ദമ്പതികൾക്ക് തെരഞ്ഞെടുപ്പിൽ തിളക്കമാർന്ന വിജയം

കറുകച്ചാൽ: ചമ്പക്കര ദ്വാരകയിൽ ശ്രീജിഷയും ഭർത്താവ് അഡ്വ. കിരൺകുമാറുമാണ് കറുകച്ചാൽ പഞ്ചായത്ത് നാലാം വാർഡ്‌ നെത്തല്ലൂർ, അഞ്ചാം​ വാർഡ് കറുകച്ചാൽ എന്നിവിടങ്ങളിൽനിന്ന്​ തിളക്കമാർന്ന വിജയം നേടിയത്. ഇരുവരും സി.പി.എം സ്ഥാനാർഥികളാണ്.

ശ്രീജിഷ നിലവിൽ കറുകച്ചാൽ പഞ്ചായത്ത് നാലാം വാർഡംഗമാണ്. വനിത സംവരണം മാറി നാലാം വാർഡ് ജനറൽ ആയപ്പോഴാണ് ഭർത്താവായ കിരൺ കുമാറിന് മത്സരിക്കാൻ കുറി വീണത്. ഭാര്യ സമീപ വാർഡായ അഞ്ചിലേക്ക് മാറിമത്സരിക്കാൻ തീരുമാനിക്കുകയായിരുന്നു. കിരൺ കുമാർ 223 വോട്ടി​െൻറയും ശ്രീജിഷ 44 വോട്ടി​െൻറയും ഭൂരിപക്ഷത്തിലാണ് വിജയികളായത്​.

കിരൺ കുമാറി​െൻറ പിതാവ് മുൻ ജില്ല പഞ്ചായത്ത് വൈസ് പ്രസിഡൻറും സി.പി.ഐ പ്രവർത്തകനുമായ എസ് പ്രഭാകരകുറുപ്പ് മുൻ മന്ത്രി കെ. നാരായണക്കുറുപ്പി​െൻറ സഹോദരീ പുത്രനാണ്. ശ്രീജിഷ ബി.എഡ് ബിരുദധാരിയാണ്. ഏകമകൾ: നിരഞ്ജന. ഏഴാംക്ലാസ് വിദ്യാർഥിനിയാണ്.