ജ്യോതിരാജി​െൻറ തുടര്‍ചികിത്സക്ക്​ സുമനസ്സുകള്‍ കനിയണം

ചങ്ങനാശ്ശേരി: പുഴവാത് ലക്ഷ്​മി മംഗലത്ത് രവീന്ദ്രന്‍ നായരുടെ മകന്‍ ജ്യോതിരാജ്(അനിയൻ കുഞ്ഞ്​) തുടര്‍ചികിത്സക്ക്​ സുമനസ്സുകളുടെ സഹായം തേടുന്നു. ഏഴുവര്‍ഷം മുമ്പ്​ കിഡ്​നി മാറ്റിവെക്കല്‍ ശസ്ത്രക്രിയ നടത്തിയിരുന്നു. എന്നാൽ, പിന്നീട്​ അസുഖത്തെതുടര്‍ന്ന് എച്ച്.ഡി.എഫ്.സി ബാങ്കിലെ പ്യൂണായിരുന്ന ജ്യോതിരാജിന് ജോലിക്ക് പോകാന്‍ സാധിച്ചില്ല.

ഇതോടെ പ്രായമായ അച്ഛനും അമ്മയും ഭാര്യയും രണ്ട് പെണ്‍മക്കളും അടങ്ങുന്ന കുടുംബത്തി​െൻറ വരുമാനവും നിലച്ചു. രണ്ടാഴ്ചമുമ്പ്​ അസഹനീയ തലവേദന അനുഭവപ്പെട്ടതിനെതുടര്‍ന്ന് എറണാകുളം അമൃത ആശുപത്രിയില്‍ അഡ്മിറ്റ് ചെയ്തു. പരിശോധനയില്‍ മെനിഞ്ചസ് ഫംഗല്‍ ടൈപ്പ് ആണെന്ന്​ കണ്ടെത്തി. ഇതി​െൻറ തുടര്‍ചികിത്സക്ക്​ പ്രതിദിനം പതിനായിരം രൂപക്കുമേല്‍ ആവശ്യമാണ്​. ഇത് 42 ദിവസം തുടരണം.

ഏകദേശം 18 ലക്ഷം രൂപ ചികിത്സക്ക്​ ആവശ്യമാണ്​. വാടകവീട്ടില്‍ താമസിക്കുന്ന ജ്യോതിരാജും കുടുംബവും സുഹൃത്തുക്കളുടെയും ബന്ധുക്കളുടെയും സഹായത്തിലും കാരുണ്യത്തിലാണ് കഴിയുന്നത്. പെണ്‍മക്കളില്‍ മൂത്തമകളുടെ വിവാഹം നാട്ടുകാരുടെ സഹായത്താലാണ് നടന്നത്. ഭീമമായ തുക സംഘടിപ്പിക്കാന്‍ നിര്‍ധന കുടുംബത്തിന് ഒരു മാര്‍ഗവുമില്ലാത്ത സാഹചര്യത്തിൽ​ ഇവരെ സഹായിക്കാൻ പുഴവാത് പ്രദേശത്തെ നാട്ടുകാരെയും ജനപ്രതിനിധികളെയും ഉള്‍ക്കൊള്ളിച്ച്​ ജനറല്‍ കണ്‍വീനര്‍ കുമാര്‍ ശിബിരം, ജോയൻറ്​ കണ്‍വീനര്‍ അജയ് ചേരിയില്‍, മൂന്ന് രക്ഷാധികാരികള്‍ എന്നിവരെ ചേര്‍ത്ത് ജ്യോതിരാജ് ചികിത്സ സഹായനിധി എന്ന പേരില്‍ കമ്മിറ്റി രൂപവത്​കരിച്ചു. കമ്മിറ്റിയുടെ നേതൃത്വത്തില്‍ 27ന് രാവിലെ ഒമ്പതുമുതല്‍ പുഴവാതിലെ ഏഴ് വാര്‍ഡുകളിൽ സാമ്പത്തിക സമാഹരണം നടത്തും. ജ്യോതിരാജ് ചികിത്സസഹായ നിധി എന്ന പേരില്‍ ചങ്ങനാശ്ശേരി കേരള ഗ്രാമീണ്‍ ബാങ്കില്‍ അക്കൗണ്ടും തുറന്നിട്ടുണ്ട്. അക്കൗണ്ട് നമ്പര്‍: 40568101047257, IFSC: KLGB0040568.