പ്രളയ ദുരിതബാധിതർക്ക്​ കൂട്ടിക്കലിൽ വീടൊരുങ്ങുന്നു

മു​ണ്ട​ക്ക​യം: കൂ​ട്ടി​ക്ക​ലി​ൽ പ്ര​ള​യ​ദു​രി​ത​ബാ​ധി​ത​ർ​ക്ക് വീ​ടു​ക​ളൊ​രു​ങ്ങു​ന്നു. പൂ​ഞ്ഞാ​ർ എം.​എ​ൽ.​എ സ​ർ​വി​സ് ആ​ർ​മി​യും റോ​ട്ട​റി ഇ​ന്റ​ർ​നാ​ഷ​ന​ലും ചേ​ർ​ന്നാ​ണ് കൂ​ട്ടി​ക്ക​ൽ, ഏ​ന്ത​യാ​ർ, ഇ​ളം​കാ​ട് തു​ട​ങ്ങി​യ പ്ര​ദേ​ശ​ങ്ങ​ളി​ലെ പ്ര​ള​യ​ദു​രി​ത ബാ​ധി​ത​ർ​ക്കാ​യി വീ​ടു​ക​ൾ നി​ർ​മി​ക്കു​ന്ന​ത്.

മേ​ഖ​ല​യി​ലു​ണ്ടാ​യ പ്ര​ള​യ​ത്തി​ലും ഉ​രു​ൾ​പൊ​ട്ട​ലി​ലും വീ​ടു​ക​ൾ ന​ഷ്ട​പ്പെ​ട്ട 11 കു​ടും​ബ​ങ്ങ​ൾ​ക്കാ​ണ് വീ​ടു​ക​ളൊ​രു​ങ്ങു​ന്ന​ത്. മു​ണ്ട​ക്ക​യം ചാ​ലാ​ത്ത്​ പു​തു​ക്കു​ടി​യി​ൽ സി.​വൈ.​എ. റ​ഊ​ഫ്, സി.​പി.​എ. യൂ​സ​ഫ്സ് ക​മ്പ​നി പാ​ർ​ട്ണ​ർ സൗ​ജ​ന്യ​മാ​യി ന​ൽ​കി​യ 60 സെ​ന്റ്​ ഭൂ​മി​യി​ലാ​ണ് വീ​ടു​ക​ൾ പ​ണി​യാ​ൻ മു​ത​ൽ​മു​ട​ക്കു​ന്ന​ത്.

വീ​ടു​ക​ളു​ടെ പ്ലാ​നു​ക​ൾ ത​യാ​റാ​യെ​ന്നും അ​ർ​ഹ​രാ​യ 11 ഗു​ണ​ഭോ​ക്താ​ക്ക​ളെ​യും തെ​ര​ഞ്ഞെ​ടു​ത്തെ​ന്നും ഭാ​ര​വാ​ഹി​ക​ൾ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. ഞാ​യ​റാ​ഴ്ച മൂ​ന്നി​ന് കൂ​ട്ടി​ക്ക​ൽ സെ​ന്റ് മേ​രീ​സ് ഓ​ഡി​റ്റോ​റി​യ​ത്തി​ൽ അ​ഡ്വ. സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം.​എ​ൽ.​എ​യു​ടെ അ​ധ്യ​ക്ഷ​ത​യി​ൽ ചേ​രു​ന്ന സ​മ്മേ​ള​ന​ത്തി​ൽ മ​ന്ത്രി വി.​എ​ൻ. വാ​സ​വ​ൻ വീ​ടു​ക​ളു​ടെ ശി​ലാ​സ്ഥാ​പ​നം നി​ർ​വ​ഹി​ക്കും.

സൗ​ജ​ന്യ​മാ​യി സ്ഥ​ലം ന​ൽ​കി​യ റ​ഊ​ഫി​നെ ഗ​വ. ചീ​ഫ് വി​പ്പ് ഡോ. ​എ​ൻ. ജ​യ​രാ​ജ് ആ​ദ​രി​ക്കും. വാ​ർ​ത്ത​സ​മ്മേ​ള​ന​ത്തി​ൽ കോ​ഓ​ഡി​നേ​റ്റ​ർ അ​ഡ്വ. സാ​ജ​ൻ കു​ന്ന​ത്ത്, എം.​എ​ൽ.​എ സ​ർ​വി​സ് ആ​ർ​മി കൂ​ട്ടി​ക്ക​ൽ മ​ണ്ഡ​ലം കോ​ഓ​ഡി​നേ​റ്റ​ർ ബി​ജോ​യി ജോ​സ്, പി.​എം. ന​ജീ​ബ് എ​ന്നി​വ​ർ പ​ങ്കെ​ടു​ത്തു.