ദേശീയപാതയില്‍ മരണക്കെണിയൊരുക്കി കൊടുംവളവുകള്‍

കാ​ഞ്ഞി​ര​പ്പ​ള്ളി: ദേ​ശീ​യ​പാ​ത​യി​ല്‍ മ​ര​ണ​ക്കെ​ണി​യൊ​രു​ക്കി കൊ​ടും​വ​ള​വു​ക​ള്‍. അ​പ​ക​ടം തു​ട​ർ​ക്ക​ഥ​യാ​കു​ന്നു. കൊ​ട്ടാ​ര​ക്ക​ര-​ദി​ണ്ഡി​ഗ​ല്‍ ദേ​ശീ​യ​പാ​ത​യി​ല്‍ കാ​ഞ്ഞി​ര​പ്പ​ള്ളി​ക്ക​ും മു​ണ്ട​ക്ക​യ​ത്തി​നും ഇ​ട​യി​ലാ​ണ് മ​ര​ണ​ക്കെ​ണി ഒ​രു​ക്കി നി​ര​വ​ധി കൊ​ടും​വ​ള​വു​ക​ളു​ള്ള​ത്.

ആ​യി​ര​ക്ക​ണ​ക്കി​നു വാ​ഹ​ന​ങ്ങ​ള്‍ ക​ട​ന്നു​പോ​കു​ന്ന റോ​ഡി​ല്‍ മ​തി​യാ​യ സു​ര​ക്ഷാ സം​വി​ധാ​ന​ങ്ങ​ളും മു​ന്ന​റി​യി​പ്പ് ബോ​ര്‍ഡ് ഇ​ല്ലാ​ത്ത​തും അ​പ​ക​ട​ങ്ങ​ളു​ടെ എ​ണ്ണം വ​ര്‍ധി​ക്കാ​ൻ കാ​ര​ണ​മാ​ണ്.

കാ​ഞ്ഞി​ര​പ്പ​ള്ളി​ക്കും മു​ണ്ട​ക്ക​യ​ത്തി​നും ഇ​ട​യി​ല്‍ അ​പ​ക​ട​ങ്ങ​ള്‍ പ​തി​വാ​ണ്.

പ​തി​ന​ഞ്ചോ​ളം കൊ​ടും​വ​ള​വു​ക​ളാ​ണി​വി​ടെ, ഇ​തി​ല്‍ ഏ​റ്റ​വും അ​ധി​കം അ​പ​ക​ട​ങ്ങ​ള്‍ സം​ഭ​വി​ക്കു​ന്ന​ത് മു​ണ്ട​ക്ക​യം പൈ​ങ്ങ​ണ, കാ​ഞ്ഞി​ര​പ്പ​ള്ളി പ​ഞ്ചാ​യ​ത്ത് വ​ള​വ്, പാ​റ​ത്തോ​ട് പ​ഞ്ചാ​യ​ത്ത് വ​ള​വ്, ഇ​രു​പ​ത്തി​യാ​റാം മൈ​ല്‍ പെ​ട്രോ​ള്‍ പ​മ്പ് വ​ള​വ് എ​ന്നി​വി​ട​ങ്ങ​ളി​ലാ​ണ്. ആ​ഴ്ച​യി​ല്‍ മൂ​ന്നും നാ​ലും അ​പ​ക​ട​മാ​ണ് ഇ​വി​ടെ സം​ഭ​വി​ക്കു​ന്ന​ത്. ചൊ​വ്വാ​ഴ്ച പു​ല​ര്‍ച്ച ര​േ​ണ്ടാ​ടെ കു​ത്തി​റ​ക്ക​ത്തി​ലു​ള്ള കാ​ഞ്ഞി​ര​പ്പ​ള്ളി പ​ഞ്ചാ​യ​ത്ത് വ​ള​വി​ല്‍ ബ്രേ​ക്ക്​ ന​ഷ്​​ട​പ്പെ​ട്ട ലോ​റി നി​യ​ന്ത്ര​ണം വി​ട്ട് വ്യാ​പാ​ര സ്ഥാ​പ​ന​ത്തി​ല്‍ ഇ​ടി​ച്ചു​നി​ര്‍ത്തു​ക​യാ​യി​രു​ന്നു. വ​ന്‍ ദു​ര​ന്ത​മാ​ണ് വ​ഴി​മാ​റി​യ​ത്.

മ​റ്റൊ​ന്നു മു​ണ്ട​ക്ക​യം പൈ​ങ്ങ​ന വ​ള​വാ​ണ്. വാ​ഹ​നാ​പ​ക​ട​ത്തി​ൽ നി​ര​വ​ധി ജീ​വ​നാ​ണ് ഇ​വി​ടെ പൊ​ലി​ഞ്ഞ​ത്. മൂ​ന്നു വ​ര്‍ഷ​ത്തി​നി​െ​ട അ​പ​ക​ട​ത്തി​ല്‍പെ​ട്ട് പ​ത്തോ​ളം പേ​രാ​ണ് മ​രി​ച്ച​ത്. ദൂ​രെ സ്ഥ​ല​ങ്ങ​ളി​ല്‍നി​ന്ന് വ​രു​ന്ന വാ​ഹ​നം ഡ്രൈ​വ​ര്‍മാ​ര്‍ക്ക് വ​ള​വ് വ്യ​ക്ത​മാ​യി മ​ന​സ്സി​ലാ​ക്കാ​ന്‍ സാ​ധി​ക്കാ​ത്ത​തും ഇ​വി​ടെ അ​പ​ക​ട​ങ്ങ​ള്‍ പ​തി​വാ​കാ​ന്‍ കാ​ര​ണ​മാ​കു​ന്നു. റോ​ഡ് നി​ര്‍മാ​ണ​ത്തി​ലെ അ​ശാ​സ്ത്രീ​യ​ത പ​രി​ഹ​രി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് പ്ര​ദേ​ശ​വാ​സി​ക​ള്‍ അ​ധി​കൃ​ത​രെ സ​മീ​പി​ച്ചെ​ങ്കി​ലും ന​ട​പ​ടി ഉ​ണ്ടാ​യി​ട്ടി​ല്ല.

ഇ​തി​നെ​തി​രെ മേ​ഖ​ല​യി​ലെ ​െറ​സി​ഡ​ൻ​റ്​​സ്​ അ​സോ​സി​യേ​ഷ​ൻ നേ​തൃ​ത്വ​ത്തി​ല്‍ റോ​ഡ് ഉ​പ​രോ​ധം അ​ട​ക്ക​മു​ള്ള സ​മ​ര​പ​രി​പാ​ടി​ക​ള്‍ ന​ട​ത്തി​യി​രു​ന്നു. ക​ഴി​ഞ്ഞ​ദി​വ​സം മു​ണ്ട​ക്ക​യം പ​ഞ്ചാ​യ​ത്തി​ല്‍ വി​ളി​ച്ച വി​വി​ധ വ​കു​പ്പ് ഉ​ദ്യോ​ഗ​സ്ഥ​രു​ടെ യോ​ഗ​ത്തി​ലും വി​ഷ​യം ഉ​ന്ന​യി​ച്ചെ​ങ്കി​ലും ത​ങ്ങ​ള്‍ സം​ഭ​വം അ​റി​ഞ്ഞി​െ​ല്ല​ന്ന നി​ല​പാ​ടാ​യി​രു​ന്നു ദേ​ശീ​യ​പാ​ത വി​ഭാ​ഗം അ​ധി​കൃ​ത​ര്‍ സ്വീ​ക​രി​ച്ച​ത്. ഇ​തി​നെ​തി​രെ യോ​ഗ​ത്തി​ല്‍ ശ​ക്ത​മാ​യ വി​മ​ര്‍ശ​ന​വും ഉ​യ​ര്‍ന്നു. പൈ​ങ്ങ​ന വ​ള​വി​ലെ റോ​ഡ് നി​ര്‍മാ​ണ​ത്തി​ലെ അ​ശാ​സ്ത്രീ​യ​ത പ​രി​ഗ​ണി​ച്ചാ​ല്‍ ഇ​വി​ടെ ഉ​ണ്ടാ​കു​ന്ന അ​പ​ക​ട​ങ്ങ​ള്‍ ഗ​ണ്യ​മാ​യി കു​റ​ക്കാ​ന്‍ സാ​ധി​ക്കും. കാ​ഞ്ഞി​ര​പ്പ​ള്ളി-​മു​ണ്ട​ക്ക​യം പാ​ത​യി​ലെ 15ഓ​ളം വ​ള​വു​ക​ളി​ലെ ഏ​റെ അ​പ​ക​ട​ത്തി​നി​ട​യാ​ക്കു​ന്ന വ​ള​വു​ക​ള്‍ നി​വ​ര്‍ക്കാ​ന്‍ അ​ധി​കാ​രി​ക​ള്‍ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.