ഇടക്കുന്നത്ത് ഉപതെരഞ്ഞെടുപ്പ് 28ന്; സ്ഥാനാർഥികൾ കളത്തിൽ

കാ​ഞ്ഞി​ര​പ്പ​ള്ളി: പാ​റ​ത്തോ​ട് പ​ഞ്ചാ​യ​ത്തി​ലെ ഇ​ട​ക്കു​ന്ന​ത്ത് ഉ​പ​തെ​ര​ഞ്ഞെ​ടു​പ്പ് 28ന് ​ന​ട​ക്കും. സ​ര്‍ക്കാ​ര്‍ ജോ​ലി ല​ഭി​ച്ച സി.​പി.​ഐ​യി​ലെ പ​ഞ്ചാ​യ​ത്ത്​ അം​ഗം ജോ​ളി തോ​മ​സ്​ രാ​ജി​വെ​ച്ച​തി​നെ തു​ട​ര്‍ന്നാ​ണ്​ ഇ​ട​ക്കു​ന്നം സി.​എ​സ്.​ഐ ഭാ​ഗ​ത്ത് ഉ​പ​തെ​ര​ഞ്ഞെ​ടു​പ്പ് ന​ട​ത്തു​ന്ന​ത്.

സീ​റ്റു നി​ല​നി​ര്‍ത്താ​ന്‍ എ​ല്‍.​ഡി.​എ​ഫും തി​രി​ച്ചു​പി​ടി​ക്കാ​ന്‍ യു.​ഡി.​എ​ഫും സ്ഥാ​നാ​ര്‍ഥി​ക​ളെ ഇ​റ​ക്കി​ക്ക​ഴി​ഞ്ഞു. എ​സ്.​ഡി.​പി.​ഐ​യും മ​ത്സ​ര​രം​ഗ​ത്തു​ണ്ട്. സി.​പി.​ഐ​യി​ലെ ജോ​സീ​ന അ​ന്ന ജോ​സ് ഇ​ട​തു സ്ഥാ​നാ​ര്‍ഥി​യാ​യും കോ​ണ്‍ഗ്ര​സി​ലെ മി​നി സാം​വ​ര്‍ഗീ​സ് യു.​ഡി.​എ​ഫ് സ്ഥാ​നാ​ര്‍ഥി​യാ​യും മ​ത്സ​രി​ക്കും. ക​ഴി​ഞ്ഞ ത​വ​ണ യു.​ഡി.​എ​ഫ് വോ​ട്ടു​ക​ള്‍ പി​ള​ര്‍ത്തി വി​മ​ത സ്ഥാ​നാ​ര്‍ഥി​യാ​യി മ​ത്സ​രി​ച്ച ഫി​ലോ​മി​ന​യാ​ണ് എ​സ്.​ഡി.​പി.​ഐ സ്ഥാ​നാ​ര്‍ഥി. നാ​മ​നി​ര്‍ദേ​ശ​പ​ത്രി​ക സ​മ​ര്‍പ്പ​ണം ആ​രം​ഭി​ച്ചു.

ഔ​ദ്യോ​ഗി​ക സ്ഥാ​നാ​ര്‍ഥി​ക​ള്‍ ബു​ധ​നാ​ഴ്ച പ​ത്രി​ക സ​മ​ര്‍പ്പി​ക്കും. വൈ​സ് പ്ര​സി​ഡ​ന്റ് സ്ഥാ​ന​ത്തെ​ച്ചൊ​ല്ലി പി​ണ​ങ്ങി നി​ല്‍ക്കു​ന്ന കേ​ര​ള കോ​ണ്‍ഗ്ര​സ് എം ​പ്രാ​ദേ​ശി​ക നേ​താ​ക്ക​ള്‍ എ​ൽ.​ഡി.​എ​ഫ്​ ക​ൺ​വെ​ന്‍ഷ​നി​ല്‍ പ​ങ്കെ​ടു​ത്തി​രു​ന്നി​ല്ല. എ​ന്നാ​ല്‍, സെ​ബാ​സ്റ്റ്യ​ന്‍ കു​ള​ത്തു​ങ്ക​ല്‍ എം.​എ​ല്‍.​എ, ജോ​ര്‍ജു​കു​ട്ടി ആ​ഗ​സ്തി എ​ന്നി​വ​ര്‍ എ​ത്തി​യി​രു​ന്നു. ചൊ​വ്വാ​ഴ്ച യു.​ഡി.​എ​ഫ് ക​ൺ​വെ​ന്‍ഷ​ന്‍ ന​ട​ക്കും.

എ​സ്.​ഡി.​പി.​ഐ​ക്കും നി​ര്‍ണാ​യ​ക സ്വാ​ധീ​ന​മു​ള്ള വാ​ര്‍ഡി​ല്‍ അ​വ​രു​ടെ സ്ഥാ​നാ​ര്‍ഥി​ത്വം ഇ​രു​മു​ന്ന​ണി​യെ ​യും പ്ര​തി​സ​ന്ധി​യി​ലാ​ക്കി​യേ​ക്കും. മു​ന്ന​ണി ധാ​ര​ണ​യു​ടെ അ​ടി​സ്ഥാ​ന​ത്തി​ല്‍ പ്ര​സി​ഡ​ന്റ് രാ​ജി​വെ​ച്ച ഇ​വി​ടെ വൈ​സ്​ പ്ര​സി​ഡ​ന്റ് സി.​പി.​എ​മ്മി​ലെ സി​ന്ധു മോ​ഹ​ന​നാ​ണ് ആ​ക്ടി​ങ് പ്ര​സി​ഡ​ന്റ്. ഉ​പ​തെ​ര​ഞ്ഞെ​ടു​പ്പു ഫ​ലം വ​ന്ന​ശേ​ഷം മാ​ത്ര​മേ പ്ര​സി​ഡ​ന്റ് തെ​ര​ഞ്ഞെ​ടു​പ്പു ന​ട​ക്കൂ. ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ​ര്‍ ഷൈ​ല​ജ​യാ​ണ് വ​ര​ണാ​ധി​കാ​രി.