന​ൽ പ​രി​ശോ​ധ​ന​യി​ലാ​ണ്​ ക​ണ്ടെ​ത്ത​ൽ. മെ​ഡി​ക്ക​ൽ​കോ​ള​ജി​​ലെ ഒ​ന്നും സ​ർ​ക്കാ​ർ സ​ർ​വീ​സി​ലെ മ​റ്റ്​ മൂ​ന്ന്​ ഡോ​ക്ട​ർ​മാ​രു​മാ​ണ്​ ഇ​വ​ർ. മെ​ഡി​ക്ക​ൽ വി​ദ്യാ​ഭ്യാ​സ വ​കു​പ്പി​ന്റെ കീ​ഴി​ൽ പ്ര​വ​ർ​ത്തി​ക്കു​ന്ന മെ​ഡി​ക്ക​ൽ കോ​ള​ജു​ക​ളി​ലെ ഡോ​ക്ട​ർ​മാ​രു​ടെ സ്വ​കാ​ര്യ പ്രാ​ക്ടീ​സ് പൂ​ർ​ണ​മാ​യും നി​രോ​ധി​ച്ച്​ സ​ർ​ക്കാ​ർ ഉ​ത്ത​ര​വു​ണ്ട്. എ​ന്നാ​ൽ ഈ ​അ​ധി​ക തു​ക കൈ​പ്പ​റ്റി ഒ​രു വി​ഭാ​ഗം മെ​ഡി​ക്ക​ൽ കോ​ളേ​ജ് ഡോ​ക്ട​ർ​മാ​ർ സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന​താ​യി ര​ഹ​സ്യ വി​വ​രം ല​ഭി​ച്ച​തി​നെ തു​ട​ർ​ന്നാ​യി​രു​ന്നു പ​രി​ശോ​ധ​ന.

കൂ​ടാ​തെ ആ​രോ​ഗ്യ വ​കു​പ്പ് ഡ​യ​റ​ക്ട​റു​ടെ കീ​ഴി​ൽ പ്ര​വ​ർ​ത്തി​ക്കു​ന്ന വി​വി​ധ ആ​ശു​പ​ത്രി​ക​ളി​ലെ ഡോ​ക്ട​ർ​മാ​ർ​ക്ക്​ താ​മ​സ സ്ഥ​ല​ത്ത് മാ​ത്ര​മേ സ്വ​കാ​ര്യ പ്രാ​ക്ടീ​സ് ന​ട​ത്താ​ൻ പാ​ടു​ള്ളൂ​വെ​ന്നും, സ്വ​കാ​ര്യ പ്രാ​ക്ടീ​സ് സ്ഥ​ല​ത്ത് ന​ഴ്സി​ന്റെ​യോ, ടെ​ക്നീ​ഷ്യ​ന്റെ​യോ സേ​വ​നം പ്ര​യോ​ജ​ന​പ്പെ​ടു​ത്താ​ൻ പാ​ടി​ല്ലെ​ന്നും, സ​ർ​ക്കാ​ർ ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കു​ന്ന രോ​ഗി​ക​ളെ സ്വ​കാ​ര്യ പ്രാ​ക്ടീ​സ് സ്ഥ​ല​ത്ത് പ​രി​ശോ​ധി​ക്കാ​ൻ പാ​ടി​ല്ലെ​ന്നും മ​റ്റു​മു​ള്ള നി​ബ​ന്ധ​ന​ക​ൾ​ക്ക് വി​ധേ​യ​മാ​യി സ​ർ​ക്കാ​ർ സ്വ​കാ​ര്യ പ്രാ​ക്ടീ​സ് അ​നു​വ​ദി​ച്ചി​ട്ടു​ണ്ട്. എ​ന്നാ​ൽ അ​ത്ത​ര​ത്തി​ലു​ള്ള നി​ബ​ന്ധ​ന​ക​ൾ പാ​ലി​ക്കാ​തെ ആ​രോ​ഗ്യ​വ​കു​പ്പി​ലെ ഒ​രു വി​ഭാ​ഗം ഡോ​ക്ട​ർ​മാ​ർ വാ​ട​ക​ക്കെ​ട്ടി​ട​ങ്ങ​ളി​ലും, വാ​ണി​ജ്യ സ​മു​ച്ച​യ​ങ്ങ​ളി​ലും സ​ർ​ക്കാ​ർ നി​ബ​ന്ധ​ന​ക​ൾ​ക്കെ​തി​രാ​യി സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന​താ​യും വി​ജി​ല​ൻ​സ്​ ക​ണ്ടെ​ത്തി.

ക​ഴി​ഞ്ഞ​ദി​വ​സം വൈ​കു​ന്നേ​രം മു​ത​ൽ ന​ട​ത്തി​യ പ​രി​ശോ​ധ​ന​യി​ലാ​ണ്​ ഈ ​ക​ണ്ടെ​ത്ത​ൽ. സ്വ​കാ​ര്യ പ്രാ​ക്ടീ​സ് പൂ​ർ​ണ​മാ​യും സ​ർ​ക്കാ​ർ നി​രോ​ധി​ച്ചെ​ങ്കി​ലും കോ​ട്ട​യം മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലെ ഒ​രു ഡോ​ക്ട​ർ ഇ​ത്​ തു​ട​രു​ന്ന​താ​യി ക​ണ്ടെ​ത്തി. ആ​രോ​ഗ്യ വ​കു​പ്പി​ന്​ കീ​ഴി​ലെ മൂ​ന്ന്​ ഡോ​ക്ട​ർ​മാ​രും സ​ർ​ക്കാ​ർ ഉ​ത്ത​ര​വി​ലെ നി​ബ​ന്ധ​ന​ക​ൾ​ക്ക് വി​രു​ദ്ധ​മാ​യി സ്വ​കാ​ര്യ പ്രാ​ക്ടീ​സ് ന​ട​ത്തി വ​രു​ന്ന​താ​യും ക​ണ്ടെ​ത്തി.

സം​സ്ഥാ​ന​ത്തെ ആ​രോ​ഗ്യ വ​കു​പ്പി​നു കീ​ഴി​ലെ ഡോ​ക്ട​ർ​മാ​ർ സ്വ​ന്തം വീ​ടി​നോ​ട് ചേ​ർ​ത്ത് സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന​തി​ന് സ​ർ​ക്കാ​ർ അ​നു​മ​തി​യു​ണ്ടെ​ങ്കി​ലും ചി​ല ഡോ​ക്ട​ർ​മാ​ർ അ​വ​ർ ജോ​ലി ചെ​യ്യു​ന്ന ആ​ശു​പ​ത്രി പ​രി​സ​ര​ത്ത് വാ​ട​ക മു​റി​ക​ളും വാ​ണി​ജ്യ കെ​ട്ടി​ട​ങ്ങ​ളും സം​ഘ​ടി​പ്പി​ച്ച് സ്വ​കാ​ര്യ പ്രാ​ക്ടീ​സ് ന​ട​ത്തി വ​രു​ന്ന​താ​യും വി​ജി​ല​ൻ​സ് ക​ണ്ടെ​ത്തി​യി​ട്ടു​ണ്ട്. ഈ ​ഡോ​ക്ട​ർ​മാ​ർ സ്വ​കാ​ര്യ പ്രാ​ക്ടീ​സി​ന്റെ മ​റ​വി​ൽ വീ​ടു​ക​ൾ വാ​ട​ക​ക്കെ​ടു​ത്ത് മെ​ഡി​ക്ക​ൽ ഉ​പ​ക​ര​ണ​ങ്ങ​ൾ സ്ഥാ​പി​ച്ചും, ന​ഴ്സി​നെ​യും, ടെ​ക്നീ​ഷ്യ​നെ​യും, ലാ​ബ് അ​സി​സ്റ്റ​ന്റി​നെ​യും മ​റ്റും നി​യ​മി​ച്ച് ക്ലി​നി​ക്ക് പോ​ലെ സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന​താ​ണ്​ ക​ണ്ടെ​ത്തി​യ​ത്. ഈ ​ഡോ​ക്ട​ർ​മാ​ർ​ക്കെ​തി​രെ ന​ട​പ​ടി ആ​വ​ശ്യ​പ്പെ​ട്ടു​ള​ള റി​പ്പോ​ർ​ട്ട്​ വി​ജി​ല​ൻ​സ്​ ഡ​യ​റ​ക്ട​ർ ടി.​കെ. വി​നോ​ദ്​​കു​മാ​റി​ന്​ കൈ​മാ​റി​യി​ട്ടു​ണ്ട്. അ​ദ്ദേ​ഹം ശി​പാ​ർ​ശ സ​ഹി​തം റി​പ്പോ​ർ​ട്ട്​ സ​ർ​ക്കാ​റി​ന്​ കൈ​മാ​റും.