ആട് മോഷ്​ടാക്കളെ പിടികൂടി

കഞ്ഞിക്കുഴി: ആടുകളെ മോഷ്​ടിച്ച് കടത്തുന്ന സംഘത്തെ കഞ്ഞിക്കുഴി പൊലീസ്​ പിടികൂടി. എറണാകുളം സ്വദേശി കണ്ടത്തിൽവീട്ടിൽ മുഹമ്മദ് (50), ബന്ധുക്കളായ അനസ്​ ​(36), ഷൈൻ (34) എന്നിവരാണ് അറസ്​റ്റിലായത്. ഇവർ ആടുകളെ കടത്താൻ ഉപയോഗിച്ച മാരുതിവാനും ബൈക്കും പിടിച്ചെടുത്തു.

ആട് വ്യാപാരികളായ ഇവർ ഗ്രാമങ്ങളിൽചെന്ന് ഓരോ വീട്ടിലെയും ആടുകളെ കണ്ടുവെക്കും. പിന്നീട് ആളില്ലാത്ത സമയം നോക്കി ആടുകളെ വാഹനത്തിൽ കയറ്റി കൊണ്ടുപോകുകയാണ് ചെയ്യുക. ഞായറാഴ്ച പഴയരിക്കണ്ടം സ്വദേശിയുടെ വീട്ടിലെ രണ്ട് ആടുകളെയാണ്​ ഇവർ കടത്തിയത്.

കൂട്ടിൽ കെട്ടിയിരുന്ന ആടിനെ കാണാതെ വന്നതോടെ വീട്ടുകാർ ഉടൻ പൊലീസിൽ വിവരം അറിയിച്ചു. കഞ്ഞിക്കുഴി പൊലീസ്​ ഇൻസ്​പെക്ടർ മാത്യു ജോർജി​െൻറ നേതൃത്വത്തിൽ നടത്തിയ അന്വേഷണത്തിൽ പ്രതികളെയും ആടിനെയും മുള്ളരിങ്ങാടിന് സമീപത്തുനിന്ന്​ പിടികൂടുകയായിരുന്നു.

എസ്​.ഐ കെ​.ജി​. തങ്കച്ചൻ, സിവിൽ പൊലീസ്​ ഓഫിസർമാരായ എ.ജെ​. ജയൻ, എം. ജോബി, പി.ജെ​. ജനിൻ, ബിനു സെബാസ്​റ്റ്യൻ എന്നിവർ അന്വേഷണത്തിൽ പങ്കെടുത്തു.