കോ​ട്ട​യം ജില്ലയിൽ 183 വീടുകളിൽ കെ-ഫോൺ കണക്ഷൻ

കോ​ട്ട​യം: സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന കു​ടും​ബ​ങ്ങ​ൾ​ക്ക് സൗ​ജ​ന്യ​മാ​യും മ​റ്റു​ള്ള​വ​ർ​ക്ക് മി​ത​മാ​യ നി​ര​ക്കി​ലും ഇ​ന്‍റ​ർ​നെ​റ്റ് സേ​വ​നം ല​ഭ്യ​മാ​ക്കു​ക​യെ​ന്ന ല​ക്ഷ്യ​ത്തോ​ടെ​ സ​ർ​ക്കാ​ർ ന​ട​പ്പാ​ക്കു​ന്ന കെ-​ഫോ​ൺ പ​ദ്ധ​തി​യി​ൽ ജി​ല്ല​യി​ൽ 183 വീ​ടു​ക​ളി​ൽ ക​ണ​ക്ഷ​ൻ.

ആ​ദ്യ​ഘ​ട്ട​ത്തി​ൽ ക​ണ​ക്ഷ​ൻ ന​ൽ​കാ​ൻ ജി​ല്ല​യി​ൽ നി​യോ​ജ​ക​മ​ണ്ഡ​ലാ​ടി​സ്ഥാ​ന​ത്തി​ൽ 943 ബി.​പി.​എ​ൽ വീ​ടു​ക​ളാ​ണ് തെ​ര​ഞ്ഞെ​ടു​ത്ത​ത്. ഇ​തി​ലാ​ണ്​ 183 വീ​ടു​ക​ളി​ലേ​ക്ക്​ ക​ണ​ക്ഷ​ൻ എ​ത്തി​ച്ച​ത്. ബാ​ക്കി​യു​ള്ള​വ​ർ​ക്ക് ജൂ​ൺ 30ന​കം കെ-​ഫോ​ൺ ക​ണ​ക്ഷ​ൻ ല​ഭി​ക്കും. ജി​ല്ല​യി​ൽ 1900 സ​ർ​ക്കാ​ർ സ്ഥാ​പ​ന​ങ്ങ​ളി​ൽ 1176 ഇ​ട​ത്ത്​ കെ-​ഫോ​ൺ വ​ഴി ഇ​ന്‍റ​​ർ​നെ​റ്റ് സൗ​ക​ര്യം എ​ത്തി​ച്ചു​ക​ഴി​ഞ്ഞു. മ​റ്റി​ട​ങ്ങ​ളി​ൽ ക​ണ​ക്ഷ​ൻ പൂ​ർ​ത്തീ​ക​ര​ണം അ​ന്തി​മ​ഘ​ട്ട​ത്തി​ലാ​ണെ​ന്നും അ​ധി​കൃ​ത​ർ അ​റി​യി​ച്ചു.

കെ-​ഫോ​ണി​ന്‍റെ സം​സ്ഥാ​ന​ത​ല ഉ​ദ്​​ഘാ​ട​നം തി​ങ്ക​ളാ​ഴ്ച മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്​​ഘാ​ട​നം ചെ​യ്യും. സം​സ്ഥാ​ന​ത​ല ഉ​ദ്ഘാ​ട​ന​ത്തോ​ട​നു​ബ​ന്ധി​ച്ച് വൈ​കീ​ട്ട് നാ​ലി​ന് കാ​ഞ്ഞി​ര​പ്പ​ള്ളി താ​ലൂ​ക്കി​ലെ കൂ​വ​പ്പ​ള്ളി വി​ല്ലേ​ജ് ഓ​ഫി​സി​ലെ അ​ധി​കൃ​ത​രു​മാ​യി മു​ഖ്യ​മ​ന്ത്രി ത​ത്സ​മ​യം സം​വ​ദി​ക്കും.

ജി​ല്ല​യി​ലെ ഒ​മ്പ​ത്​ നി​യോ​ജ​ക​മ​ണ്ഡ​ല​ത്തി​ലും ഉ​ദ്ഘാ​ട​നം ന​ട​ക്കും. ഏ​റ്റു​മാ​നൂ​ർ നി​യോ​ജ​ക​മ​ണ്ഡ​ല​ത്തി​ലെ ഉ​ദ്ഘാ​ട​നം ഏ​റ്റു​മാ​നൂ​ർ ഗ​വ. ഗേ​ൾ​സ് ഹൈ​സ്‌​കൂ​ളി​ൽ വൈ​കീ​ട്ട് മൂ​ന്നി​ന് മ​ന്ത്രി വി.​എ​ൻ. വാ​സ​വ​ൻ നി​ർ​വ​ഹി​ക്കും. കോ​ട്ട​യം നി​യോ​ജ​ക​മ​ണ്ഡ​ല​ത്തി​ൽ വൈ​കീ​ട്ട് മൂ​ന്നി​ന് മൂ​ലേ​ടം എ​ൻ.​എ​സ്.​എം.​സി.​എം.​എ​സ്.​എ​ൽ.​പി സ്‌​കൂ​ളി​ൽ തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ ഉ​ദ്ഘാ​ട​നം ചെ​യ്യും. പു​തു​പ്പ ള്ളി നി​യോ​ജ​ക​മ​ണ്ഡ​ല​ത്തി​ലെ ഉ​ദ്ഘാ​ട​നം ജി​ല്ല പ​ഞ്ചാ​യ​ത്തം​ഗം റെ​ജി എം. ​ഫി​ലി​പ്പോ​സ് നി​ർ​വ​ഹി​ക്കും.

ച​ങ്ങ​നാ​ശ്ശേ​രി മ​ണ്ഡ​ല​ത്തി​ൽ കു​റി​ച്ചി ഇ​ത്തി​ത്താ​നം ഗ​വ. എ​ൽ.​പി സ്‌​കൂ​ളി​ൽ വൈ​കീ​ട്ട് 4.30ന് ​ജോ​ബ് മൈ​ക്കി​ൾ എം.​എ​ൽ.​എ​യും കാ​ഞ്ഞി​ര​പ്പ​ള്ളി നി​യോ​ജ​ക​മ​ണ്ഡ​ല​ത്തി​ലെ ഉ​ദ്ഘാ​ട​നം പേ​ട്ട സെ​ന്‍റ​ർ ഫോ​ർ പ്ര​ഫ​ഷ​ന​ൽ ആ​ൻ​ഡ് അ​ഡ്വാ​ൻ​സ്ഡ് സ്റ്റ​ഡീ​സി​ലും ന​ട​ക്കും.പൂ​ഞ്ഞാ​ർ നി​യോ​ജ​ക​മ​ണ്ഡ​ല​ത്തി​ൽ ന​ട​ക്കു​ന്ന ച​ട​ങ്ങ്​ വൈ​കീ​ട്ട് മൂ​ന്നി​ന് പൂ​ഞ്ഞാ​ർ ഗ​വ. എ​ൽ.​പി സ്‌​കൂ​ളി​ൽ സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം.​എ​ൽ.​എ നി​ർ​വ​ഹി​ക്കും.

പാ​ലാ​യി​ലെ ഉ​ദ്ഘാ​ട​നം ളാ​ലം ഗ​വ. എ​ൽ.​പി സ്‌​കൂ​ളി​ൽ വൈ​കീ​ട്ട് മൂ​ന്നി​ന് മാ​ണി സി. ​കാ​പ്പ​ൻ എം.​എ​ൽ.​എ നി​ർ​വ​ഹി​ക്കും. വൈ​ക്ക​ത്തെ ഉ​ദ്ഘാ​ട​നം ക​ല്ല​റ പ​ഞ്ചാ​യ​ത്തി​ലെ ക​മ്യൂ​ണി​റ്റി ഹാ​ളി​ൽ വൈ​കീ​ട്ട് മൂ​ന്നി​ന് ന​ട​ക്കും.

ക​ടു​ത്തു​രു​ത്തി നി​യോ​ജ​ക​മ​ണ്ഡ​ല​ത്തി​ലെ ഉ​ദ്ഘാ​ട​നം ഉ​ഴ​വൂ​ർ ബ്ലോ​ക്ക് പ​ഞ്ചാ​യ​ത്ത് ഹാ​ളി​ൽ വൈ​കീ​ട്ട് മൂ​ന്നി​ന് ന​ട​ക്കും.