കിറ്റ് വിതരണം; റേഷൻ വ്യാപാരികൾക്ക്​ കിട്ടാനുള്ളത്​ 2.7 കോടി

നാ​ലു വ​ര്‍ഷം മു​മ്പ് ഇ ​പോ​സ് മെ​ഷീ​ന്‍ സ്ഥാ​പി​ച്ച് റേ​ഷ​ന്‍ വി​ത​ര​ണം ആ​രം​ഭി​ക്കു​മ്പോ​ള്‍ കാ​ലാ​നു​സൃ​ത​മാ​യി വേ​ത​നം പു​തു​ക്കാ​മെ​ന്ന് അ​റി​യി​ച്ചി​രു​ന്നെങ്കിലും അ​നു​കൂ​ല തീ​രു​മാ​ന​മെ​ന്നും ഉ​ണ്ടാ​യി​ല്ല

കോ​ട്ട​യം: റേ​ഷ​ൻ ക​ട​ക​ളി​ലൂ​ടെ കി​റ്റ് വി​ത​ര​ണം ചെ​യ്ത വ​ക​യി​ൽ ജി​ല്ല​യി​ലെ റേ​ഷ​ൻ വ്യാ​പാ​രി​ക​ൾ​ക്ക്​ കി​ട്ടാ​നു​ള്ള​ത്​ 2.7 കോ​ടി. കോ​വി​ഡ്​ കാ​ല​ത്ത്​ ഉ​ൾ​പ്പെ​ടെ കി​റ്റ്​ ന​ൽ​കി​യ വ​ക​യി​ലെ ക​മീ​ഷ​നാ​ണി​ത്​. 928 വ്യാ​പാ​രി​ക​ള്‍ക്കാ​ണ്​ തു​ക കി​ട്ടാ​നു​ള്ള​ത്. നി​വൃ​ത്തി​യി​ല്ലാ​തെ റേ​ഷ​ന്‍ വ്യാ​പാ​രി​ക​ള്‍ സ​മ​ര​ത്തി​ന്.

ഒ​രു കി​റ്റി​ന് അ​ഞ്ചു രൂ​പ നി​ര​ക്കി​ല്‍ ഒ​മ്പ​തു മാ​സ​ത്തെ കു​ടി​ശ്ശി​ക​യാ​ണ് വ​ര്‍ഷ​ങ്ങ​ള്‍ക്കു ശേ​ഷ​വും ന​ല്‍കാ​ത്ത​ത്. 2020 ഏ​പ്രി​ലി​ലാ​ണ് കി​റ്റ് വി​ത​ര​ണം ആ​രം​ഭി​ച്ച​ത്. 2021 ജൂ​ണ്‍വ​രെ തു​ട​ര്‍ച്ച​യാ​യും ആ​ഗ​സ്റ്റി​ല്‍ ഓ​ണ​ത്തി​നും കി​റ്റ് വി​ത​ര​ണം ചെ​യ്തു. ക​മീ​ഷ​നാ​യി വ്യാ​പാ​രി​ക​ള്‍ 15 രൂ​പ ആ​വ​ശ്യ​പ്പെ​ട്ട​പ്പോ​ള്‍ ആ​ദ്യ​സ​മ​യം കി​റ്റ് ഒ​ന്നി​ന് ഏ​ഴു രൂ​പ​യാ​ണ് അ​നു​വ​ദി​ച്ച​ത്. പി​ന്നീ​ട് അ​ഞ്ചാ​യി കു​റ​ച്ചു. ക​മീ​ഷ​ന്‍ വി​ഷ​യം ഉ​ള്‍പ്പെ​ടെ ചൂ​ണ്ടി​ക്കാ​ട്ടി തി​ങ്ക​ളാ​ഴ്ച വ്യാ​പാ​രി​ക​ള്‍ സെ​ക്ര​ട്ടേ​റി​യ​റ്റി​നു മു​ന്നി​ല്‍ റാ​ലി​യും ധ​ര്‍ണ​യും ന​ട​ത്തും.

വേ​ത​ന പാ​ക്കേ​ജ് പ​രി​ഷ്‌​ക​രി​ക്കു​ക, ലൈ​സ​ന്‍സി​ക്കും സെ​യി​ല്‍സ്മാ​ന്‍മാ​ർ​ക്കും ജീ​വി​ക്കാ​ന്‍ ആ​വ​ശ്യ​മാ​യ വ​രു​മാ​നം ഉ​റ​പ്പാ​ക്കു​ക തു​ട​ങ്ങി​യ ആ​വ​ശ്യ​ങ്ങ​ളും ഉ​ന്ന​യി​ക്കു​ന്നു. വേ​ത​ന പാ​ക്കേ​ജ് ഉ​യ​ര്‍ത്ത​ണ​മെ​ന്ന ആ​വ​ശ്യ​വും വ്യാ​പാ​രി​ക​ള്‍ക്കു​ണ്ട്. നാ​ലു വ​ര്‍ഷം മു​മ്പ് ഇ ​പോ​സ് മെ​ഷീ​ന്‍ സ്ഥാ​പി​ച്ച് റേ​ഷ​ന്‍ വി​ത​ര​ണം ആ​രം​ഭി​ക്കു​മ്പോ​ള്‍ കാ​ലാ​നു​സൃ​ത​മാ​യി വേ​ത​നം പു​തു​ക്കാ​മെ​ന്ന് അ​റി​യി​ച്ചി​രു​ന്നു. പി​ന്നീ​ട് അ​നു​കൂ​ല തീ​രു​മാ​ന​മെ​ന്നും ഉ​ണ്ടാ​യി​ല്ലെ​ന്നു വ്യാ​പാ​രി​ക​ള്‍ പ​റ​യു​ന്നു.