മെഡിക്കൽ കോളജ്; തിയറ്ററിലേക്കുള്ള രണ്ടാമത്തെ ലിഫ്റ്റും തകരാറിൽ രോഗികൾ വലയുന്നു
text_fieldsമെഡിക്കൽ കോളജിലെ പ്രധാന ശസ്ത്രക്രിയ തിയറ്ററിലേക്കുള്ള
തകരാറിലായ രണ്ട് ലിഫ്റ്റുകൾ
ഗാന്ധിനഗർ: മെഡിക്കൽ കോളജിലെ പ്രധാന ശസ്ത്രക്രിയ തിയറ്ററിലേക്ക് രോഗികളെ എത്തിക്കുന്ന രണ്ടാമത്തെ ലിഫ്റ്റും തകരാറിൽ. പ്രധാന ശസ്ത്രക്രിയ തിയറ്ററിലേക്ക് രോഗികളെ കൊണ്ടുപോകാൻ രണ്ടു ലിഫ്റ്റാണ് ഉണ്ടായിരുന്നത്. അതിൽ ഒരെണ്ണം ഒരുവർഷമായി തകരാറിലാണ്. ശേഷിച്ച ഒരെണ്ണത്തിലാണ് തിയറ്ററിലേക്ക് രോഗികളെ കൊണ്ടുപോയിരുന്നത്. ഈ ലിഫ്റ്റാണ് ജീവനക്കാരും ഉപയോഗിച്ചിരുന്നത്. ഇതും തകരാറിലായതോടെ റാമ്പ് വഴിയാണ് താഴത്തെ വാർഡുകളിൽനിന്ന് മൂന്നാം നിലയിലെ തിയറ്ററിലേക്ക് ഉൾപ്പെടെ രോഗികളെ എത്തിക്കുന്നത്. ഇത് രോഗികളെയും ജീവനക്കാരെയും ഏറെ വലക്കുകയാണ്.
പഴയ അത്യാഹിത വിഭാഗത്തിന് സമീപവും മെഡിസിൻ ഒ.പിയിലുമുള്ള ലിഫ്റ്റുകൾ പ്രവർത്തനരഹിതമായിട്ട് മാസങ്ങൾ പിന്നിട്ടു. പുതിയ നിർമാണ പ്രവർത്തനങ്ങളുടെ കാര്യത്തിൽ അധികൃതർ ശ്രദ്ധിക്കുന്നുണ്ടെങ്കിലും ലിഫ്റ്റുകൾ പ്രവർത്തിപ്പിക്കുന്ന കാര്യത്തിൽ അലംഭാവം കാട്ടുന്നതായാണ് ആക്ഷേപം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.