ചൂടിൽ വെന്തുരുകി കോട്ടയം

കോ​ട്ട​യം: ക​ന​ത്ത ചൂ​ടി​ലു​രു​കി ജി​ല്ല. രാ​വി​​ലെ 10 മു​ത​ൽ പു​റ​ത്തി​റ​ങ്ങാ​നാ​കാ​ത്ത അ​വ​സ്ഥ​യാ​ണ്. ഇ​ട​ക്ക്​ മ​ഴ പെ​യ്ത​തോ​ടെ ചൂ​ടി​ന്​ അ​ൽ​പം ശ​മ​നം ആ​യി​രു​ന്നെ​ങ്കി​ലും വീ​ണ്ടും ചൂ​ട്​ ഉ​യ​രാ​ൻ തു​ട​ങ്ങി. പ​ക​ൽ ചൂ​ടി​ന്‍റെ അ​സ്വ​സ്ഥ​ത​ക്ക്​ പു​റ​മെ രാ​ത്രി ഉ​റ​ക്ക​വും ന​ഷ്ട​​പ്പെ​ടു​ന്നു. ഞാ​യ​റാ​ഴ്ച ജി​ല്ല​യി​ലെ ഓ​ട്ടോ​മാ​റ്റി​ക് വെ​ത​ര്‍ സ്‌​റ്റേ​ഷ​നു​ക​ളി​ല്‍ 38.7 ഡി​ഗ്രി​വ​രെ താ​പ​നി​ല രേ​ഖ​പ്പെ​ടു​ത്തി​യി​രു​ന്നു. ഒ​രു മാ​സം മു​മ്പ് 40 ഡി​ഗ്രി​ക്ക്​ അ​ടു​ത്തു വ​രെ​യെ​ത്തി​യി​രു​ന്നു.

കാ​ലാ​വ​സ്ഥ നി​രീ​ക്ഷ​ണ കേ​ന്ദ്ര​ത്തി​ന്റെ ക​ണ​ക്കു​പ്ര​കാ​രം ഞാ​യ​റാ​ഴ്ച രാ​വി​ലെ എ​ട്ടി​ന് അ​വ​സാ​നി​ച്ച 24 മ​ണി​ക്കൂ​റി​ല്‍ ജി​ല്ല​യി​ല്‍ രേ​ഖ​പ്പെ​ടു​ത്തി​യ ഉ​യ​ര്‍ന്ന താ​പ​നി​ല 37 ഡി​ഗ്രി​യാ​ണ്. ഓ​ട്ടോ​മാ​റ്റി​ക് വെ​ത​ര്‍ സ്‌​റ്റേ​ഷ​നു​ക​ളി​ലെ ക​ണ​ക്കു​പ്ര​കാ​രം പ​ക​ല്‍ വീ​ണ്ടും ചൂ​ട് ഉ​യ​ര്‍ന്നു. കോ​ട്ട​യം സ്‌​റ്റേ​ഷ​നി​ല്‍ ഉ​ച്ച​ക്ക്​ ഒ​ന്നി​നു 38.7 ഡി​ഗ്രി​വ​രെ ചൂ​ട് ഉ​യ​ര്‍ന്നു. കു​മ​ര​കം സ്‌​റ്റേ​ഷ​നി​ല്‍ 38.5വ​രെ​യും പൂ​ഞ്ഞാ​റി​ല്‍ 37.7 ഡി​ഗ്രി വ​രെ​യും ചൂ​ട് ഉ​യ​ര്‍ന്നു.

ക​ന​ത്ത ചൂ​ടി​നി​ട​യി​ലും വേ​ന​ൽ​മ​ഴ​യി​ൽ ജി​ല്ല ത​ന്നെ​യാ​ണ്​ മു​ന്നി​ൽ. ഞാ​യ​റാ​ഴ്ച വ​രെ​യു​ള്ള ക​ണ​ക്കു​പ്ര​കാ​രം ശ​രാ​ശ​രി മ​ഴ പെ​യ്ത ഏ​ക ജി​ല്ല കോ​ട്ട​യ​മാ​ണ്. മാ​ര്‍ച്ച് ഒ​ന്നു മു​ത​ല്‍ 178.1 മി​ല്ലീ​മീ​റ്റ​ര്‍ മ​ഴ പ്ര​തീ​ക്ഷി​ച്ച​പ്പോ​ള്‍ 150.3 മി​ല്ലീ​മീ​റ്റ​ര്‍ പെ​യ്തു. 16 ശ​ത​മാ​ന​ത്തി​ന്റെ മാ​ത്രം കു​റ​വ്. സാ​ധാ​ര​ണ വേ​ന​ല്‍ മ​ഴ​യി​ല്‍ മു​ന്നി​ല്‍ പ​ത്ത​നം​തി​ട്ട​യാ​യി​രു​ന്നു. എ​ന്നാ​ല്‍, ഇ​ത്ത​വ​ണ പ​ത്ത​നം​തി​ട്ട​യി​ല്‍ കു​റ​വ് 34 ശ​ത​മാ​നം. മ​റ്റ് അ​യ​ല്‍ ജി​ല്ല​ക​ളാ​യ ആ​ല​പ്പു​ഴ​യി​ല്‍ 26, എ​റ​ണാ​കു​ള​ത്ത് 44, ഇ​ടു​ക്കി​യി​ല്‍ 83 ശ​ത​മാ​നം എ​ന്നി​ങ്ങ​നെ​യാ​ണ് മ​ഴ​യി​ലെ കു​റ​വ്. ജി​ല്ല​യി​ല്‍ മാ​ര്‍ച്ചി​ലും ഈ ​മാ​സം ഇ​തു​വ​രെ​യു​മാ​യി പ​ല​യി​ട​ങ്ങ​ളി​ലും ശ​ക്ത​മാ​യ മ​ഴ പെ​യ്തി​രു​ന്നു.